Ex 14:12 - Kaqchiquel Bible

¹² ¿Peja chi xqabij chawe chila' pan Egipto, chi qojaya' kan qayon, chi roj niqaben na ri kisamaj ri aj-Egipto? Xa más ta utz chi xeqasamajij ta na ri aj-Egipto ke chuwech chi k'a wawe' pa tz'iran ruwach'ulew yojken wi kan, xecha'.

Ex 14:12 ပူးပေါင်းရင်းမြစ်များ

Wuj Richin ri Jonás 4:3

Wakami k'a Jehová nink'utuj utzil chawe, chi tawelesaj k'a el ri nuk'aslen chuwech re ruwach'ulew, roma más utz wi yiken ke chuwech ri in k'es, xcha' ri Jonás.

Ex 6:9

Ronojel k'a ri xubij ri Jehová, xutzijoj k'a ri Moisés chike ri ruwinaq. Jak'a rije' xa man xkak'axaj ta roma xa kimalin chik kik'u'x roma ri ilinri'il.

Wuj Richin ri Jonás 4:8

Y toq xmeq'e' k'a pe ri q'ij, ri Dios xuteq k'a pe jun k'aten kaq'iq' pa relebel-q'ij. Y ri Jonás kan nik'at chuwech ri q'ij y xlawalo-qa roma ri k'aten ri'. Jari' toq xurayij ri rukamik y xubij: Más ta utz yiken ke chuwech ri in k'es, xcha'.

Ex 5:21

Y ri aj-raqen ri' xkibij chike ri Moisés y ri Aarón: Ja ri Jehová xtuq'et-tzij pan iwi', roma ri yixajin chubanik roma ja rix ri k'o imak chi ri rey y ri e rusamajela', man yojqa' ta chik chikiwech, y kan jak'a rix ri xixbanon chi xkichop ri ki-espada richin yojkikamisaj, xecha'.

Ex 3:9

Ri kiraqoj-chi'ij ri israelita kan napon-wi chinuwech yin y chuqa' nintz'et chi kan janila e ya'on pa tijoj-poqonal koma ri aj-Egipto.

Marcos 5:7

Y kan rik'in k'a ruchuq'a' xch'on y xubij: Rat Jesús ri ruk'ajol ri nimalej Dios, ¿achike roma toq yinaneq? Pa rubi' ri Dios ninbij chawe, chi man kinach'ujerisaj, xcha'.

Marcos 1:24

Rat Jesús aj-Nazaret, ¿achike k'a nawajo' chiqe? Rat xape wawe' xaxe richin chi yojak'is. Yin wetaman chi ja rat ri loq'olej richin ri Dios, xcha'.

Os 4:17

Ri aj-Israel kan kijachon k'a ki' chuya'ik kiq'ij wachibel, kan tik'oje' na k'a keri'.

Ex 13:17

Toq ri rey xuya' q'ij richin xe'el-el ri israelita, ri Dios man xeruk'uaj ta chupan ri bey ri akuchi k'o-wi ri kiruwach'ulew ri aj-Filistea, stape' jari' ri bey ri más naqaj, roma xubij ri Dios chi rik'in juba' nikitzolij-ki' chikij toq xtikitz'et ri labal y xa xtikajo' xketzolin kan pan Egipto.

Wuj Richin Bix Chire ri Dios 106:7

Ri qati't-qamama' toq k'a ek'o na pan Egipto, kan man xq'ax ta chikiwech ri meyel taq abanobal rat Jehová, kan man xoqaqa ta chikik'u'x ri janila chi joyowanik ri xaya' pa kiwi'. Y xa kan xkipaba' k'a ki' chawech chiri' chuchi' ri Kaqa-Palou.