Ex 14:25 - Kaqchiquel Bible

²⁵ Y rija' kan xuben k'a chi xeqitz'iqo' ri ki-rueda ri carruaje y roma ri' man xetikir ta chik xebe anineq. Y jari' toq ri aj-Egipto xkibij: Más utz qojanimej chikiwech ri israelita, roma kan ja ri Jehová ri nibanon oyowal chiqij roj, pa kik'exel rije', xecha'.

Ex 14:25 ပူးပေါင်းရင်းမြစ်များ

2 Crón 20:29

Toq konojel ruwach'ulew xketamaj chi ja ri Jehová ri xbanon ri oyowal kik'in ri e etzelanel kichin ri aj-Judá, jari' toq xkik'en janila rukiy ri Jehová.

Wuj Richin ri Nehemías 4:14

Toq xentz'et yan ronojel re', xinbij k'a chike ri e tata'al, ri e aj-raqen y chike ri ch'aqa' chik winaqi': Man tixibij-iwi' chikiwech. Toqaqa k'a chi'ik'u'x chi ri qa-Dios, rija' kan nim wi y kan k'o rukiy chikiwech konojel winaqi'. Roma ri' tiqatija' qaq'ij koma ri qami'al-qak'ajol, ri qixjayilal y konojel ri ek'o pa qachoch, xicha' chike.

Wuj Richin ri Nehemías 6:16

Y toq xkak'axaj konojel ri e etzelanel qichin y ri ch'aqa' chik winaqi' richin ri ruwach'ulew ri ek'o chiqanaqaj roj, xkixibij-ki' y xek'ixbitej, roma xketamaj chi ja ri qa-Dios xbanon re samaj re'.

Wuj Richin ri Nehemías 9:11

Chuqa' xach'er k'a ri ya' ri' chikiwech rije' richin pa chaqi'j xe'ik'o-wi. Jak'a ri e oqotey kichin xaben chi xejiq' pa ruk'u'x ri ya' achi'el jun abej.

Wuj Richin ri Achin Job 11:20

Jak'a ri runaq' taq kiwech ri e itzel taq winaqi' kan xtik'is kuchuq'a', y man jun akuchi xtikito-wi-ki'. Xaxe k'a ri kamik ri xtito'on-el kichin chuwech ri'.

Wuj Richin ri Achin Job 20:24

Wi ta nitikir nanimej chuwech ri kum ri q'eqapueq rutza'n, chuwech ri ch'ab q'enq'oj-pueq rutza'n, man xtikolotej ta.

Wuj Richin ri Achin Job 27:22

Ri Dios kan k'iy k'a ri xtuteq chirij y man xtujoyowaj ta ruwech y rik'in ri keri', ri wineq ri' kan jari' xtutej ruq'ij richin nanimej chuwech.

Wuj Richin Bix Chire ri Dios 35:1

Jehová, tapaba-awi' chikiwech ri nikipaba-ki' chinuwech yin. Tabana' oyowal kik'in ri yebanon oyowal wik'in yin.

Wuj Richin Bix Chire ri Dios 46:9

Ja rija' ri nibanon chi nichup ri labal chuwech chijun ri ruwach'ulew. Yeruq'ajala' k'a ri rute-ch'ab y ri kum. Ri tobel kan yeruporoj pa q'aq'.

Wuj Richin Bix Chire ri Dios 68:12

Nikibij k'a: ¡Xe'animej, xe'animej ri e rey kichin ri e etzelanel qichin!, yecha'. Y ri ixoqi' chiri' pa kachoch xkitaluj k'a chikiwech ri k'o rejqalen ri xkik'en-pe pa labal

Wuj Richin Bix Chire ri Dios 76:6

Rik'in ri ach'olinik rat Jehová, kan xek'is k'a ri ki-carruaje y ri kikiej.

Ex 14:14

Jak'a ri Jehová xtibanon oyowal pa qak'exel roj y roj kan man jun ri k'o chi niqaben, xcha' ri Moisés.

Ex 14:18

Y rije' xtiketamaj chi ja yin Jehová, toq xtink'ut ri nimalej wuchuq'a' chuwech ri rey, chikiwech ri e beneq pa carruaje y chikiwech ri e beneq chirij kiej, xcha' rija'.

Ex 14:4

Y yin kan xtinkowirisaj k'a ri ránima rija' richin chi kan xtiyakatej-pe chiwij, jak'a yin xtink'ut ri nuq'ij-nuk'ojlen chuwech y chikiwech konojel ri aj-labal. Xtiketamaj k'a konojel ri aj-Egipto chi ja yin ri' ri in Jehová, xcha' ri Jehová chire ri Moisés. Y rije' kan xetzolin juba' chikij.

Ex 15:3

Rat Jehová at nimalej aj-labal; Ja rat ri Jehová abi'.

Wuj Richin ri Isaías 31:4

Ri Jehová k'iytisanel richin ronojel xubij chuwe chi kan xtipe pa ruwi' ri juyu' Sión richin xtorubana' oyowal richin xtuto' ri rutinamit, achi'el nuben jun koj toq rukamisan chik jun karne'l, y kan niq'ajan-pe chirij ri napon-apo rik'in. Y stape' xtikimol-ki' e k'iy yuq'unela' chirij rija', man xtuxibij ta ri', ni man jun chire rija' ri kiraqoj-chi'ij ri yuq'unela'.

Wuj Richin ri Jeremías 51:21

Ja rix ri xixinkusaj richin xe'ik'is ri kiej y ri yech'oke' chikij taq kiej, y richin chuqa' xenk'is ri carruaje y ri ye'uk'uan kichin.

Am 1:14

Roma ri' xtinya' ruq'aq'al ri tz'aq richin ri tinamit Rabá y ri q'aq' ri' xtuk'is ri jay richin tobel richin ri rey. Ri e etzelanel kichin kan xkepe k'a rik'in raqoj-chi'ij richin oyowal. Rik'in uchuq'a' xkepe chikij achi'el nuben ri surkum.

Am 5:19

Re' achi'el toq jun wineq animajineq chuwech jun koj, jak'a xa xtupojij chik ri' rik'in jun oso. Chuqa' achi'el toq jun wineq nok-apo pa rachoch, y nraq'e-apo chuwech ri tz'aq richin ri jay y xa nuti' jun kumetz.

Am 9:1

Yin xinben chik jun achi'el achik', y xintz'et ri Jehová pa'el chunaqaj ri porobel, y xubij chuwe: Ke'asiloj ri ruwi' pilar richin xkekorotej ronojel che'; richin nitzaq-qa ronojel pa kiwi' ri winaqi'. Y ri xkekolotej kan, ja yin xkikamisan kichin rik'in espada. Kan man jun xtitikir xtiberewaj-ri', ni man jun xtukol kan ri'.

Deut 1:30

Roma ri Jehová ri qa-Dios, kan beneq chiqawech, y kan ja rija' ri xtibanon ri oyowal pa qak'exel, achi'el ri xuben qik'in toq xojel-pe pan Egipto.

Deut 3:22

Y man taxibij-awi' chikiwech ri winaqi' ri', roma ri Jehová ri qa-Dios kan ja rija' ri xtibanon oyowal pan ak'exel, xicha' chire.

Deut 32:31

Ri e etzelanel iwichin jebel ketaman y kan nikitz'et chi ri kito'onel rije' kan man junan ta rik'in ri Jehová ri ito'onel rix.

Wuj Richin ri Josúe 10:14

Man jun bey k'a k'uluwachitajineq ta jun q'ij keri' achi'el ri q'ij ri'; ni ta ri rubanon-pe, ni ta chiqawech-apo, toq ri Jehová xuben ri xubij jun achin, toq kan ja ri Jehová ri nibanon oyowal junan kik'in ri ruwinaq.

Wuj Kichin ri To'onela' 4:15

Ri Jehová kan xusech-wi k'a ruk'u'x ri Sísara, konojel ri aj-labal y konojel chuqa' ri achi'a' ri e beneq pa carruaje. Y jari' toq ri Barac xuchop k'a kikamisaxik chi espada; y roma ri' ri Sísara xqaqa-el chupan ri ru-carruaje y xanimej-el.