Ex 13:21 - Kaqchiquel Bible

²¹ Y ri Jehová beneq k'a chikiwech rije': Ri paq'ij beneq pa jun sutz' pa'el chikaj richin nuk'ut ri bey chikiwech, y ri chi'aq'a', ri sutz' ri' nok ruxaq-q'aq' richin nusaqirisaj ri kibey, richin chi yebiyin chi paq'ij chi chaq'a'.

Ex 13:21 ပူးပေါင်းရင်းမြစ်များ

Wuj Richin ri Nehemías 9:12

Y toq xebiyin pa tz'iran ruwach'ulew ri paq'ij xe'ayuqej rik'in ri sutz' pa'el chikaj, y ri chi'aq'a' re sutz' re' xe'asaqirisaj ri akuchi k'o chi xebe-wi.

Wuj Richin ri Nehemías 9:19

Rat kan janila xajoyowaj kiwech, y roma ri' man xe'amalij ta kan ri chiri' pa tz'iran ruwach'ulew. Ri rumujal ri sutz' man xeruya' ta kan chi paq'ij chi chaq'a' ri akuchi k'o chi xebe-wi.

Wuj Richin Bix Chire ri Dios 105:39

Ri Jehová xurik' k'a jun sutz' pa kiwi' ri qati't-qamama' richin xok kimujal. Rik'in k'a jun nimalej ruxaq q'aq' xerusaqirisaj ri chi'aq'a'.

Wuj Richin Bix Chire ri Dios 68:7

Nimalej Dios, toq rat xatik'o-pe chuwech ri atinamit, toq xaq'axaj ri tz'iran ruwach'ulew,

Wuj Richin Bix Chire ri Dios 77:20

Xe'ayuqej k'a ri qawinaq achi'el jun q'ataj karne'l, ja ri Moisés y ri Aarón xe'akusaj richin xeyuqen kichin.

Wuj Richin Bix Chire ri Dios 78:14

Ri paq'ij xeruyuqej rik'in jun sutz' pa'el chikaj. Y ri chi'aq'a' rik'in jun ruxaq-q'aq' pa'el chikaj.

Wuj Richin Bix Chire ri Dios 99:7

Chupan k'a jun sutz' pa'el chikaj xch'on kik'in. Ri pixa' ri xuya' rija' chike, kan jari' ri xkitaqej.

Ex 10:10

Jari' toq ri rey xubij: Stape' kan k'o ri Jehová ri i-Dios iwik'in, ¿nich'ob rix chi xtinya-el q'ij chiwe richin xke'ik'uaj ri iwixjayilal y ri iwalk'ual? Ni, roma yin ninna' chi rix k'o ri nich'ob chi niben.

Ex 16:10

Y ri Aarón kan xubij k'a chike ri kiwinaq chi kepe konojel, y ketzu'un k'a apo akuchi k'o-wi ri tz'iran ruwach'ulew y jari' toq ri ruk'ojlen ri Jehová xbek'ulun-pe chupan ri sutz' ri'.

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Wuj Richin ri Nimalej Bix 3:6

¿Achike kami ri jotol-pe pa tz'iran ruwach'ulew, y nuyek poqolaj achi'el ja ta ri sib pa'el chikaj? Rije' kan yejubulin e peteneq rik'in ri ruxla' ri pom, ri mirra y ri jalajoj kiwech jubulej taq aq'om.

Wuj Richin ri Q'axanri'il 10:34

Y ri sutz' richin ri Jehová kan beneq k'a pa kiwi' rije' ri paq'ij, toq kan kichapon k'a ri kibey.

Wuj Richin ri Q'axanri'il 14:14

Rije' xtikitzijoj k'a chike ri winaqi' aj-Canaán. Y ri winaqi' aj-Canaán kak'axan chik k'a chawij rat, Jehová, chi kan atk'o chiqakojol roj y naya' q'ij chiqe richin chi yojtzijon awik'in; y kak'axan chi ri sutz' k'o pa qawi' ri paq'ij y toq niqachop binen, jari' ri nuk'uan qichin y ri chaq'a' nusaqirisaj ri qabey.

Deut 1:33

Rija' kan beneq k'a chiqawech, ri chaq'a' kan yojrusaqirisaj k'a rik'in jun achi'el q'aq', y ri paq'ij kan nuk'ut k'a chiqawech rik'in ri sutz' pa'el chikaj, ri akuchi k'o chi yojbe-wi y ri akuchi yojk'oje-wi-qa.

Deut 31:8

Kan ja ri Jehová xtinabeyej chawech y kan xtik'oje' awik'in. Kan man xkaruya' ta kan y man xkarumalij ta kan, y roma ri' man taxibij-awi' y man tamalij ak'u'x, xcha' chire.