Ex 15:20 - Kaqchiquel Bible

²⁰ Y jak'a ri María, ri q'alajirisey ruch'abel ri Dios, ri rana' ri Aarón, xuchop jun q'ojom rubini'an pandero, richin xubixaj rubi' ri Dios. Y konojel k'a ri ixoqi' xkitzeqelibej-el y rije' kik'ualon chuqa' ki-pandero y yetzopiyaj ri yebixan.

Ex 15:20 ပူးပေါင်းရင်းမြစ်များ

Wuj Richin Bix Chire ri Dios 150:4

Tiya' ruq'ij ri Dios rik'in pandereta, y kan kixropiyaj roma kikoten. Tiya' ruq'ij rik'in xul y q'ojom ri e banon rik'in k'an.

1 Sam 18:6

Y toq xetzolin-pe konojel chubanik oyowal y chuqa' xtzolin-pe ri David ri xkamisan richin ri Goliat, xebe'el k'a pe konojel ri ixoqi' richin ri ruwach'ulew Israel. Yeropilan y yebixan rik'in kikoten richin xkik'ul-apo ri rey Saúl rik'in jalajoj ruwech q'ojom.

Wuj Richin Bix Chire ri Dios 68:25

Ri bixanela' e beneq k'a pa nabey, ri q'ojomanela' e xambey kan, pa kinik'ajal rije' e beneq xtani' kik'ualon pandereta.

Wuj Kichin ri To'onela' 11:34

Y toq ri Jefté xtzolej chirachoch chiri' pa Mispá, jari' toq xbe'el-pe ri juney rumi'al richin nuk'ul-apo, y ruk'uan ri ru-pandereta pa ruq'a' y nitzopiyaj rik'in. Y kan xaxe k'a ok jun rumi'al ri k'o; kan man jun chik rumi'al ni ruk'ajol k'o.

Wuj Richin ri Q'axanri'il 26:59

Y re Amram re' xk'ule' rik'in jun rijatzul kan ri Leví, ri rubini'an Jocabed, ri xalex toq kan k'a k'o na ri chiri' pan Egipto. Y re ixoq re' xek'oje' e oxi' ral, e ralk'ual ri Amram, ri xkibini'aj Aarón, Moisés y María.

Wuj Richin ri Miqueas 6:4

Kan ja k'a yin ri xinelesan-pe iwichin pan Egipto y xixinkol-pe chupan ri kowilej taq samaj. Xenteq k'a ri Moisés, ri Aarón y ri María richin ja rije' re xeyuqen-pe iwichin.

Wuj Richin Bix Chire ri Dios 149:3

Kan tibixex k'a ri rubi' y ketzopin roma kikoten. Rik'in ri pandero y ri arpa kebixan richin nikiya' ruq'ij.

Wuj Kichin ri To'onela' 4:4

Chupan ri q'ij ri' ri niq'aton-tzij chupan ri tinamit Israel, ja ri jun ixoq rubini'an Débora, rija' jun q'alajirisey ruch'abel ri Dios. Chuqa' ixjayilonel richin ri Lapidot.

San Lucas 2:36

K'o k'a chuqa' jun ixoq q'alajirisey ruch'abel ri Dios rubini'an Ana, rumi'al kan ri Penuel, y riy-rumam kan ri Aser. Re Ana re' ti ri'j chik. Rija' k'a ko'ol toq xk'ule'. Xaxe wuqu' juna' xkik'uaj-ki' rik'in ri rachijil, roma xa chi'anin xken-el chuwech.

Wuj Richin Bix Chire ri Dios 81:2

Qojbixan rik'in ri pandero, qojbixan rik'in ri arpa y ri salterio.

2 Rey 22:14

Y k'o k'a jun ixoq q'alajirisey ruch'abel ri Dios rubini'an Huldá, rixjayil ri Salum ruk'ajol ri Ticvá y rumam ri Harhás. Ri Salum ja rija' ri chajiy richin akuchi niyak-wi ri tzieq kichin ri sacerdote. Y ri Huldá k'o k'a rachoch chiri' ri akuchi nibix Ruka'n Tanaj chire richin ri tinamit Jerusalem. Ri e wo'o' achi'a' xebe rik'in, y toq xe'apon,

Ex 2:4

Y ri ti rana' ri ti ak'ual ri', xk'oje' kan nej richin nunachaj-apo achike xtik'uluwachitej rik'in ri ti ruxibal.

Hechos 21:9

Rija' ek'o k'a e kaji' rumi'al ri man e k'ulan ta, y rije' nikiq'alajirisaj k'a ri ruch'abel ri Dios.

Wuj Richin Bix Chire ri Dios 68:11

Ri ajaw kan nich'on k'a pe, y ri ixoqi' kan xkitaluj k'a ri utzilej rutzijol.

Wuj Richin Bix Chire ri Dios 30:11

Ri nuq'axo'n kan xajel k'a rik'in kikoten; xawelesaj k'a ri janila bis chuwij y xinanojisaj rik'in kikoten.

2 Sam 6:14

Y rija' rukusan k'a el jun rutziaq ri banon rik'in lino. Y janila k'a kikoten k'o rik'in y roma ri' kan nitzopiyaj rik'in ronojel ruchuq'a' chuwech ri Jehová.

1 Sam 10:5

Chirij ri', xkatapon pa tinamit Guibeá, akuchi ek'o-wi jun tzobaj aj-Filistea. Y toq xkatok chupan ri tinamit ri', xke'ak'ul jun tzobaj e q'alajirisey ruch'abel ri Dios ri e tzolejineq-pe richin xbekiya' ruq'ij ri Dios y nikiq'alajirisaj ri ruch'abel. Y chikiwech rije' e ik'owineq-pe q'ojomanela' kik'amon-pe ri kiq'ojom: Ri salterio, ri pandero, ri xul y ri arpa.

Wuj Kichin ri To'onela' 21:21

Kan tinaba' k'a iwi'; y toq xtitz'et chi ri xtani' aj-Siló xkebe'el-pe pa tzobaj y yexajo', chi'anin kixel-pe ri akuchi ixk'o-wi, y chi'ijujunal tik'ama' kan jun xten ri aj-Siló y kixbiyin pan iruwach'ulew ri richin Benjamín.

Wuj Richin ri Q'axanri'il 20:1

Y toq xq'ax yan juba' juna', ri winaqi' israelita xe'apon chik jun bey pa tz'iran ruwach'ulew Sin, chupan ri nabey ik' chire ri juna'. Y chiri' pa tinamit Cadés xek'oje-qa. Y xken k'a kan ri María y xmuq kan chiri'.

1 Corintios 11:5

Jak'a ri ixoqi', toq yech'on rik'in ri Dios y toq nikibij ri ruq'alajirisan ri Dios chike, tikikuchu' k'a kijolon rik'in jun tzieq. Roma wi man keri' ta, nikiqasaj ruq'ij ri jolomaj ri k'o pa kiwi' rije' y xa junan rik'in ri juk'un ta el ronojel ri rusumal-kiwi'.

2 Sam 6:16

Toq ri káxa ri' xapon pa Jerusalem, jari' toq ri Mical ri rixjayil nitzu'un-pe pa jun ventana. Ri Mical ri' rumi'al kan ri Saúl. Y toq xutz'et-pe chi ri David nitzopiyaj roma kikoten chuwech ri Jehová, jari' toq rija' kan xretzelaj k'a ri rachijil.

2 Sam 6:5

Ri David y ri ch'aqa' chik israelita yetzopilan k'a e beneq, yebixan k'a chuwech ri Jehová rik'in jalajoj ruwech q'ojom.

1 Corintios 14:34

Toq nimol-iwi' pa rubi' ri Dios, ri ixoqi' kan ruk'amon chi tikinimaj tzij y man keq'ajan-apo, roma man ruk'amon ta richin yech'on; xa kan kek'oje' chuxe' kitzij ri kachijilal, achi'el nubij ri pixa'.

Wuj Richin ri Q'axanri'il 12:1

Ri María y ri Aarón xkichop k'a itzel yech'on chirij ri Moisés, stape' rija' jun achin ri kan yalan ruqasan-ri' chuwech ri Dios, y man achi'el ta konojel ri ch'aqa' chik achi'a' ri ek'o chuwech re ruwach'ulew. Itzel k'a yech'on chirij roma rija' xa rik'in jun ixoq aj-Etiopía k'ulan-wi. Y rije' nikibila' k'a chikiwech: ¿Xaxe kami rik'in ri Moisés nich'on-wi ri Jehová? ¿Man ch'owineq ta kami chuqa' qik'in roj?, xecha'. Y ronojel ri' xrak'axaj-pe ri Jehová.

Wuj Richin ri Rutikeribel 31:27

¿Achike roma xawewaj-pe-awi', xatanimej-pe y xinaq'ol kan? Roma xa ta xaya' kan rutzijol chuwe, yin xatinjech ta pe rik'in kikoten y xqaben ta jun nimaq'ij rik'in ronojel ruwech q'ojom.

2 Sam 1:20

Man tiya'ox rutzijol chiri' pa tinamit Gat. Man titzijox ri pa taq nima'q ruwech bey richin molojri'il chiri' pan Ascalón; richin man yekikot ri kimi'al ri aj-Filistea; richin man yetzopin roma kikoten ri kimi'al ri achi'a' ri man e qawinaq ta.

1 Crón 6:3

Jare' ri e oxi' ralk'ual kan ri Amram: Ri Aarón, ri Moisés y ri María. Jare' ri e kaji' ruk'ajol kan ri Aarón: Ri Nadab, ri Abihú, ri Eleazar y ri Itamar.

1 Crón 15:16

Y ri David xubij k'a chuqa' chike ri aj-raqen pa kiwi' ri e levita chi kecha'ox ri bixanela' y nikibixaj bix richin kikoten, chuqa' kecha'ox ri q'ojomanela' rik'in jalajoj ruwech q'ojom achi'el ri salterio, ri arpa y ri platillo.

Wuj Richin ri Molojri'il 3:4

Napon k'a ruq'ijul richin oq'ej, y chuqa' napon k'a ruq'ijul richin kikoten. Napon k'a ruq'ijul richin jiloj, y chuqa' napon ruq'ijul richin yaropin roma kikoten.

Wuj Richin ri Jeremías 31:4

Kan xtinpaba' chik q'anej jun bey ri iruwach'ulew rix aj-Israel. Kan xtiq'ojomaj chik jun bey ri i-pandereta y xkixropilan rik'in kikoten.

Wuj Richin ri Nehemías 6:14

Roma ri' xich'on rik'in ri nu-Dios y xinbij: Rat nu-Dios toqaqa k'a chi'ak'u'x ronojel ri xkiben chuwe ri Tobías y ri Sambalat. Y chuqa' ri jun ixoq Noadías y ri ch'aqa' chik, roma nikibij chi e q'alajirisey ri ach'abel, jak'a xa man qitzij ta. Rije' xkiben ronojel re' richin xkajo' xinkixibij, xicha'.

Wuj Richin Bix Chire ri Dios 68:26

Tinimirisaj ruq'ij ri Dios chupan ri molojri'il, Chi'iwonojel rix israelita tinimirisaj ruq'ij ri ajaw.