Ex 14:9 - Kaqchiquel Bible

⁹ Jak'a ri aj-Egipto e yakatajineq-el chikij ri winaqi' israelita, e kik'ualon-el ki-carruaje, ri kikiej y konojel ri aj-labal y xebekiq'i' ri israelita toq ek'o-qa chuchi' ri Kaqa-Palou, chunaqaj ri tinamit Pi-hahirot, chuwech-apo ri tinamit Baal-sefón.

Ex 14:9 ပူးပေါင်းရင်းမြစ်များ

Ex 13:18

Roma ri' rija' xuben chike richin xkichop-el ri bey ri nusutij rij ri tz'iran ruwach'ulew, ri napon ri pa Kaqa-Palou. Y rije' kan xebe k'a y konojel kik'ualon k'a kikamisabal.

Ex 14:2

Tabij chike ri awinaq chi ketzolej juba' chikij, y kek'oje-qa chunaqaj ri tinamit Pi-hahirot, ri tinamit ri k'o chukojol ri tinamit Migdol y ri nimalej Kaqa-Palou. Ri akuchi xkek'oje-wi-qa kan chunaqaj-apo ri ya', chuwech-apo ri tinamit Baal-sefón.

Ex 15:9

Ri e etzelanel qichin, xkich'ob: Qojyakatej-el y kebeqaq'i', xecha'. Xkich'ob chi xtikich'er chikiwech ri xtikimej chiqe; xkich'ob chi nikelesaj koyowal chiqij. Xkich'ob nikelesaj ri ki-espada y yojkik'is.

Wuj Richin ri Q'axanri'il 33:7

Toq xe'el-el pan Etam, xkisutij-rij ri ruwach'ulew Pi-hahirot, ri k'o pa relebel-q'ij chire ri Baal-sefón y xek'oje-qa chuwech-apo ri tinamit Migdol.

Wuj Richin ri Josúe 24:6

Toq xenwelesaj-pe pan Egipto, ri ite-itata' xe'apon chupan ri Kaqa-Palou, y ri aj-Egipto chuqa' xekitzeqelibej rik'in carruaje y ri aj-labal.