Ex 15:11 - Kaqchiquel Bible

¹¹ ¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.

Ex 15:11 ပူးပေါင်းရင်းမြစ်များ

1 Rey 8:23

y xubij chire ri Jehová: Rat Jehová ri at qa-Dios roj, kan man jun chik k'a Dios achi'el rat, ni ri chila' chikaj, ni pa ruwi' re ruwach'ulew. Rat kan naben ri ajikiban y kan najoyowaj kiwech ri yesamajin awichin ri kitaqen ri abey rik'in ronojel kánima.

1 Sam 2:2

Man jun loq'olej k'o, achi'el rat Jehová: kan xaxe wi rat ri atk'o. Man jun chik achi'el rat, y man jun chik tobel niqil achi'el ri k'o awik'in rat.

2 Sam 7:22

Roma ri', kan man jun chik más nim chawech rat nimalej Jehová. Y man jun bey k'a qak'axan chi k'o ta chik jun Dios achi'el rat.

Apocalipsis 4:8

Y ri kaji' ri k'o kik'aslen ox-ox k'a k'ulaj kixik' k'o y kan nojineq ri kij y ri chuxe' taq kixik' rik'in wachaj. Y man yetane' ta k'a qa chuya'ik ruq'ij ri Dios y chi paq'ij chi chaq'a' nikibij: Loq'olej, loq'olej, loq'olej ajaw. Ajaw Dios ri kan k'o ronojel uchuq'a' awik'in. Rat ri kan atk'o-pe pa rutikeribel, ri atk'o wakami y xkak'oje' chuqa' re xtibe-apo, yecha'.

Wuj Richin ri Isaías 6:3

Y chikijujunal rije' yesik'in y nikibila': Loq'olej, loq'olej, loq'olej Jehová k'iytisanel richin ronojel. Chijun ri ruwach'ulew nojineq rik'in ri ruk'ojlemal, yecha'.

Deut 3:24

Ajaw Jehová, rat kan achapon k'a pe ruk'utik chinuwech yin ri asamajel, ri nimalej ak'ojlen y ri awuchuq'a', ¿k'o kami jun chik Dios chila' chikaj y chuwech re ruwach'ulew ri nitikir nuben meyel taq banobel ri achi'el ye'aben rat?

Wuj Richin Bix Chire ri Dios 86:8

Nimalej ajaw, ¡kan man jun chik k'a k'o achi'el rat chikikojol ri ch'aqa' chik dios! Ri asamaj rat kan man jun chik achoq ik'in ta xtijunamex-wi.

Wuj Richin Bix Chire ri Dios 77:14

Ja rat ri at Dios ri yabanon meyel taq banobel; rat nak'ut ri awuchuq'a' chikiwech ri ch'aqa' chik ruwach'ulew.

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

Wuj Richin ri Isaías 40:25

Ri Dios nubij: ¿Achoq ik'in k'a xkinijunamaj-wi? ¿Achoq ik'in kami in junan yin ri Loq'olej richin Israel?, xcha'.

Deut 33:26

Kan man jun chik Dios k'o achi'el ri qa-Dios. Rija' achi'el xa ta pa ruwi' ri sutz' niqaqa-pe chikaj richin yixruto-el chi'anin, y chuqa' achi'el xa ta pa sutz' nipe-wi rik'in ri nimalej ruq'ij-ruk'ojlen.

Wuj Richin Bix Chire ri Dios 77:19

Chupan k'a ri palou xaq'ax-wi chupan k'a ri janila chi ya' xaben-wi ri abey; jak'a ri retal ri akuchi xaq'ax-wi man jun bey xtz'etetej.

Wuj Richin ri Isaías 40:18

Ri Dios man jun achoq ik'in nijunamex-wi, ni man nijunamex ta rik'in jun wachibel.

Wuj Richin Bix Chire ri Dios 35:10

K'ari' xkisik'in rik'in ronojel wuchuq'a' chi maneq chik jun Dios achi'el rat, roma kan ye'akol ri ek'o pa ruk'ayewal, chikiwech ri kan k'o kuchuq'a'. Y kan ye'ato' k'a ri k'o nik'atzin chike, chikiwech ri ye'eleq'an kik'in.

Ex 8:10

Ja ri chua'q ninwajo' yin, xcha' ri rey. Y ri Moisés xubij k'a kan: Keri' xtibanatej richin nawetamaj chi kan man jun chik achi'el ri Jehová ri qa-Dios roj.

Wuj Richin Bix Chire ri Dios 66:5

Kixanpe k'a, titz'eta' ronojel ri rubanon ri Dios, ri meyel taq banobel ri xuben kik'in ri qate-qatata'.

Wuj Richin ri Jeremías 49:19

Yin Jehová ri yibin. Xkipe k'a chiwij rix richin yixinwoqotaj, achi'el nuben jun koj ri nel-pe pa taq q'ayis richin ri raqen-ya' Jordán toq nibe pa jun soq'olbel richin yeroqotaj ch'aqa' chik chikopi'. Y ri iyuq'unela' man xketikir ta chuwij. Y chiri' xtinben chiwe chi xkixanimej-el chupan ri iruwach'ulew. Rix man iwetaman ta achike xtinteq-el richin yixroqotaj-el y ja yin ri'.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin Bix Chire ri Dios 145:17

Rat Jehová kan choj k'a naben rik'in ronojel. Kan janila k'a awutzil pa ruwi' ronojel ri abanon.

Wuj Richin ri Jeremías 10:16

Ja rat ri xabanon ronojel ri k'o chuwech re ruwach'ulew. Y ja rat ri at qa-Dios, ri oj rijatzul kan ri Jacob. Ja rat xacha'on qichin richin xojok atinamit. Y ri abi' rat Jehová k'iytisanel richin ronojel, xicha' chire ri Dios.

Wuj Richin Bix Chire ri Dios 119:120

Yin kan ninxibij k'a wi' chawech rat Jehová. Ri apixa' kan k'o rejqalen chinuwech yin.

San Lucas 12:5

Ninbij k'a chiwe achoq chuwech ruk'amon chi nixibij-iwi': Tixibij-iwi' chuwech ri man xaxe ta ri ch'akulaj nukamisaj, jak'a chirij ri' xa kan k'o chuqa' uchuq'a' rik'in richin nitikir yixruteq pa q'aq' richin jantape'. Kan tixibij k'a iwi' chuwech ri nibanon keri'.

Wuj Richin Bix Chire ri Dios 90:11

¿Achike ta k'a wineq ri retaman ri retabal ri awoyowal rat, ri awoyowal ri kan ruk'amon chi niqak'en rukiy?

Wuj Richin ri Chojmirisabelri'il 19:2

tubij chike ri winaqi': Kan tich'ajch'ojirisaj k'a iwi' richin niben ri utz chire ri ik'aslen roma yin Jehová ri i-Dios kan in loq'olej-wi.

Wuj Richin ri Isaías 30:11

Rije' man nikajo' nikak'axaj chik ri ninbij yin chike. Kan man nikajo' ta chi yin ri Loq'olej Dios yench'olij rije'.

Wuj Richin Bix Chire ri Dios 89:18

Kan ja rat Jehová ri at qatobal. Ja rat loq'olej Dios ri at qa-rey.

Apocalipsis 13:4

Y ri winaqi' kan xkiya' k'a ruq'ij ri Itzel-Wineq, roma jari' ri xya'on ri q'atbel-tzij pa ruq'a' ri nimalej chikop. Ri winaqi' chuqa' nikiya' ruq'ij ri nimalej chikop y nikibila': ¿K'o ta kami jun ri junan rik'in re nimalej chikop re' y nitikir nich'akon chirij?, yecha'.

Ex 3:20

Roma ri', yin kan xtinben chi xtiqaqa ruk'ayewal pa ruwi' ri Egipto, kan xtinben chi xkebanatej banobel ri man jun bey e tz'eton ta. K'a chirij ri' xtuya-el q'ij chiwe richin xkixbe.

Ex 9:14

Roma wi man keri' ta xtaben, wakami yin xtinteq-pe ronojel ruwech nima'q taq ruk'ayewal pan awi' rat, pa kiwi' ri aj-raqen y pa kiwi' konojel ri awinaq, richin chi tawetamaj chi kan man jun chik Dios k'o chuwech re chuwach'ulew, ri achi'el yin.

Ex 18:11

Wakami jebel k'a xq'alajin chinuwech chi ja ri Jehová jari' ri más nim chikiwech ri ch'aqa' chik dios, roma xuya' rutojbalil pa kiwi' ri winaqi' ri nim xkina-ki', roma xekiya' pa tijoj-poqonal ri israelita, xcha'.

Ex 20:3

Man tiben chi kan ek'o ch'aqa' chik dios, roma xaxe yin ri qitzij Dios.

2 Crón 2:5

Y ri jay richin ri Dios ri xtinpaba-q'anej kan janila nim, roma ri qa-Dios kan janila nim ruq'ij chikiwech ch'aqa' chik dios.

2 Crón 6:14

y xubij k'a: Jehová ri at qa-Dios roj, kan man jun chik k'a Dios achi'el rat, ni ri chila' chikaj, ni pa ruwi' re ruwach'ulew. Rat kan naben ri ajikiban y kan najoyowaj kiwech ri yesamajin awichin ri kitaqen ri abey rik'in ronojel kánima.

Wuj Richin Bix Chire ri Dios 22:23

Rix nuwinaq ri k'o rukiy ri Jehová chiwech, kan tiya' k'a ruq'ij.

Wuj Richin Bix Chire ri Dios 113:5

¿Achike chik ta k'a jun k'o achi'el ri Jehová ri qa-Dios, ri kan k'a más nej chire ri kaj tz'uyul-wi?

Wuj Richin Bix Chire ri Dios 136:4

Kan xaxe rija' ri xbanon ri nima'q taq banobel; roma ri rujoyowanik rija' kan richin jantape'.

Wuj Richin ri Miqueas 7:18

Kan man jun chik Dios k'o achi'el rat Jehová, roma rat kan nakuy k'a ri qamak, roj ri xojkolotej kan. Man naya' ri awoyowal pa qawi' richin jantape', roma rat kan at jun Dios joyowanel.

Ex 8:6

Y ri Aarón xutzeqej k'a ri ruch'ame'y pa kiwi' ri ya' richin Egipto y kan chijun k'a kiruwach'ulew xnoj chi xkalet.

Deut 1:30

Roma ri Jehová ri qa-Dios, kan beneq chiqawech, y kan ja rija' ri xtibanon ri oyowal pa qak'exel, achi'el ri xuben qik'in toq xojel-pe pan Egipto.

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,

1 Crón 16:25

Roma ri Jehová kan k'o nim ruq'ij-ruk'ojlen, y kan xaxe rija' ruk'amon chi niqaya' ruq'ij. Rija' kan man junan ta k'a kik'in ch'aqa' chik dios, roma rija' kan k'o rukiy.

Wuj Richin Bix Chire ri Dios 60:2

Kan xaben chi xsilon ri ruwach'ulew y xaben chire chi xjobojo-qa; Tabana' utzil tachojmirisaj chik ri xwopotej-qa, roma beneq ruwech nisilon.

Wuj Richin Bix Chire ri Dios 77:11

K'ari' xinch'ob chi xtinquqa' k'a rij ri samaj ri e rubanalon ri Jehová; Ja', kan más k'a utz ninch'ob ri meyel taq banobel ri xeruben ri ojer kan.

Wuj Richin Bix Chire ri Dios 86:10

Roma rat kan janila at nim, y kan ye'abanala' nima'q taq banobel. ¡Kan xaxe rat ri at Dios!

Wuj Richin ri Isaías 46:9

Toqaqa k'a chi'ik'u'x ronojel banobel ri xebanatej ojer kan. Ja yin ri Dios, y man jun chik achi'el yin. Yin ri Dios y kan man jun chik dios k'o.