Ex 14:21 - Kaqchiquel Bible

²¹ Y ri Moisés xuyek ri ruq'a' y xuyuq-apo ri ruch'ame'y pa ruwi' ri Kaqa-Palou. Y chupan k'a ri junaq'a' ri', ri Jehová xuben chi xpe jun nimalej kaq'iq' ri pa relebel-q'ij y re' xuben chi ri ya' xch'aratej y xchaqi'j-qa ri ruxe'.

Ex 14:21 ပူးပေါင်းရင်းမြစ်များ

Wuj Richin ri Rutikeribel 8:1

Jak'a ri Dios kan xuya-wi ri rutzil pa ruwi' ri Noé y ronojel kiwech chikopi' ri ek'o chupan ri nima-barco ri'; y roma ri' ri Dios xuben k'a chi xq'ax jun kaq'iq' pa ruwi' ri ruwach'ulew y ri ya' xuchop-qa ruqajinen.

2 Rey 2:8

K'ari' ri Elías xuchop ri ko'ol raqen rutziaq y xubolqotij. Y rik'in ri' xukajij ri ya'. Y ri ya' ri' xch'aratej pa ka'i', y xeq'ax-el pa chaqi'j ri juk'an chik ruchi' ri ya'.

Wuj Richin ri Nehemías 9:11

Chuqa' xach'er k'a ri ya' ri' chikiwech rije' richin pa chaqi'j xe'ik'o-wi. Jak'a ri e oqotey kichin xaben chi xejiq' pa ruk'u'x ri ya' achi'el jun abej.

Wuj Richin ri Achin Job 26:12

Rik'in ri ruchuq'a' rija' ri palou kan nisilon janila, y rik'in ri na'oj ri k'o rik'in kan xch'akon chirij ri nimalej ruchuq'a' ri palou.

Wuj Richin ri Achin Job 38:24

¿Awetaman chik achike bey nuk'uaj ri saqil toq nutaluj-ri', y awetaman akuchi k'o-wi ruk'ojelibal ri kaq'iq' ri nitiker-pe pa relebel-q'ij y nutaluj ri' pa ruwi' re ruwach'ulew?

Wuj Richin Bix Chire ri Dios 136:13

Xuch'er pa ka'i' ri Kaqa-Palou: Roma ri rujoyowanik rija' kan richin jantape'.

Wuj Richin Bix Chire ri Dios 148:8

Konojel re' tikiya' ruq'ij ri Jehová: Ri koyopa', ri saqboch, ri raxq'ab, ri sutz', keri' chuqa' ri nimalej kaq'iq' ri kan nuben ri nubij ri Dios;

Wuj Richin Bix Chire ri Dios 66:6

Xuben chi ri Kaqa-Palou, xchaqer, y kan chikaqen k'a xeq'ax-el chupan. Kixanpe k'a, qojkikot rik'in ri Dios.

Wuj Richin Bix Chire ri Dios 74:13

Xach'er k'a rupan ri palou rik'in ri awuchuq'a'. Kan xapaxij k'a kijolon ri nima'q taq chikopi' ri ek'o chupan ri ya'*f72*.

Wuj Richin Bix Chire ri Dios 78:13

Ri Dios kan xuch'er k'a ri palou y xeruq'axaj chupan. Xuq'et k'a ri ya', y kan achi'el tz'aq xuben chire.

Ex 14:16

Y rat tayaka' la ach'ame'y y tayuqu-apo pa ruwi' la ya'. Y tajaqa' jun ibey richin keri' kan pa chaqi'j k'a xkixq'ax-wi.

Ex 14:20

Y keri' ri sutz' ri', xk'oje' k'a chukojol ri akuchi ek'o-wi-qa ri aj-Egipto y ri akuchi ek'o-wi-qa ri israelita. Ri sutz' ri', jun q'equ'm k'a chike ri aj-Egipto, jak'a chike ri israelita kan jun saqil. Y chupan ri jun aq'a' ri', kan man jun ri xq'ax ta apo y man jun chuqa' ri xq'ax ta pe, roma ri sutz'.

Ex 15:8

Xa rik'in ok ri kaq'iq' ri nel pan atza'n, xumol-ri' ri ya'. Ri ya' ri janila nisilon, xuben achi'el tz'aq ri pa taq ruxikin ri ruxe-qa ri ya' kan chi'anin k'a xkowir.

Ex 7:19

Y jari' toq ri Jehová xubij chuqa' chire ri Moisés: Kere' tabij chire ri Aarón: Tachapa' ri ach'ame'y y tatzeqej pa kiwi' ri ya' ri ek'o pan Egipto. Y xke'ok k'a kik' ri raqen taq ya', ri taq ch'uti'n raqen taq ya', ri ya' ri e rimil pa taq ulew, ri ek'o pa yakbel taq ya'. Kan ronojel k'a ri ya' ri ek'o pan Egipto xtok kik' y chuqa' ri ya' ri ek'o pa taq yakbel-ya' ri e banon rik'in che' y ri e banon rik'in abej, xcha'.

Wuj Richin ri Isaías 23:11

Ri Jehová kan xuya' ri ruq'a' pa ruwi' ri palou, richin xeruk'is ch'aqa' chik rey. Y ri kiwinaq kan xebaybot. Jak'a re wakami, rija' xubij chi xkewulex ri tinamit ri ek'o pa ruwach'ulew Canaán.

Wuj Richin ri Isaías 43:16

Ja yin Jehová ri yibin. Xinben jun bey chupan ri palou, xinjeq jun bey chupan ri ya'.

Wuj Richin ri Isaías 44:27

Ja yin ri yibin chire ri palou chi kechaqi'j-qa. Ja yin chuqa' yichaqirisan kichin ri raqen taq ya'.

Wuj Richin ri Isaías 50:2

¿Achike roma toq yin xinapon, man jun k'o? ¿Achike roma xixinwoyoj, jak'a man jun xch'on wik'in? ¿Maneq kami wuchuq'a' yin richin man yitikir ta yixinkol? ¿Xk'is kami wuchuq'a' yin richin man yixinto' ta? Re wakami xaxe rik'in ri nuch'olinik, xtinben richin nichaqi'j-qa ri palou, ri akuchi ek'o nimalej raqen taq ya', kan xke'ok tz'iran. Kan xkeken k'a ri ker ri ek'o chupan, y kan xkechuwir-pe.

Wuj Richin ri Isaías 51:10

Ja rat ri xachaqirisan ri Kaqa-Palou, ri janila nim rupan. Y ja rat ri xabanon richin xk'oje' bey chupan ri ya' ri', richin chi xeq'ax ri e kolotajineq chik.

Wuj Richin ri Isaías 51:15

Roma kan ja yin Jehová ri i-Dios, ri kan nisilon richin ri palou, y kan ninben chike chi yeq'ajan. Ja yin, Jehová k'iytisanel richin ronojel, jari' ri nubi'.

Wuj Richin ri Isaías 63:12

Ri Dios xuteq-pe ri nimalej ruchuq'a' richin xuyuqej chiruq'a' ri Moisés, ri xbanon chi xch'aratej ri palou ri', richin xnimirisex rubi' ri Jehová tibe-q'ij tibe-seq,

Wuj Richin ri Isaías 63:13

Ri Dios xbanon chike richin xeq'ax chupan ri palou ri', y man xejilijo' ta, achi'el nikiben ri kiej toq anineq e beneq pa jun taq'aj, ri kan man jun bey yetzaq.

Wuj Richin ri Habacuc 3:8

Nimalej Jehová, ¿kan niyakatej chuqa' awoyowal chikij ri raqen taq ya'? ¿Kan nipe chuqa' awoyowal chikij ri palou?*f2* Rat xape pa ruwi' ri sutz' richin yojakol, ri sutz' kan e achi'el kiej o carruaje xaben chike.

Hechos 7:36

Jak'a rija' ri xkolo-pe kichin ri qati't-qamama' ri chiri' pan Egipto. Rija' k'o k'a ri meyel taq banobel y retal ri xerubanala' chikiwech ri winaqi'. Ek'o k'a ri xerubanala' ri chiri' pan Egipto, ri pa Kaqa-Palou, y ri pa tz'iran ruwach'ulew. Kawineq k'a juna' xkiben ri pa tz'iran ruwach'ulew ri'.

Wuj Richin ri Josúe 2:10

roma qak'axan chik chi toq xixel-pe pan Egipto, ri Jehová kan xuchaqirisaj ri Kaqa-Palou chiwech richin chi xixq'ax chupan, y chuqa' qak'axan chik toq xe'ik'is ri Sihón y ri Og, rey kichin ri amorreo ri ek'o juk'an chire ri Jordán.

Wuj Richin ri Josúe 3:17

Ri sacerdote ri e uk'uayon-el ri káxa kan pa chaqi'j k'a xek'oje-wi, y jun xek'oje-wi chiri' pa nik'aj chire ri rubey ri ya', rokik xeq'ax-el konojel ri winaqi', keri' ri tinamit Israel xeq'ax-el pa chaqi'j.

Wuj Richin ri Josúe 4:23

Roma ri Jehová ri qa-Dios xuben chi xpa'e' y xumol-ri' ri ya' richin ri Jordán richin ri qati't-qamama' xeq'ax pa chaqi'j achi'el chuqa' xuben chire ri Kaqa-Palou.