Ex 15:16 - Kaqchiquel Bible

¹⁶ Xtiqaqa nimalej xibinri'il pa kiwi', roma ri ruchuq'a' ri aq'a', Roma ri' xkememur, achi'el jun abej, ri man jun nitikir nubij. k'a toq q'axineq chik na ri atinamit rat Jehová. K'a toq q'axineq chik na re tinamit re xakol-pe.

Ex 15:16 ပူးပေါင်းရင်းမြစ်များ

Wuj Richin ri Rutikeribel 35:5

Y rije' xe'el k'a el chiri', y ri Dios xuben chike ri winaqi' ri ek'o chiri' chi xqaqa jun nimalej xibinri'il pa kiwi', y jari' ri xbanon chike chi man xeyakatej ta el chikij.

2 Sam 7:23

Chuqa' kan man jun chik k'o ri achi'el ta roj ri atinamit Israel, roma kan ja rat ri xakolon-pe kichin ri qati't-qamama' chiri' pan Egipto richin xojok atinamit. Chuqa' kan xaben chi xnimer aq'ij toq xe'aben ri nimalej taq banobel ri kan nak'en rukiy richin chi xe'awelesaj-el ri winaqi' aj wawe' junan kik'in ri ki-dios, chikiwech ri qati't-qamama' toq xe'oqaqa re wawe'.

Wuj Richin Bix Chire ri Dios 105:38

Ri aj-Egipto xekikot k'a toq xe'el-pe chikikojol. Y ri kikiy ri qati't-qamama' xa kan qajineq chik k'a pa kiwi' rije'.

Wuj Richin Bix Chire ri Dios 74:2

Toqaqa chi'ak'u'x ri tzobaj winaqi' ri xacha' rat ri ojer kan, ri xakol-pe, richin chi xojok awichin rat, Toqaqa chi'ak'u'x ri juyu' Sión ri akuchi xak'oje-wi.

Wuj Richin Bix Chire ri Dios 89:14

Rat kan jantape' k'a naq'et-tzij pa ruchojmilal y jantape' naben ri nabij, ri awajowabal kan nitz'etetej.

Ex 11:7

Re xtik'uluwachitej pan Egipto kan richin tiketamaj ri winaqi' chi ri Jehová kan k'o rukojol nuben kik'in ri winaqi' israelita y ri aj-Egipto. Roma chupan ri aq'a' ri', chikikojol ri winaqi' israelita, ni jun tz'i' man xtiba'on ta, ni ri ch'aqa' chik chikopi' man jun xtikoq'ej.

Ex 15:13

Rat xayuqej rik'in joyowanik ri atinamit ri xakol; kan rik'in k'a ri awuchuq'a' xak'uaj k'a akuchi atk'o-wi rat.

Ex 15:5

Ri palou ri' xerumuq k'a; xebek'oje' kan chuxe', achi'el ri abej.

Ex 15:6

Ri awijkiq'a' rat Jehová Dios, nim rik'in uchuq'a'; ri awijkiq'a' rat Jehová Dios, xeruwulaj ri e etzelanel awichin.

Ex 18:8

Y jari' toq ri Moisés xuchop rutzijoxik chire ri rujinan ronojel ri xuben ri Jehová rik'in ri rey y kik'in ri winaqi' aj-Egipto, roma ri rajowabal pa kiwi' ri israelita. Chuqa' xutzijoj chire ronojel ri ruk'ayewal ri xkil pa bey y ri rubanik ri xuben ri Jehová richin xerukol.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Ex 23:20

Yin kan xtinteq k'a el jun ángel chiwech rix, richin chi yixruchajij chupan chijun ri ibey y ja rija' ri xtuk'uan ri ibey k'a toq xkixapon na chupan ri ruwach'ulew ri nunaban chiwe.

Ex 23:22

Y wi rix kan ninimaj ri rutzij rija' y niben ronojel ri nubin chire rija' chi k'o chi niben rix, wi keri' yin kan xtinpaba-wi' chikiwech ri ye'etzelan iwichin y xtinya' tijoj-poqonal pa kiwi' ri yebanon chiwe richin nitej poqon.

Ex 23:27

Yin kan xtinben richin xtikixibij-ki' chiwech, y xtinya' ri nimalej nuxibinri'il pa kiwi' konojel ri tinamit ri akuchi xkixq'ax-wi y xa xtusech kik'u'x y xke'animej k'a el chiwech ri e etzelanel iwichin.

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Wuj Richin ri Isaías 51:10

Ja rat ri xachaqirisan ri Kaqa-Palou, ri janila nim rupan. Y ja rat ri xabanon richin xk'oje' bey chupan ri ya' ri', richin chi xeq'ax ri e kolotajineq chik.

Wuj Richin ri Isaías 63:12

Ri Dios xuteq-pe ri nimalej ruchuq'a' richin xuyuqej chiruq'a' ri Moisés, ri xbanon chi xch'aratej ri palou ri', richin xnimirisex rubi' ri Jehová tibe-q'ij tibe-seq,

Wuj Richin ri Jeremías 31:11

Roma yin kan xkenkol ri rutinamit kan ri Jacob pa ruq'a' jun ruwach'ulew ri k'o janila ruchuq'a' chikiwech rije'.

Ez 16:8

Chirij ri' xiq'ax chik jun bey chi'anaqaj y xintz'et chi k'o chik ajuna' richin nawajo' achin. Y xinrik' ri nuq'a' chawij richin xatinkuch y xinxim nutzij awik'in, richin xatok wichin.

Hechos 20:28

Kan tichajij k'a qa ik'aslen rix, y keri' chuqa' tibanala' kik'in ri molaj qach'alal, achi'el nuben jun yuq'unel kik'in ri rukarne'l, roma ri Loq'olej Espíritu ix ruya'on richin jebel ye'ik'uaj, roma rije' kan e richin chik ri ajaw Jesús, roma kan ja rija' ri xkolo kichin, rik'in ri rukik'el ri xbiyin toq xkamisex.

Deut 11:25

Man jun k'a ri xtupaba' ta ri' chiwech, roma ri Jehová ri qa-Dios xtuben chike chi xtikik'en ikiy, y xtipe jun nimalej xibinri'il pa kiwi' ri winaqi' ri ek'o pa nima'q taq ruwach'ulew ri akuchi xkixq'ax-wi, achi'el ri rubin rija' chiwe.

Deut 2:25

Y ri Jehová xubij chi xtuben chike konojel winaqi' richin ri ruwach'ulew chi xtikik'en qakiy y xtikixibij-ki' toq xtikak'axaj ri qatzijol, y roma ri' rije' kan xkebaybot y xtipe bis kik'in.

Deut 2:4

Kere' tabij chire ri tinamit: Rix kan yixbeq'ax yan k'a pa kitinamit ri edomita ri ek'o chiri' pa Seír, y ri winaqi' ri' kan e iwach'alal-wi. Rije' kan xtikixibij k'a ki' chiwech, jak'a rix kan utz tibana' kik'in.

Deut 32:6

¿Man ja ta kami rix ri maneq ina'oj y ix ch'ujerineq, richin chi itzel rutojbalil ri niya' chire ri Jehová? ¿Man ja ta kami rija' ri itata'? ¿Man ja ta kami rija' ri tz'ukuy iwichin? ¿Man ja ta kami rija' ri xmolon iwichin y xa jun xuben chiwe?

Deut 32:9

Roma ri Jehová ja ri qatinamit ri xucha', kan ja roj ri oj rijatzul kan ri Jacob ri xojrucha' rija'.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Wuj Richin ri Josúe 2:9

Yin wetaman chi ri Jehová xujech yan re ruwach'ulew re' chiwe, roma ri' ri ikiy rix xoqaqa yan pa qawi' roj, y qonojel ri ojk'o chupan re jun tinamit re' xmayamoyan-qa ri qánima iwoma rix,

Wuj Richin ri Josúe 4:24

Keri' k'a xbanatej richin chi konojel tinamit richin chijun ruwach'ulew xtiketamaj chi ri ruq'a' ri Jehová kan janila ruchuq'a', y richin chuqa' chi rix k'o ta rukiy ri Jehová ri qa-Dios chiwech ronojel q'ij, xkecha', xcha' ri Josué.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

2 Pedro 2:1

Ri ojer kan, chikikojol ri nuwinaq judío xek'oje' q'alajirisanela' ri xa man e qitzij ta. Y keri' k'a chuqa' chi'ikojol rix xkebek'ulun-pe winaqi', xtikiben chi ja ri ruch'abel ri Dios ri nikik'ut, jak'a xa man qitzij ta. Y re' xaxe richin nuyoj kich'obonik ri winaqi'. Re tijonela' re' man xtikinimaj ta chi ri ajaw xken richin xutoj ri kimak. Keri' xa pa kiwi' rije' nikoyoj-wi ri tijoj-poqonal.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

1 Sam 25:37

Chupan ri nimaq'a' ri' toq xq'ax yan ri ruchuq'a' ri q'abarik chuwech ri Nabal, k'ari' toq ri Abigail xutzijoj-apo chire ri rachijil ronojel ri xbanatej. Y jari' toq ri Nabal kan xmayamo-qa ri ránima y xpe jun sikirinen chire ri ruch'akul, xk'oje' kan achi'el jun abej.