Ex 15:17 - Kaqchiquel Bible

¹⁷ Rat xke'ak'uaj y xke'atik pa ruwi' ri juyu', ri xtaya' chike. Ri chiri', ri akuchi atk'o-wi rat Jehová Dios. Ri akuchi abanon rat Jehová, chi chiri' nak'ul-wi aq'ij.

Ex 15:17 ပူးပေါင်းရင်းမြစ်များ

2 Sam 7:10

Y pa ruwi' ri' yin xinya' jun ruwach'ulew chiwe rix israelita, ri ix nutinamit. Wawe' k'a xkixk'oje-wi richin q'asen, y man jun chik xtinaqo iwichin. Ri itzel taq winaqi' man chik xkixkiya' ta pa tijoj-poqonal achi'el ri kibanon-pe chike ri iwati't-imama',

1 Rey 8:13

Jak'a re wakami, yin xinpaba-q'anej re jun jebelej y nimalej awachoch rat richin yak'oje' chupan richin q'asen, xcha' chire ri Dios.

Wuj Richin Bix Chire ri Dios 114:2

jari' toq ri rijatzul ri Judá xecha'ox richin xe'ok richin ri Jehová. Jari' toq ri Israel xok rajawaren.

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

Wuj Richin Bix Chire ri Dios 44:2

Rik'in ri aq'a' xe'awelasaj ri winaqi' chuwech ri kiruwach'ulew y xe'ajikiba' ri qati't-qamama' chuwech ri ruwach'ulew ri'; xaya' k'a ruk'ayewal pa kiwi' ri winaqi' ri', jak'a ri qati't-qamama' xaben chi xek'iyer-q'anej ri kijatzul.

Wuj Richin Bix Chire ri Dios 68:16

¿Achike k'a roma nich'upun ik'u'x rix nima'q taq juyu' chirij ri juyu' ri rucha'on ri Dios richin chi chiri' niq'aton-wi-tzij? Kan qitzij wi chi chiri' xtik'oje-wi rija' richin jantape'.

Wuj Richin Bix Chire ri Dios 76:2

Ri rachoch, kan pa Jerusalem k'o-wi, rija' kan chiri' pa juyu' Sión k'es-wi.

Wuj Richin Bix Chire ri Dios 80:15

Katanpe richin yojakol roj ri kan oj achi'el tiko'n ri ja rat xatiko-qa, ri kan xajikiba' chi kan awichin rat.

Wuj Richin Bix Chire ri Dios 80:8

Rat xe'awelesaj-pe ri qati't-qamama' pan Egipto y xe'ak'en-pe wawe'; K'ari' xe'awelesaj-el ri winaqi' ri kan ek'o wawe', richin xe'ajikiba' kan.

Ex 15:13

Rat xayuqej rik'in joyowanik ri atinamit ri xakol; kan rik'in k'a ri awuchuq'a' xak'uaj k'a akuchi atk'o-wi rat.

Ex 23:20

Yin kan xtinteq k'a el jun ángel chiwech rix, richin chi yixruchajij chupan chijun ri ibey y ja rija' ri xtuk'uan ri ibey k'a toq xkixapon na chupan ri ruwach'ulew ri nunaban chiwe.

Ex 25:8

Y xeri' ri awinaq kan tikibana' k'a jun jay ri kan wichin yin, richin chi chiri' yinok'oje-wi-qa ri chi'ikojol.

Ex 32:34

Wakami k'a, kabiyin, tak'uaj-el ri tinamit k'a chupan ri ruwach'ulew ri nubin chik chawe. Y ri nu-ángel kan xtik'o k'a el chiwech. Man rik'in ri' toq xtapon k'a ri q'ij richin chi xtinya' ri rutojbalil chike, re winaqi' re' kan xtinya-wi ruk'ayewal pa kiwi' roma ri kimak, xcha' ri Jehová.

Wuj Richin ri Jeremías 2:21

Yin xixinya' k'a chuwech re ruwach'ulew achi'el ri uva ri más jebel, achi'el ri ija'tz richin ri uva ri más jebel. Jak'a rix xa kan janila ix yojtajineq chik y kan man ninwetamaj ta chik iwech.

Wuj Richin ri Jeremías 31:23

Yin Jehová ri k'o ronojel uchuq'a' pa nuq'a' y roma ri' ninbij chi toq yin xtinjel ri rubanik ri kik'aslen ri winaqi' ri ek'o pa tinamit Judá, jari' toq rije' xkek'oje' chik jun bey pa kiruwach'ulew y pa taq kitinamit. Y xkech'on wik'in y xtikik'utuj chuwe chi yin xtinwurtisaj ri wachoch ri k'o pa ruwi' re juyu' re'.

Wuj Richin ri Jeremías 32:41

Yin Jehová kan xkikikot k'a roma utz xtinben kik'in. Kan xkenya' k'a rik'in qitzijri'il chupan re ruwach'ulew re', rik'in ronojel wánima y ronojel nuk'u'x.

Ez 37:26

Kan xtinben k'a kik'in rije' jun tununri'il richin uxlanibel-k'u'x richin jantape'. Chuqa' xtinben k'a chi xkejike' richin q'asen y xkewinaqir. Ri wachoch kan xtik'oje' k'a chikikojol rije',

Ez 37:28

Toq ri wachoch xtik'oje' chikikojol richin q'asen, jari' toq ri ch'aqa' chik tzobaj winaqi' richin re ruwach'ulew kan xtiketamaj k'a chi ja yin ri xicha'on ri tinamit Israel richin xke'ok jun ruwach'ulew ch'ajch'oj, xcha'.

Deut 33:19

Kan xtiwelesaj beyomel chiri' chuchi' ri choy, kan k'a chuchi' ri choy xtiwil beyomel. Roma ri' xke'iwoyoj konojel ri iwinaq chiri' pa ruwi' ri juyu' richin yixnimaq'ijun; y chiri' xtisuj kamelabel richin ruchojmilal.

Wuj Richin ri Josúe 22:19

Wi rix nina' chi man ch'ajch'oj ta ri ruwach'ulew ri xiwichinaj kan, más utz kixq'ax k'a pe wawe' pa qaruwach'ulew ri kan qitzij richin ri Jehová. Kixk'oje' k'a chiqakojol ri akuchi k'o-wi ri rachoch ri Jehová, y xtok iwichin jun chike ri qaruwach'ulew roj. Jak'a man kixyakatej chirij ri Jehová, ni chuqa' chiqij roj; y man tipaba' chik q'anej jun porobel ri xa k'o chik, ri kan richin ri Jehová ri qa-Dios.