Ex 14:8 - Kaqchiquel Bible

⁸ Y ri Jehová kan xukowirisaj k'a ri ránima ri rey richin Egipto y xyakatej-el chikij richin chi yerutzolij ta pe ri israelita, jak'a rije' man jun xibinri'il chikiwech ri e beneq, roma ri Jehová kan beneq-wi kik'in.

Ex 14:8 ပူးပေါင်းရင်းမြစ်များ

Wuj Richin Bix Chire ri Dios 105:43

Xrelesaj k'a pe ri rutinamit rik'in kikoten. Y rik'in k'a raqoj-chi'ij richin kikoten xe'el-pe chiri' ri e rucha'on rija'.

Wuj Richin Bix Chire ri Dios 86:13

Roma ri ajoyowanik rat kan janila nim pa nuwi' yin, kan in akolon chuwech ri muqbel kamineq.

Ex 10:27

Jak'a ri Jehová kan xukowirisaj chik jun bey ri ránima ri rey, y man xuya' ta q'ij richin xebe.

Ex 13:16

Y re' kan man xtiqamestaj ta k'a, y kan xtuben chiqe chi kan achi'el jun etal chirij ri qaq'a' y ri nik'aj-qawech, roma ri Jehová rik'in ri nimalej ruchuq'a' xojrelesaj-pe pan Egipto, xcha'.

Ex 13:18

Roma ri' rija' xuben chike richin xkichop-el ri bey ri nusutij rij ri tz'iran ruwach'ulew, ri napon ri pa Kaqa-Palou. Y rije' kan xebe k'a y konojel kik'ualon k'a kikamisabal.

Ex 13:9

Y re' kan man xtiqamestaj ta k'a y kan xtuben chiqe chi kan achi'el jun etal chirij ri qaq'a' y ri nik'aj-qawech, richin keri' ri rupixa' ri Jehová kan jantape' xtoqaqa chiqak'u'x, roma ri Jehová rik'in ri nimalej ruchuq'a' xojrelesaj-pe pan Egipto.

Ex 14:17

Jak'a yin kan xtinkowirisaj más ri kánima ri aj-Egipto, richin chi kan xkixkitzeqelibej-apo. Y jari' toq yin kan xtink'ut k'a ri wuchuq'a' chuwech ri rey, chikiwech ri aj-labal, chikiwech ri e beneq pa carruaje y chikiwech ri e beneq chirij kiej.

Ex 14:4

Y yin kan xtinkowirisaj k'a ri ránima rija' richin chi kan xtiyakatej-pe chiwij, jak'a yin xtink'ut ri nuq'ij-nuk'ojlen chuwech y chikiwech konojel ri aj-labal. Xtiketamaj k'a konojel ri aj-Egipto chi ja yin ri' ri in Jehová, xcha' ri Jehová chire ri Moisés. Y rije' kan xetzolin juba' chikij.

Ex 14:7

Xeruk'uaj k'a el e 600 carruaje ri janila e anineq, chikij re' xebe ri ch'aqa' chik carruaje, ri man kan ta e anineq ri ek'o chiri' pan Egipto, y chupan re carruaje re' e beneq-wi ri e aj-raqen pa kiwi' konojel.

Ex 15:9

Ri e etzelanel qichin, xkich'ob: Qojyakatej-el y kebeqaq'i', xecha'. Xkich'ob chi xtikich'er chikiwech ri xtikimej chiqe; xkich'ob chi nikelesaj koyowal chiqij. Xkich'ob nikelesaj ri ki-espada y yojkik'is.

Ex 4:21

K'ari' ri Jehová xubij chire ri Moisés: Toq xatapon yan k'a ri chiri' pan Egipto, kan tabana' k'a chuwech ri rey ronojel ri meyel taq banobel ri xinbij-el chawe; jak'a yin kan xtinkowirisaj k'a ri ránima ri rey y rik'in ri keri' rija' kan man xkerisq'opej ta pe ri nutinamit.

Ex 6:1

Jari' toq ri Jehová Dios xubij chire ri Moisés: Wakami xtabetz'eta' ri xtinbenbana' rik'in ri rey, rik'in ri wuchuq'a' yin. Rija' xtuya-el q'ij chiwe y xkixroqotaj-el chupan ri rutinamit, xcha' ri Jehová.

Ex 9:12

Y ri Jehová xukowirisaj chik k'a jun bey ri ránima ri rey y roma ri' man xerak'axaj ta ri Moisés y ri Aarón kan achi'el ri bin chik chike.

Wuj Richin ri K'uxla'anik 3:65

Takowirisaj k'a ri kánima, Taya' q'ij chi niqaqa ri etzelanik pa kiwi'.

Wuj Richin ri Chojmirisabelri'il 26:13

Ja yin Jehová ri i-Dios ri xinelesan-pe iwichin pan Egipto richin chi man xixxime' ta chik pa samaj. Xinben chiwe richin xel ri ejqa'n chiwij y xixsolkopitej chuxe' ri ejqa'n ri'.

Wuj Richin ri Q'axanri'il 33:3

Toq xe'el-pe pa tinamit Ramsés, ja ri q'ij wolajuj chire ri nabey ik' chire ri juna', chirij ri q'ij toq ri Jehová xuya' ri Solbelri'il. Kan xe'el k'a pe rik'in ri ruchuq'a' ri Jehová. Y re' kan xq'alajin chikiwech ri aj chiri',

Hechos 13:17

Ri qa-Dios roj judío kan xerucha' k'a ri qati't-qamama', y xuben k'a chike chi xe'ok jun nimalej tinamit toq kan k'a ek'o na chiri' pan Egipto, ruwach'ulew ri xa man kichin ta rije'. Ri Dios kan rik'in k'a ri ruchuq'a' xerelesaj-pe ri chiri'.

Deut 26:8

Xe'awelesaj-pe pan Egipto rik'in nimalej awuchuq'a'; xe'awelesaj-pe rik'in nima'q y meyel taq banobel. Toq xe'awelesaj-pe, ri aj-Egipto kan xkik'en rukiy.

Deut 32:27

Jak'a yin xintz'et yan chi ri e etzelanel iwichin xa xketze'en, roma ri' man xinya' ta q'ij richin nikiqasaj nuq'ij y nikibij ta chuwij: Re' man ja ta ri Jehová ri xya'on ruk'ayewal pa kiwi', xa kan ja roj ri xojbanon, xkecha', keri' xintz'et yan yin, xcha' ri Jehová

Wuj Richin ri Josúe 11:20

Xbanatej k'a ronojel re' roma kan ja ri Jehová xkowirisan ri kánima ri winaqi', richin xkiben oyowal kik'in ri aj-Israel. Y ri Jehová xuben keri' richin chi xekamisex, y man jun xjoyowan ta kiwech. Keri' xek'is konojel tinamit, achi'el k'a xubij ri Jehová chire ri Moisés.

Wuj Kichin ri To'onela' 4:7

y yin Jehová kan xtinben k'a chire ri Sísara y ri aj-labal ri e richin ri rey Jabín richin xkepe chuchi' ri raqen-jul rubini'an Quisón, y yin xkenjech pan aq'a' ri achi'a' ri', y chuqa' ri ki-carruaje. Kere' nubij ri Jehová, xcha' ri Débora.