Ex 14:7 - Kaqchiquel Bible

⁷ Xeruk'uaj k'a el e 600 carruaje ri janila e anineq, chikij re' xebe ri ch'aqa' chik carruaje, ri man kan ta e anineq ri ek'o chiri' pan Egipto, y chupan re carruaje re' e beneq-wi ri e aj-raqen pa kiwi' konojel.

Ex 14:7 ပူးပေါင်းရင်းမြစ်များ

Wuj Richin ri Rutikeribel 50:9

Chuqa' ri winaqi' ri k'o ki-carruaje y ri k'o kikiej xkitzeqelibej-el ri José; e janila e k'iy xkimol-el-ki' richin xbekimuqu' kan ri Jacob.

Wuj Richin Bix Chire ri Dios 20:7

Ek'o ri xa rik'in ri ki-carruaje richin oyowal ri nikikuquba' kik'u'x; ch'aqa' chik nikikuquba' kik'u'x rik'in ri kikiej; jak'a roj kan kuqul qak'u'x rik'in ri Jehová ri qa-Dios.

Wuj Richin Bix Chire ri Dios 68:17

Ri carruaje ri e richin ri Dios, kan man e ajlatel ta. Chikikojol k'a ri' xpe-wi ri Dios toq xel-pe pa Sinaí, richin xpe chupan ri rachoch.

Ex 14:23

Toq keri' xkitz'et ri aj-Egipto, xe'ok-apo chuqa' chikij, chukojol ri ya'. Xe'ok-apo konojel ri aj-labal, ri achi'a' ri yech'oke' chirij kiej y ri carruaje ri e kik'ualon.

Ex 14:6

Y roma ri' ri rey xuchojmirisaj-el ri ru-carruaje ri nuk'uaj pa taq labal, y chuqa' xeruk'uaj-el ri aj-labal ri kan yebe-wi rik'in.

Ex 14:8

Y ri Jehová kan xukowirisaj k'a ri ránima ri rey richin Egipto y xyakatej-el chikij richin chi yerutzolij ta pe ri israelita, jak'a rije' man jun xibinri'il chikiwech ri e beneq, roma ri Jehová kan beneq-wi kik'in.

Ex 15:4

Rat xaben chi ri carruaje y ri aj-labal xebe chuxe' ya', rat xaben chi ri aj-raqen xejiq' chupan ri Kaqa-Palou.

Wuj Richin ri Isaías 37:24

Xe'akusaj ri ataqonela' richin xaqasaj nuq'ij yin, Jehová. Rat xanimirisaj-awi' toq xabij chi rik'in ri janila a-carruaje xajote-el pa ruwi' la juyu', y chuwi' taq juyu' richin Líbano. Xabij chi rat kan ayon xe'aqasaj ri nima'q taq tiox-che', y ri nima'q taq jebelej k'isis. Xabij chi rat kan ayon xatapon-el pa ruwi' ri k'echelaj ri ek'o más nej, y kan xatapon chupan ri jebelej taq k'echelaj.

Wuj Kichin ri To'onela' 4:15

Ri Jehová kan xusech-wi k'a ruk'u'x ri Sísara, konojel ri aj-labal y konojel chuqa' ri achi'a' ri e beneq pa carruaje. Y jari' toq ri Barac xuchop k'a kikamisaxik chi espada; y roma ri' ri Sísara xqaqa-el chupan ri ru-carruaje y xanimej-el.

Wuj Kichin ri To'onela' 4:3

K'ari' ri israelita xesik'in-q'anej rik'in ri Jehová, roma ri Jabín janila yerutz'ila', y keri' rubanon-pe chike juwineq juna' y chuqa' re achin re' ek'o e 900 ru-carruaje e banon rik'in ch'ich'.