Ex 14:13 - Kaqchiquel Bible

¹³ Y ri Moisés xubij chike: Man tixibij-iwi'. Rix kow kixk'oje', y titz'eta' ri kolotajik ri xtuben ri Jehová qik'in re wakami, roma la aj-Egipto la yeqatz'et wakami kan man jun bey chik k'a xkeqatz'et.

Ex 14:13 ပူးပေါင်းရင်းမြစ်များ

Wuj Richin ri Rutikeribel 15:1

Toq xbanatej yan ronojel re' ri Jehová xch'on rik'in ri Abram pa jun achi'el achik' y xubij chire: Man taxibij-awi' Abram, xa man jun xtak'uluwachij roma kan ja yin ri xkito'on awichin y ronojel ri xtaben k'o nim rajel ruk'exel xtak'ul, xcha' ri Dios.

Wuj Richin ri Rutikeribel 26:24

Chupan ri aq'a' ri' ri Jehová xuk'ut-ri' chuwech y xubij chire: Ja yin ri in ru-Dios ri atata' Abraham. Man taxibij-awi' roma yin kan ink'o awik'in y xtinya' urtisanik pan awi' y kan xtik'iyer ri awijatzul roma janila xinwajo' ri Abraham ri nusamajel.

Wuj Richin ri Rutikeribel 46:3

Y ri Dios xubij chire: Ja yin ri in Dios, ri ru-Dios chuqa' ri atata' Isaac. Man taxibij-awi' richin yabe pan Egipto, roma ri chiri', yin kan xtinben k'a chike ri awijatzul chi xke'ok jun nimalej tzobaj winaqi'.

Wuj Richin ri Rutikeribel 49:18

Yin kan ninwoyobej k'a ri akolotajik rat Jehová, xcha'.

2 Rey 6:16

Y ri Eliseo xubij chire: Man taxibij-awi', roma más e k'iy ri ek'o qik'in roj ke ri ek'o kik'in rije', xcha'.

1 Crón 11:14

Jak'a ri Eleazar y jun tzobaj achi'a' xkipaba-ki' chikiwech ri aj-Filistea chiri' pa runik'ajal ri ulew ri'. Y kan xekich'ek k'a roma kan ja ri Dios xya'on ri jun nimalej ch'akonik ri' chike ri israelita.

2 Crón 20:15

y roma ri' rija' xubij: Tiwak'axaj k'a chi'iwonojel rix ri ix richin ri ajawaren richin Judá, chuqa' rix aj-Jerusalem, y rat rey Josafat. Ri Jehová nubij chiwe chi man tixibij-iwi' y man kixmayamo-qa chikiwech ri janila chi winaqi' ri e peteneq chiwij, roma re labal re' man iwichin ta rix, xa kan richin ri Jehová.

2 Crón 20:17

Man ja ta rix ri xkixbanon oyowal; rix xaxe kixpa'e' chiri' y tiwoyobej, y kan xtitz'et k'a chi ri Jehová xkixrukol. Rix winaqi' aj-Jerusalem y chuqa' rix ri ix richin ri ajawaren richin Judá, man tixibij k'a iwi' y man kixmayamo-qa; kixbiyin k'a chikij ri chua'q, y ri Jehová kan xtik'oje' iwik'in, keri' nubij ri Jehová, xcha' ri Jahaziel chike.

Wuj Richin ri Nehemías 9:9

Y rat kan xatz'et k'a ri tijoj-poqonal ri xkiq'axaj ri qate-qatata' pan Egipto. Y xaben nima'q taq banobel richin retal y nima'q meyel taq banobel chikikojol ri rey richin ri Egipto y ri aj-raqen, y konojel ri winaqi'. Re' xaben roma kan awetaman ri kinimirisanen y ri ketzelal ri xkiben chike ri qate-qatata'. Y roma ronojel ri xaben, kan xetamatej chijun ruwach'ulew, y roma ri' niqanataj ri abi'. Chuqa' xawak'axaj ri raqoj-chi'ij ri xkiben chiri' chuchi' ri Kaqa-Palou.

Wuj Richin Bix Chire ri Dios 3:8

Awik'in k'a rat Jehová nipe-wi ri kolotajik ¡Taya' k'a ri urtisanik pa ruwi' ri atinamit!

Wuj Richin Bix Chire ri Dios 68:21

Kan qitzij wi chi ri Dios xch'akon chikij ri e etzelanel richin, chikij ri man xkiya' ta kan rubanik ri mak.

Wuj Richin Bix Chire ri Dios 78:53

Xeruyuqej k'a rik'in kuqubabel-k'u'x richin chi man xkixibij ta ki'; y ri palou kan xerumuq k'a kan ri e etzelanel kichin.

Wuj Richin Bix Chire ri Dios 91:8

Ronojel re' kan xtiqatz'et k'a roj rik'in ri runaq' taq qawech. Kan xtiqatz'et k'a ri xtikik'ul ri maneq Dios chikiwech.

Ex 14:30

Ri Jehová xerukol k'a ri israelita chupan ri q'ij ri' pa kiq'a' ri aj-Egipto y ri israelita xekitz'et chi ri kich'akul ri aj-Egipto e punupuxineq chuchi' ri Kaqa-Palou, e kaminaqi' chik.

Ex 20:20

Y ri Moisés xubij k'a chike ri winaqi': Man tixibij-iwi', roma ri Dios xpe richin yixrutejtobej. Re xibinri'il re' kan xtik'oje' k'a chi'ik'u'x y xtuben chiwe chi niya' ruq'ij-ruk'ojlen, richin chi man yixmakun ta chik chuwech, xcha' ri Moisés chike.

Wuj Richin ri Isaías 26:3

Roma ri Jehová nichajin kichin konojel ri k'o uxlanibel-k'u'x kik'in.

Wuj Richin ri Isaías 30:15

Ri Jehová k'iytisanel richin ronojel ja ri Loq'olej qa-Dios, y rija' nubij chi kixanpe rik'in, y titzolin-pe ik'u'x richin nik'oje' uxlanen iwik'in y kan xkixkolotej. Rija' xtuya' iwuchuq'a' rix wi nikuquba' ik'u'x rik'in. Jak'a rix xa man niwajo' ta.

Wuj Richin ri Isaías 35:4

Tikuquba' ik'u'x rix ri janila nixibij-iwi', y man chik tixibij-iwi', roma ri Dios xtipe richin xkixrukol. Rija' xtuya' rutojbalil-mak pa kiwi' ri etzelanel iwichin, achi'el ri ruk'amon.

Wuj Richin ri Isaías 43:11

Ja yin Jehová; y man jun chik ri nikolon ta.

Wuj Richin ri Isaías 7:4

Y tabij chire chi tuchajij-ri', man tuxibij-ri' y man tisach ruk'u'x roma ri koyowal ri Resín y ri Pécah; roma rije' xa man jun xketikir xtikiben. Xa e achi'el chik ka'i' rutza'n-si' ri choj yebuqun.

Wuj Richin ri Jeremías 3:23

Man jun nik'atzin-wi yojbe-q'anej pa ruwi' taq juyu' y niqareq qachi', roma roj kan awik'in rat qajaw Dios niqil-wi ri kolotajik roj ri oj atinamit Israel.

Wuj Richin ri K'uxla'anik 3:26

Kan más utz niqoyobej ri rutzil ri Jehová, Kan tiqoyobej k'a richin yojruto'.

Os 1:7

Jak'a ri e aj-Judá xtinjoyowaj kiwech, ja yin ri in ki-Dios ri xkikolon kichin. Kan xkenkol k'a y man rik'in ta rute-ch'ab ni espada, ni man rik'in ta labal, ni man rik'in ta kiej y ni man kik'in ta achi'a' ri yech'oke' chirij kiej, xcha' chuwe.

Os 13:4

Ri Jehová nubij chire ri tinamit Israel: Ja yin Jehová ri a-Dios kan k'a toq k'a atk'o na pan Egipto. Roma ri' kan man ninwajo' ta chi nik'oje' jun chik a-dios chinuwech yin. Xa kan xaxe k'a yin ri in akolonel y man jun chik k'o chuwij yin.

Os 13:9

Kan xkatink'is k'a, rat tinamit Israel, kan man jun k'a xtitikir xkakolon pa nuq'a'.

Wuj Richin ri Habacuc 3:13

Xaben ronojel re' richin xojakol roj; kan xojakol roma kan oj acha'on. Kan xawelesaj k'a ruk'aslen ri aj-raqen pa kiwi' ri e banoy taq etzelal. Kan xe'ak'is ri e tzeqelibeyon richin rija'.

Wuj Richin ri Habacuc 3:8

Nimalej Jehová, ¿kan niyakatej chuqa' awoyowal chikij ri raqen taq ya'? ¿Kan nipe chuqa' awoyowal chikij ri palou?*f2* Rat xape pa ruwi' ri sutz' richin yojakol, ri sutz' kan e achi'el kiej o carruaje xaben chike.

Wuj Richin ri Q'axanri'il 14:9

Ri nrajo' ja ri man kixyakatej chirij ri Jehová, chuqa' man tixibij-iwi' chikiwech ri winaqi' ri richin ri ruwach'ulew ri', roma roj kan chaqba' xkeqach'ek, roma rije' kan man jun chik xtito'on ta kichin, jak'a roj kan k'o ri Jehová qik'in, xecha'.

San Mateo 28:5

Jak'a ri ángel xubij chike ri ixoqi': Rix man tixibij-iwi'. Roma yin kan wetaman-wi chi rix ja ri ruch'akul ri Jesús ri xkamisex chuwa ri cruz ri nikanoj.

Deut 20:3

y xtubij chike: Tiwak'axaj rix qawinaq; wakami xtibechapa' oyowal kik'in ri e etzelanel qichin, man timayamo-qa ri iwánima y man tixibij-iwi', y man kixbaybot chikiwech.

1 Sam 11:13

Jak'a ri Saúl xubij: Man jun xtikamisex chupan re q'ij re', roma wakami ri Jehová xukol yan ri Israel, xcha'.

1 Sam 12:16

Tiwoyobej k'a re wakami, y titz'eta' re jun nimalej banobel richin retal ri xtuben ri Jehová chiwech rix.