Ex 13:15 - Kaqchiquel Bible

¹⁵ Y toq ri rey aj-Egipto kan xukowirisaj ri ránima richin chi man xuya' ta q'ij chiqe richin chi xojel-pe, ri Jehová kan xuben chi xeken konojel ri e nabey taq k'ajola' y ri e nabey taq achija' kal ri kawej. Y roma ri' roj niqaben k'a re sipanik re', richin chi niqaya' chire ri Jehová ri nabey taq kal ri qawej. Chuqa' niqaya' jujun taq alaji' achija' karne'l chikiwech ri nabey taq al alaboni', richin yeqakol, keri' xtiqabij chike.

Ex 13:15 ပူးပေါင်းရင်းမြစ်များ

Wuj Richin Bix Chire ri Dios 105:36

K'ari' xerukamisaj-el konojel ri e nabey taq al alaboni'. Xeruk'uaj k'a konojel ri e nabey richin ri kuchuq'a'.

Ex 12:29

Y pa nik'aj-aq'a' ri Jehová xerukamisaj k'a konojel ri e nabey taq al alaboni' ri aj-Egipto. Xken k'a ri nabey ruk'ajol ri rey, ri niq'aton-tzij. Chuqa' xeken konojel ri nabey taq al alaboni' kichin konojel y chuqa' kichin ri ek'o pa cárcel y ri nabey taq kal ri kawej.

Ex 3:19

Jak'a yin kan wetaman chi ri rey richin ri Egipto man xkixruya' ta el chi utzil, xa kan k'a k'o na jun ri chi uchuq'a' xtuben chire chi xkixrisq'opej-el.

Ex 34:20

Jak'a ri nabey kal ri taq bur k'o chi nikol y niya' jun alaj achij karne'l chuwech y wi man xtikol ta, kan xtiq'upij k'a ri ruqul. Kan xke'ikol k'a konojel ri nabey taq al alaboni'. Kan man jun k'a xtapon chinuwech yin, wi man jun ruk'uan-apo chuwe.

Ex 4:23

Xinbij yan chawe richin taya' q'ij chire ri nuk'ajol richin nel-el, richin chi niberuya' nuq'ij y wi rat man naya' ta el q'ij chire, rija' xtukamisaj ri nabey ak'ajol. Kere' rubin-pe ri Dios, xkacha' chire ri rey, xcha' ri Dios.

Wuj Richin ri Q'axanri'il 18:15

Kan konojel k'a ri nabey taq al, chi winaqi' chi chikopi', kan k'o chi yejach chuwe yin y ri' xke'ok chuqa' awichin rat. Xaxe k'a ri nabey taq al alaboni' y ri e nabey taq al achija' chikopi' ri man e ch'ajch'oj ta, kan k'o chi naya' q'ij richin yekol; kan k'o ri niya'ox kan pa kik'exel.

Wuj Richin ri Q'axanri'il 3:46

Jak'a ri kajlabal ri israelita xa xik'o chuwech ri kajlabal ri levita y richin chi yekolotej ri 273 nabey taq al alaboni' israelita,