Ex 13:17 - Kaqchiquel Bible

¹⁷ Toq ri rey xuya' q'ij richin xe'el-el ri israelita, ri Dios man xeruk'uaj ta chupan ri bey ri akuchi k'o-wi ri kiruwach'ulew ri aj-Filistea, stape' jari' ri bey ri más naqaj, roma xubij ri Dios chi rik'in juba' nikitzolij-ki' chikij toq xtikitz'et ri labal y xa xtikajo' xketzolin kan pan Egipto.

Ex 13:17 ပူးပေါင်းရင်းမြစ်များ

Wuj Richin ri Nehemías 9:17

Rije' man xkajo' ta xatkak'axaj y man xoqaqa ta chikik'u'x ri meyel taq banobel ri xaben kik'in rije'. Y roma xkikowirisaj ri kánima, xkikanoj jun uk'uey kibey richin yetzolin chik kan pan ilinri'il chiri' pan Egipto. Jak'a rat at Dios ri nakuy ri mak, y man chi'anin ta k'a nipe awoyowal y kan janila najoyowaj kiwech y janila k'a ajowabel k'o awik'in y nim k'a ri awánima y roma ri' man xe'amalij ta kan,

1 Rey 8:47

Y wi chupan ri ruwach'ulew ri akuchi xe'uk'uex-wi el, xtitzolin-pe kik'u'x awik'in y nikik'utuj kuyubel kimak chawe y xtikibij chi rije' xemakun, xkijel rubanik ri apixa' y xkiq'ej ruwi' jumul,

Hechos 7:39

Xa ja chik k'a ri qati't-qamama' ri man xeniman ta chire ri Moisés. Ri kánima rije' chi'anin xtzolin k'a chila' pa ruwach'ulew Egipto.

Deut 20:8

Chirij ri', chuqa' xtikibij: Wi k'o ta jun ri xa nuxibij-ri', más utz tibiyin kan pa rachoch, richin keri' man nuben ta chike ri rachibil chi nikixibij-ki', xkecha'.

Hechos 15:38

Jak'a ri Pablo man nrajo' ta chi nibe kik'in, roma toq xkik'uaj pa nabey, xerumalij kan ri chiri' pa Panfilia, y man xbe ta kik'in chubanik ri samaj.

Deut 17:16

Jak'a ri rey ri' kan man utz ta k'a chi yek'oje' k'iy rukiej, ni man xkeruteq ta el winaqi' pan Egipto chuk'amik kiej richin keri' yek'iyer ri rukiej rija', roma ri Jehová ri qa-Dios rubin chi man jun bey chik xqojtzolin chiri'.

Wuj Kichin ri To'onela' 7:3

Wakami k'a tataluj rutzijol chikikojol konojel ri awinaq y tabij chike: Achike k'a chiwe rix ri xa nuxibij-ri' y nibaybot, titzolin kan pa rachoch, xcha'. Y toq ri Gedeón xuk'utuj chike, xetzolej k'a kan e 22,000 achi'a' y k'a xek'oje' na kan e 10,000 rik'in.

Hebreos 11:27

Kan kuqul-wi k'a ruk'u'x rik'in ri Dios toq xel-pe pan Egipto. Y roma kan achi'el rutzuliben ri Dios ri man tz'etel ta, roma ri' man xuxibij ta ri' chuwech ri royowal ri rey.

Ex 14:10

Y toq ninaqajub yan apo ri rey e rachibilan ri e aj-labal ri e beneq rik'in, ri israelita xekitz'et k'a y jari' toq xkinabej chi e tzeqeliben-el. Y rije' xpe k'a jun nimalej xibinri'il chike y xkik'utuj kuchuq'a' chire ri Jehová.

Deut 28:68

Stape' ri Jehová xubij chiwe richin man jun bey chik xkixtzolin pan Egipto, xa kan xkixruteq k'a el pa taq barco y xa xkixtzolin chik chiri'. Xtiwajo' xtik'ayij-iwi' pa kiq'a' ri e etzelanel iwichin richin xkixok loq'on taq samajela' jak'a xa kan man jun xtiloq'on iwichin. Ronojel k'a re' xtik'uluwachij wi rix man xtiben ta ri nubij ri pixa', xcha' ri Moisés chike.