Ex 13:7 - Kaqchiquel Bible

⁷ Chi wuqu' q'ij k'a xtiqatej ri kaxlan-wey ri maneq ch'amilej-q'or rik'in, y kan man k'a tik'oje-pe naqaj ri ch'amilej-q'or; y keri' xtibeqabana' chupan ri ruwach'ulew akuchi xqojapon-wi.

Ex 13:7 ပူးပေါင်းရင်းမြစ်များ

Ex 12:15

Wuqu' q'ij k'a xtitej kaxlan-wey ri maneq ch'amilej-q'or rik'in. Roma ri' kan ja yan ri pa nabey k'o chi niwelesaj-el ronojel ch'amilej-q'or ri k'o pan iwachoch. Roma xabachike ri xtitijo kaxlan-wey ri k'o ch'amilej-q'or rik'in chupan ri wuqu' q'ij, kan xtelesex k'a el chi'ikojol.

Ex 12:19

Wuqu' q'ij k'a man nik'oje' ta ch'amilej-q'or pan iwachoch, roma wi jun iwinaq o jun chike ri man iwinaq ta, ri nutej ta kaxlan-wey ri k'o ch'amilej-q'or rik'in, kan xtelesex k'a el chi'ikojol.

San Mateo 16:6

Roma ri' ri Jesús xubij k'a chike: Tichajij-iwi' chuwech ri ch'amilej-q'or ri kik'uan ri fariseo y ri saduceo, xcha'.

1 Corintios 5:8

Keri' roj tiqanimaq'ijuj k'a ri q'ij richin ri qasolbelri'il chire ri mak, y ri' ja ri rukamik ri Cristo. Qojok k'a achi'el ri kaxlan-wey ri maneq ch'amilej-q'or rik'in, nel chi tzij chi qojch'on qitzij y tz'aqet ta ri qak'aslen.

Deut 16:4

Chupan ri wuqu' q'ij ri' man tik'oje' ch'amilej-q'or iwik'in chupan chijun ri iruwach'ulew. Chuqa' chire ri ti'ij ri xtitej chupan ri tiqaq'ij ri', man jun nik'oje' kan richin ri jun chik q'ij.

Wuj Richin ri Josúe 5:11

Chupan ri q'ij wolajuj richin ri ik' ri', jari' toq xkitej ri nabey mul ri ruwech ri tiko'n ri richin ri ruwach'ulew ri'. Xkitej k'a jalajoj ruwech ixin k'ilin y chuqa' xkitej kaxlan-wey ri maneq ch'amilej-q'or rik'in.