Ex 13:14 - Kaqchiquel Bible

¹⁴ Y toq ri chua'q-kabij xtikik'utuj chiqe ri qalk'ual chi achike roma kere' niqaben, roj xtiqabij k'a chike: Roj janila k'a k'iy juna' ri xojyuqe' pa samaj ri pan Egipto y k'a ja na ri Jehová ri xkolon-pe qichin, rik'in ri nimalej ruchuq'a' rija'.

Ex 13:14 ပူးပေါင်းရင်းမြစ်များ

Wuj Richin ri Rutikeribel 30:33

Y wi ri chua'q kabij-apo, xkatapon wik'in, xtatzu' ri janipe' awej ri nuch'akon. Y wi ta ek'o karne'l ri xa man q'eq ta kij, y wi ta ek'o tzuntzun ri xa man seq'eseq ta seq ri kij, q'alaj chi ri chikopi' ri' man e wichin ta yin, xa e weleq'an-apo chupan ri aqejoj rat, xcha'.

1 Crón 16:12

Kan toqaqa k'a chiqak'u'x ronojel ri meyel taq rubanobal ri rubanon qik'in, Man tiqamestaj ri rubanobal ri xaxe qik'in roj xuben-wi. Kan toqaqa k'a chiqak'u'x ri ruchojmilal ri rubin chiqe.

Wuj Richin ri Nehemías 1:10

Y ri xaben kik'in ri qate-qatata' chi xe'akol rik'in ri nimalej y janila awuchuq'a', keri' tabana' qik'in roj ri atinamit.

Wuj Richin Bix Chire ri Dios 136:11

Chuqa' xerelesaj-pe ri qati't-qamama' chikikojol rije': Roma ri rujoyowanik rija' kan richin jantape'.

Wuj Richin Bix Chire ri Dios 145:4

Ri chi sol chi sol winaqi' ri yeq'ax, kan xtikinimaq'ijuj ri nima'q taq abanobal rat Jehová. Kan xtikitaluj k'a rutzijol ri meyel taq abanobal.

Wuj Richin Bix Chire ri Dios 78:4

Man xtiqewaj ta k'a chikiwech ri qalk'ual xa kan xtiqatzijoj chike ri sol winaqi' ri e peteneq, ronojel ri xuben ri Jehová y ri nimalej ruchuq'a', keri' chuqa' ri meyel taq banobel ri xuben kik'in.

Ex 10:2

Y richin chi rix nitzijoj chuqa' chike ri iwalk'ual y chike ri iwiy-imam, ronojel re xinben yin re wawe' pan Egipto. Ri nima'q taq nubanobal richin retal, richin chi rix kan tiwetamaj chuqa' chi ja yin Jehová, xcha'.

Ex 12:41

Y kan chupan k'a ri ruk'isibel q'ij richin ri 430 juna' ri', jari' toq ri tzobaj richin ri tinamit Israel, xe'el-el ri chiri'.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 13:8

Y chupan k'a ri q'ij ri' jari' toq xtiqabij chike ri qalk'ual: Re nimaq'ij re' richin niqanataj ri xuben ri Jehová qik'in, toq xojrelesaj-pe pan Egipto, xqojcha'.

Ex 13:9

Y re' kan man xtiqamestaj ta k'a y kan xtuben chiqe chi kan achi'el jun etal chirij ri qaq'a' y ri nik'aj-qawech, richin keri' ri rupixa' ri Jehová kan jantape' xtoqaqa chiqak'u'x, roma ri Jehová rik'in ri nimalej ruchuq'a' xojrelesaj-pe pan Egipto.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Ex 6:1

Jari' toq ri Jehová Dios xubij chire ri Moisés: Wakami xtabetz'eta' ri xtinbenbana' rik'in ri rey, rik'in ri wuchuq'a' yin. Rija' xtuya-el q'ij chiwe y xkixroqotaj-el chupan ri rutinamit, xcha' ri Jehová.

Ex 6:6

Wakami k'a kabiyin y tabebij chike ri awinaq: Ja yin Jehová, y ja yin xkinelesan-el iwichin chuxe' ri kowilej taq samaj y xkixtotej k'a el chuwech ri ilinri'il, y rik'in ri nimalej wuchuq'a', yin xtinq'et-tzij pa kiwi' rik'in nima'q taq ruk'ayewal.

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Wuj Richin ri Jeremías 34:13

Yin Jehová ri i-Dios kere' ninbij: Yin xinben jun jikibel-tzij kik'in ri ite-itata' ri q'ij toq xenwelesaj-pe pa ruwach'ulew Egipto, toq ek'o pa ximonri'il y xinbij chike chi

Dn 9:15

Wakami k'a, Ajaw qa-Dios roj, ja rat ri xatelesan-pe richin ri atinamit pan Egipto rik'in ri nimalej awuchuq'a', y roma ri' kan janila xanimirisaj ri abi', y kan keri' ri abanon-pe. Man rik'in ri' roj kan oj makuwineq-wi chawech; kan qabanon k'a ri itzel taq banobel.

Hechos 13:17

Ri qa-Dios roj judío kan xerucha' k'a ri qati't-qamama', y xuben k'a chike chi xe'ok jun nimalej tinamit toq kan k'a ek'o na chiri' pan Egipto, ruwach'ulew ri xa man kichin ta rije'. Ri Dios kan rik'in k'a ri ruchuq'a' xerelesaj-pe ri chiri'.

Deut 5:15

Toqaqa k'a chi'ik'u'x toq xixxime' pa samaj pan Egipto, y yin Jehová ri in i-Dios rik'in k'a wuchuq'a' xixinwelesaj-pe, y roma ri xinben iwik'in, roma ri' k'o chi nichajij ri q'ij richin uxlanen.

Deut 5:6

Ja yin Jehová ri i-Dios, ri xinelesan-pe iwichin ri chiri' pan Egipto, akuchi xixyuqe-wi pa samaj.

Deut 6:12

man timestaj k'a ri Jehová ri xixelesan-pe pa ruwach'ulew Egipto, ri akuchi xixxime' pa samaj.

Wuj Richin ri Josúe 22:24

Roj xqaben kere' roma xqaxibij-qi' chi ri chiqawech-apo xtikibij ri iwijatzul chike ri qijatzul roj: ¿Achike ibanon rix rik'in ri Jehová Dios richin ri Israel?

Wuj Richin ri Josúe 24:17

roma ja ri Jehová ri qa-Dios ri xojelesan-pe roj y ri qate-qatata' pa ruwach'ulew Egipto chire ri ilinri'il. Y chiqawech k'a roj xuben ri nima'q taq banobel richin retal, y chuqa' kan xojruchajij chijun ri bey ri akuchi xojbiyin-wi-pe y ri pa taq tinamit ri akuchi xojq'ax-wi.

Wuj Richin ri Josúe 4:6

richin k'a chi jare' xtok retal chi'ikojol rix. Y toq ri iwiy-imam xtikik'utuj chike ri kite-kitata' re chua'q re kabij-apo y xtikibij: ¿Achike k'a nuk'exewachuj re kablajuj abej re'?,

Wuj Kichin ri To'onela' 2:12

Xkiya' k'a kan ri Jehová ri ki-Dios ri kati't-kimama' ri xelesan-pe kichin pa ruwach'ulew Egipto, y xa xekitzeqelibej ri ch'aqa' chik dios, ri ek'o pa taq tinamit chikinaqaj rije', y kan xkiya' kiq'ij; y rik'in ri' xkiyek royowal ri Jehová.

Wuj Kichin ri To'onela' 6:8

ri Jehová xuteq-pe jun q'alajirisey ruch'abel, y kere' ri xubij chike: Ri Jehová ri qa-Dios nubij: Ja yin ri xinelesan-pe iwichin ri chiri' pan Egipto, y xixinwelesaj-pe chuxe' ri ilinri'il.