Ex 15:25 - Kaqchiquel Bible

²⁵ Y jari' toq ri Moisés xuk'utuj to'onik chire ri Jehová y ri Jehová xuk'ut k'a jun che' chuwech, richin chi jari' tuya' chupan ri ya'. Y ri ya' kan chi'anin k'a xutzir. Ri Jehová kan xerutejtobej k'a y chuqa' xuya' jujun chik ruchojmilal chike.

Ex 15:25 ပူးပေါင်းရင်းမြစ်များ

2 Rey 2:21

Y xbe k'a rija' chuchi' ri ralaxbel-ya'; y xujopij-qa ri atz'an chupan, y xubij: Kere' rubin ri Jehová: Yin ninwaq'omaj re ralaxbel-ya' re'. Man chik jun xtiken roma re ya' re'; keri' chuqa' ri ulew kan xtiwachin, xcha'.

2 Rey 4:41

K'ari' ri Eliseo xuk'utuj juba' k'ej, y xuchipipej-qa chupan ri bojo'y. Y k'ari' xubij chi tijach ri kiq'utun. Y konojel k'a ri e q'alajirisey ruch'abel ri Dios xewa', roma ri q'utun xa xban yan raq'omal, y kan utz chik richin nitij.

2 Rey 6:6

Y ri Eliseo xuk'utuj chire akuchi xapon-wi. Y xuk'ut k'a chuwech. K'ari' ri Eliseo xujoq' jun xik'a'y, y xuya-qa akuchi xtzaq-wi-qa ri ruwi' ikej; y kan xberutelej k'a pe ya' ri ruwi' ri ikej ri'.

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Wuj Richin Bix Chire ri Dios 66:10

Qa-Dios roj, ronojel re' xaben richin xojatejtobej; xojach'ajch'ojirisaj achi'el toq nijosq'ix ri saqipueq.

Wuj Richin Bix Chire ri Dios 81:7

Chupan ri tijoj-poqonal xiniwoyoj, y yin kan xixinto'; Xink'uluba' k'a ri ich'abel rik'in koqolajay; K'ari' xixintejtobej k'a chunaqaj ri ya' richin Meribá.

Wuj Richin Bix Chire ri Dios 91:15

Rija' k'o xtuk'utuj chuwe, y yin xtink'uluba-pe ri ruch'abel. Kan xkik'oje' rik'in pa bis, Xtinkol k'a y xtinnimirisaj ruq'ij.

Wuj Richin Bix Chire ri Dios 99:6

Ri Moisés y ri Aarón kan jeri' ri xe'ok ru-sacerdote, Ri Samuel jari' ri nich'on pa kiwi' ri winaqi' rik'in rija'. Rije' kan xech'on k'a rik'in ri Jehová, y rija' kan xerak'axaj k'a pe.

Ex 14:10

Y toq ninaqajub yan apo ri rey e rachibilan ri e aj-labal ri e beneq rik'in, ri israelita xekitz'et k'a y jari' toq xkinabej chi e tzeqeliben-el. Y rije' xpe k'a jun nimalej xibinri'il chike y xkik'utuj kuchuq'a' chire ri Jehová.

Ex 16:4

Jari' toq ri Jehová xubij chire ri Moisés: Yin kan xtinben k'a chi xtiqaqa-pe aj-chikajil-wey. Kan xtiqaqa-pe achi'el nuben ri job y ri winaqi' kan xtikimol k'a ri janipe' nikitej jun q'ij. Yin ninwajo' yentejtobej rik'in re', q'alaj ri' wi nikiben ri ninbij chike.

Ex 17:4

Jari' toq ri Moisés xch'on chik rik'in ri Jehová y xubij chire: ¿Achike k'a xtinben rik'in re tinamit re'? Roma rije' xa kan jari' ek'o chik richin chi yinkikamisaj chi abej, xcha'.

Ex 20:20

Y ri Moisés xubij k'a chike ri winaqi': Man tixibij-iwi', roma ri Dios xpe richin yixrutejtobej. Re xibinri'il re' kan xtik'oje' k'a chi'ik'u'x y xtuben chiwe chi niya' ruq'ij-ruk'ojlen, richin chi man yixmakun ta chik chuwech, xcha' ri Moisés chike.

Wuj Richin Etamabel-Tzij 17:3

Richin chi nitz'et wi utz ri saqipueq, niya'erisex pa jun bojo'y y ri q'anapueq niya'ox pan horno; jak'a richin nitz'et wi ch'ajch'oj ránima ri wineq, kan ja ri Jehová ri nitejtoben.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.

Wuj Richin ri Jeremías 9:7

Roma ri' yin Jehová ri in k'iytisanel richin ronojel ninbij k'a chi kan man jun chik yitikir ninben kik'in ri nuwinaq, xaxe k'a achi'el niban chire ri q'eqapueq ri niya'erisex pa q'aq' richin yech'ajch'ojir-el.

Ez 47:7

Y xintz'et chi, chi e ka'i' ruchi' ri raqen-ya' ek'o janila che'.

Ez 47:8

K'ari' ri achin xubij chuwe: Re ya' re' nibiyin-qa pa relebel-q'ij y napon k'a pa raqen-ya' Jordán. K'ari' nok-apo chupan ri Tzayi-Choy. Y toq napon-qa chiri', ri ya' ri k'o chupan ri Tzayi-Choy kan nok k'a ki'.

1 Corintios 1:18

Ri tijonik pa ruwi' ri rukamik ri Cristo chuwech ri cruz, kan uchuq'a' ri nipe rik'in ri Dios chiqe roj ri qachapon bey richin kolotajik. Jak'a ri winaqi' ri xa pa tojbel-mak kichapon bey, chike rije', ri tijonik ri' xa ch'ujerik.

Deut 13:3

kan man tinimaj k'a rutzij jun wineq keri'. Roma ri Jehová ri qa-Dios xa yixrutejtobej richin nutz'et wi kan qitzij niwajo' rija' rik'in ronojel iwánima, chupan chijun ik'aslen.

Deut 8:16

Y ri chiri' xojrutzuq rik'in aj-chikajil-wey, ri man jun bey kitz'eton ta ri qati't-qamama', y chuqa' kan xojruya' pa poqon y xojrutejtobej richin utz xqaben.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

Wuj Kichin ri To'onela' 2:22

Xtinben keri' richin chi yixintejtobej rix, wi nitzeqelibej ri bey wichin yin achi'el xkitzeqelibej ri iwati't-imama' ri ojer kan, xcha' ri Jehová.

Wuj Kichin ri To'onela' 3:1

Ri Jehová k'a xeruya' na kan jujun tzobaj winaqi' richin ri ruwach'ulew richin yerutejtobej ri israelita, ri man jun bey kitz'eton jun labal achi'el ri xban chiri' pa Canaán.

Wuj Kichin ri To'onela' 3:4

Ri Jehová xerukusaj re winaqi' re' richin xerutejtobej ri israelita, richin nutz'et wi kan nikitaqej ri rupixa' ri ruya'on chike ri kite-kitata' ri xujech pa ruq'a' ri Moisés.