Ex 13:18 - Kaqchiquel Bible

¹⁸ Roma ri' rija' xuben chike richin xkichop-el ri bey ri nusutij rij ri tz'iran ruwach'ulew, ri napon ri pa Kaqa-Palou. Y rije' kan xebe k'a y konojel kik'ualon k'a kikamisabal.

Ex 13:18 ပူးပေါင်းရင်းမြစ်များ

Wuj Richin ri Rutikeribel 50:25

Xujikiba-rutzij ri José chikiwech ri e rijatzul kan ri Israel y xubij chike: Kan qitzij na wi chi ri Dios xtipe richin yixruto' y yixruk'uaj-el y toq xtibanatej re', tik'uaj-el ri nubaqil, xcha' chike.

Wuj Richin Bix Chire ri Dios 107:7

Xeruyuqej k'a chupan jun ch'ajch'oj bey, richin chi xe'apon pa jun tinamit akuchi utz yek'oje-wi.

Wuj Richin Bix Chire ri Dios 136:16

Kan xeruyuq'uj k'a ri qati't-qamama' chupan ri tz'iran ruwach'ulew: Roma ri rujoyowanik rija' kan richin jantape'.

Wuj Richin Bix Chire ri Dios 68:8

ri ruwach'ulew kan xsilon y kan xqaqa k'a pe ri job chila' chikaj; roma rat atk'o chiri', ri juyu' Sinaí kan xsilon, xsilon k'a chawech rat ri at qa-Dios roj israelita.

Ex 12:51

Keri' k'a ri rubanik toq ri Jehová xerelesaj-pe pa ruwach'ulew Egipto; kan konojel k'a ri tzobaj richin ri nimalej tinamit Israel xe'el-pe.

Ex 14:2

Tabij chike ri awinaq chi ketzolej juba' chikij, y kek'oje-qa chunaqaj ri tinamit Pi-hahirot, ri tinamit ri k'o chukojol ri tinamit Migdol y ri nimalej Kaqa-Palou. Ri akuchi xkek'oje-wi-qa kan chunaqaj-apo ri ya', chuwech-apo ri tinamit Baal-sefón.

Ex 14:9

Jak'a ri aj-Egipto e yakatajineq-el chikij ri winaqi' israelita, e kik'ualon-el ki-carruaje, ri kikiej y konojel ri aj-labal y xebekiq'i' ri israelita toq ek'o-qa chuchi' ri Kaqa-Palou, chunaqaj ri tinamit Pi-hahirot, chuwech-apo ri tinamit Baal-sefón.

Deut 17:16

Jak'a ri rey ri' kan man utz ta k'a chi yek'oje' k'iy rukiej, ni man xkeruteq ta el winaqi' pan Egipto chuk'amik kiej richin keri' yek'iyer ri rukiej rija', roma ri Jehová ri qa-Dios rubin chi man jun bey chik xqojtzolin chiri'.

Deut 32:10

Ri Jehová pa tz'iran ruwach'ulew xeruk'en-pe ri qate-qatata', chiri' akuchi nijumin-wi kaq'iq'. Xeruchajij y kan jebel xerutijoj, y kan xerupoqonaj achi'el nupoqonaj-ri' rija'.

Wuj Richin ri Josúe 1:14

Wakami k'a ri iwixjayilal, y ri taq iwalk'ual y ri iwawej xkekanej k'a kan chupan re iruwach'ulew, re ruya'on kan chiwe ri Moisés re k'o pe kere' chire re raqen-ya' Jordán, jak'a rix achi'a' ri ix richin labal xkixik'o-el rik'in ri ikamisabal chikiwech ri qach'alal richin xke'ito'.

Wuj Richin ri Josúe 4:12

Y chuqa' xeq'ax ri achi'a' richin ri kitzobaj ri Rubén, ri Gad y ri nik'aj richin ri Manasés, y rije' xe'ik'o k'a nabey chikiwech ri ch'aqa' chik kiwinaq y kan kik'ualon k'a ri kikamisabal, achi'el rubin kan ri Moisés chike.

Wuj Richin ri Josúe 4:13

Y ri achi'a' ri' kan e tijon jebel richin yebe pa labal, y ri kajlabal jubama e 40,000 ri xe'ik'o rik'in ri kikamisabal, y xe'apon k'a pa taq'aj richin ri tinamit Jericó; kan xkiben k'a achi'el rubin ri Jehová.