Ex 14:17 - Kaqchiquel Bible

¹⁷ Jak'a yin kan xtinkowirisaj más ri kánima ri aj-Egipto, richin chi kan xkixkitzeqelibej-apo. Y jari' toq yin kan xtink'ut k'a ri wuchuq'a' chuwech ri rey, chikiwech ri aj-labal, chikiwech ri e beneq pa carruaje y chikiwech ri e beneq chirij kiej.

Ex 14:17 ပူးပေါင်းရင်းမြစ်များ

Wuj Richin ri Rutikeribel 50:9

Chuqa' ri winaqi' ri k'o ki-carruaje y ri k'o kikiej xkitzeqelibej-el ri José; e janila e k'iy xkimol-el-ki' richin xbekimuqu' kan ri Jacob.

Wuj Richin ri Rutikeribel 6:17

Yin kan xkenbenjaqa' k'a pe ya' pa ruwi' re ruwach'ulew, y ri ya' kan xkerumuq k'a konojel ri nikijiq'aj kaq'iq' ri ek'o chuxe' ri kaj. Konojel re' xkebek'is.

Wuj Richin ri Rutikeribel 9:9

Yin xtinjikiba-nutzij iwik'in rix, y toq rix xa ix maneq chik, xa kik'in chik k'a ri iwijatzul.

Ex 14:23

Toq keri' xkitz'et ri aj-Egipto, xe'ok-apo chuqa' chikij, chukojol ri ya'. Xe'ok-apo konojel ri aj-labal, ri achi'a' ri yech'oke' chirij kiej y ri carruaje ri e kik'ualon.

Ex 14:4

Y yin kan xtinkowirisaj k'a ri ránima rija' richin chi kan xtiyakatej-pe chiwij, jak'a yin xtink'ut ri nuq'ij-nuk'ojlen chuwech y chikiwech konojel ri aj-labal. Xtiketamaj k'a konojel ri aj-Egipto chi ja yin ri' ri in Jehová, xcha' ri Jehová chire ri Moisés. Y rije' kan xetzolin juba' chikij.

Ex 14:8

Y ri Jehová kan xukowirisaj k'a ri ránima ri rey richin Egipto y xyakatej-el chikij richin chi yerutzolij ta pe ri israelita, jak'a rije' man jun xibinri'il chikiwech ri e beneq, roma ri Jehová kan beneq-wi kik'in.

Ex 4:21

K'ari' ri Jehová xubij chire ri Moisés: Toq xatapon yan k'a ri chiri' pan Egipto, kan tabana' k'a chuwech ri rey ronojel ri meyel taq banobel ri xinbij-el chawe; jak'a yin kan xtinkowirisaj k'a ri ránima ri rey y rik'in ri keri' rija' kan man xkerisq'opej ta pe ri nutinamit.

Ex 4:23

Xinbij yan chawe richin taya' q'ij chire ri nuk'ajol richin nel-el, richin chi niberuya' nuq'ij y wi rat man naya' ta el q'ij chire, rija' xtukamisaj ri nabey ak'ajol. Kere' rubin-pe ri Dios, xkacha' chire ri rey, xcha' ri Dios.

Ex 7:3

Jak'a yin kan xtinkowirisaj k'a ri ránima ri rey, stape' kan xtinben k'a k'iy ruwech meyel taq banobel re wawe' pan Egipto.

Wuj Richin ri Isaías 48:15

Yin, ja yin ri xich'on. Y ja yin xinoyon ri achin ri'. Yin xtink'en-pe, richin ronojel utz xtel chuwech.

Wuj Richin ri Isaías 51:12

Ri Jehová nubij: Ja yin, ja yin ri' ri yikuquban ik'u'x. ¿Ix achike k'a rix richin chi nixibij-iwi' chuwech ri wineq ri xa q'axel, wineq ri xa kan chi'anin nik'is achi'el q'ayis?

Wuj Richin ri Jeremías 23:39

Y xinbij chike: Roma ri', ri Jehová nubij k'a chi rija' xkixrumalij kan jumul y kan xkixrelesaj-el nej chuwech. Chuqa' rija' xtumalij kan re tinamit re' ri xuya' chike ri qati't-qamama'.

Ez 28:22

Yin Jehová kan xkiyakatej k'a chirij ri nima-tinamit Sidón, richin xtiya'ox nuq'ij-nuk'ojlen. Richin keri' konojel winaqi' kan xtiketamaj k'a chi ja yin Jehová ink'o pa ruwi' ronojel. K'ari' xtinq'et-tzij pa ruwi' y kan xtinq'alajirisaj chuwech ri nuch'ajch'ojil.

Ez 34:11

Yin Jehová ninbij chi xkenbenkanoj ri nuwinaq y kan xkenchajij jebel, achi'el jun utzilej yuq'unel kichin ri taq karne'l.

Ez 34:20

Roma ri' yin Jehová kan xtinben k'a ruchojmilal chi'ikojol, achi'el nuben ri yuq'unel toq nuch'er ri karne'l ri e ti'oj y ri janila e baq.

Ez 5:8

Xa roma ri' yin Jehová ri in rajaw ronojel ninbij chi yin chuqa' xkiyakatej chiwij rix winaqi' aj-Jerusalem. Kan chikiwech k'a ri tinamit ri ek'o chi'inaqaj xtinben chiwe chi xtijoj ri imak.

Ez 6:3

Kan xtipe jun labal pa kiwi' ri juyu', ri taq'aj ruwi' taq juyu', ri ch'uti'n raqen taq ya' y ri taq'aj. Chuqa' kan xkewulatej k'a ri akuchi niya'ox-wi kiq'ij ri wachibel.

Os 5:14

Yin kan xkiyakatej k'a chirij ri Israel, achi'el toq niyakatej royowal jun koj. Xkiyakatej chuqa' chikij ri aj-Judá achi'el nuben jun alaj koj. Kan jak'a yin xkiwulan kichin, chirij ri' kan xkitzolej k'a; xkenchop k'a y man jun xkekolon pa nuq'a'.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

Wuj Richin ri Chojmirisabelri'il 26:28

yin chuqa' xtinpaba-wi' chiwech y rik'in k'a woyowal xtinya' chik wuqu' mul rutojbalil pan iwi' roma ri mak ri ye'iben.

Romanos 9:18

Y keri', niqatz'et k'a chi rik'in ri Dios k'o-wi chi nujoyowaj ruwech jun wineq o wi xa nukowirisaj ri ránima chupan ri itzel ruk'aslen.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Wuj Richin ri Josúe 11:20

Xbanatej k'a ronojel re' roma kan ja ri Jehová xkowirisan ri kánima ri winaqi', richin xkiben oyowal kik'in ri aj-Israel. Y ri Jehová xuben keri' richin chi xekamisex, y man jun xjoyowan ta kiwech. Keri' xek'is konojel tinamit, achi'el k'a xubij ri Jehová chire ri Moisés.

Wuj Kichin ri To'onela' 4:7

y yin Jehová kan xtinben k'a chire ri Sísara y ri aj-labal ri e richin ri rey Jabín richin xkepe chuchi' ri raqen-jul rubini'an Quisón, y yin xkenjech pan aq'a' ri achi'a' ri', y chuqa' ri ki-carruaje. Kere' nubij ri Jehová, xcha' ri Débora.

1 Sam 6:6

¿Achike k'a roma ikowirisan ri iwánima, achi'el xkiben ri aj-Egipto y chuqa' ri ki-rey toq xukowirisaj-ri'? Roma k'a ja toq ri ki-Dios ri israelita xuya' na jalajoj ruwech ruk'ayewal pa kiwi', k'ari' toq xuya-el q'ij chike richin xe'el-el chiri'.