Ex 14:14 - Kaqchiquel Bible

¹⁴ Jak'a ri Jehová xtibanon oyowal pa qak'exel roj y roj kan man jun ri k'o chi niqaben, xcha' ri Moisés.

Ex 14:14 ပူးပေါင်းရင်းမြစ်များ

2 Crón 20:15

y roma ri' rija' xubij: Tiwak'axaj k'a chi'iwonojel rix ri ix richin ri ajawaren richin Judá, chuqa' rix aj-Jerusalem, y rat rey Josafat. Ri Jehová nubij chiwe chi man tixibij-iwi' y man kixmayamo-qa chikiwech ri janila chi winaqi' ri e peteneq chiwij, roma re labal re' man iwichin ta rix, xa kan richin ri Jehová.

2 Crón 20:17

Man ja ta rix ri xkixbanon oyowal; rix xaxe kixpa'e' chiri' y tiwoyobej, y kan xtitz'et k'a chi ri Jehová xkixrukol. Rix winaqi' aj-Jerusalem y chuqa' rix ri ix richin ri ajawaren richin Judá, man tixibij k'a iwi' y man kixmayamo-qa; kixbiyin k'a chikij ri chua'q, y ri Jehová kan xtik'oje' iwik'in, keri' nubij ri Jehová, xcha' ri Jahaziel chike.

2 Crón 20:29

Toq konojel ruwach'ulew xketamaj chi ja ri Jehová ri xbanon ri oyowal kik'in ri e etzelanel kichin ri aj-Judá, jari' toq xkik'en janila rukiy ri Jehová.

Wuj Richin ri Nehemías 4:14

Toq xentz'et yan ronojel re', xinbij k'a chike ri e tata'al, ri e aj-raqen y chike ri ch'aqa' chik winaqi': Man tixibij-iwi' chikiwech. Toqaqa k'a chi'ik'u'x chi ri qa-Dios, rija' kan nim wi y kan k'o rukiy chikiwech konojel winaqi'. Roma ri' tiqatija' qaq'ij koma ri qami'al-qak'ajol, ri qixjayilal y konojel ri ek'o pa qachoch, xicha' chike.

Wuj Richin ri Nehemías 4:20

Roma ri' xabakuchi k'a ixk'o-wi toq xtiwak'axaj chi niq'ajan ri trompeta, kan timolo' k'a pe iwi' qik'in, y ri qa-Dios, ja rija' xtibanon ri oyowal pa qak'exel roj, xicha'.

Wuj Richin ri Nehemías 9:11

Chuqa' xach'er k'a ri ya' ri' chikiwech rije' richin pa chaqi'j xe'ik'o-wi. Jak'a ri e oqotey kichin xaben chi xejiq' pa ruk'u'x ri ya' achi'el jun abej.

Wuj Richin Bix Chire ri Dios 35:1

Jehová, tapaba-awi' chikiwech ri nikipaba-ki' chinuwech yin. Tabana' oyowal kik'in ri yebanon oyowal wik'in yin.

Wuj Richin Bix Chire ri Dios 50:3

Ri qa-Dios nipe k'a rik'in nimalej rutzijol. Chuwech rija' peteneq jun q'aq' ri kan nuk'is ronojel. Y pa runik'ajal jun nimalej kaq'iq', chiri' peteneq-wi rija',

Wuj Richin Bix Chire ri Dios 83:1

Nimalej Dios ¿Achike roma man jun nabij? ¡Man taben chi man jun nabij, ni man kak'oje' kan choj keri'!

Ex 14:15

Y ri Jehová xubij k'a chire ri Moisés: ¿Achike roma nak'utuj to'onik chuwe? Tabij chike ri awinaq chi tikichapa' bey.

Ex 14:25

Y rija' kan xuben k'a chi xeqitz'iqo' ri ki-rueda ri carruaje y roma ri' man xetikir ta chik xebe anineq. Y jari' toq ri aj-Egipto xkibij: Más utz qojanimej chikiwech ri israelita, roma kan ja ri Jehová ri nibanon oyowal chiqij roj, pa kik'exel rije', xecha'.

Ex 15:3

Rat Jehová at nimalej aj-labal; Ja rat ri Jehová abi'.

Wuj Richin ri Isaías 30:15

Ri Jehová k'iytisanel richin ronojel ja ri Loq'olej qa-Dios, y rija' nubij chi kixanpe rik'in, y titzolin-pe ik'u'x richin nik'oje' uxlanen iwik'in y kan xkixkolotej. Rija' xtuya' iwuchuq'a' rix wi nikuquba' ik'u'x rik'in. Jak'a rix xa man niwajo' ta.

Wuj Richin ri K'uxla'anik 3:26

Kan más utz niqoyobej ri rutzil ri Jehová, Kan tiqoyobej k'a richin yojruto'.

Deut 1:30

Roma ri Jehová ri qa-Dios, kan beneq chiqawech, y kan ja rija' ri xtibanon ri oyowal pa qak'exel, achi'el ri xuben qik'in toq xojel-pe pan Egipto.

Deut 20:4

Roma ri Jehová ri qa-Dios ri k'o iwik'in rix, ja rija' ri xtibebanon oyowal kik'in ri e etzelanel qichin y kan xtuya' ri ch'akonik chiwe, xticha' ri sacerdote.

Deut 3:22

Y man taxibij-awi' chikiwech ri winaqi' ri', roma ri Jehová ri qa-Dios kan ja rija' ri xtibanon oyowal pan ak'exel, xicha' chire.

Wuj Richin ri Josúe 10:10

Ri Jehová xuben k'a chike ri amorreo richin xpe jun xibinri'il richin kamik pa kiwi' koma ri israelita. Y keri' ri Josué y ri achi'a' xekikamisaj e k'iy chike ri winaqi' ri' ri chiri' pa Gabaón. Y ri ch'aqa' chik xa xe'animej. Y ri Josué y ri achi'a' xekitzeqelibej k'a pe chupan ri bey ri nixule-qa pa tinamit Bet-horón y xekikamisaj e k'iy k'a chiri' pa tinamit Azecá y pa tinamit Maquedá.

Wuj Richin ri Josúe 10:14

Man jun bey k'a k'uluwachitajineq ta jun q'ij keri' achi'el ri q'ij ri'; ni ta ri rubanon-pe, ni ta chiqawech-apo, toq ri Jehová xuben ri xubij jun achin, toq kan ja ri Jehová ri nibanon oyowal junan kik'in ri ruwinaq.

Wuj Richin ri Josúe 10:42

Ri Josué y ri achi'a' xekikamisaj k'a kan konojel re rey re' richin xkich'ek kan ri kiruwach'ulew: Y re' kan xetikir xkiben pa jun bey, roma ri Jehová ri ki-Dios xbanon oyowal junan kik'in rije'.

Wuj Richin ri Josúe 23:10

Roma jun achin chi'ikojol rix, ye'animej k'a e 1,000 achi'a' chuwech, roma ja ri Jehová ri qa-Dios ri nibanon oyowal pa qak'exel achi'el rubin rija'.

Wuj Richin ri Josúe 23:3

Rix xitz'et ronojel ri xuben ri Jehová ri qa-Dios kik'in konojel ri etzelanel qichin qoma roj, y ja rija' ri xbanon ri oyowal pa qak'exel.

Wuj Kichin ri To'onela' 5:20

Roma kan k'a chila' chikaj ri ch'umila' kan nikiben-pe oyowal kik'in, kan k'a ja ri akuchi ek'o-wi xkiben-pe oyowal rik'in ri Sísara.

1 Sam 4:7

rije' xkixibij-ki' y xkibij: Ri ki-Dios ri israelita xoqaqa chikikojol. Wakami toq'ex qawech roj, roma man jun bey tibanatej kere'.