Ex 12:48 - Kaqchiquel Bible

⁴⁸ Y wi k'o ta jun achin ri xa man iwinaq ta y nrajo' ninimaq'ijun junan iwik'in, kan konojel k'a ri achi'a' ri ek'o pa rachoch k'o chi yequpix richin jun retal, richin utz ninimaq'ijun iwik'in. Y ri wineq ri' kan xtok k'a achi'el xa ta alaxineq chi'ikojol. Roma kan man jun ri xa man qupin ta richin k'o retal, ri nitikir ta ninimaq'ijun junan iwik'in.

Ex 12:48 ပူးပေါင်းရင်းမြစ်များ

Wuj Richin ri Q'axanri'il 9:14

Y wi k'o jun wineq chi'ikojol ri xa man iwinaq ta y rija' nrajo' nunimaq'ijuj ri q'ij ri', utz ninimaq'ijun, xaxe k'o chi nuben ri ruchojmilal ri niben rix, xcha' ri Jehová.

Colosenses 3:11

Y roma k'o ri k'ak'a' qak'aslen, man jun nuben chiqe wi oj judío o man oj judío ta, wi k'o qetal o maneq, wi k'o juba' qaq'ij o maneq, wi oj ximon pa samaj o oj totajineq chik. Roma xaxe ri Cristo ri k'o rejqalen y k'o pa ruwi' ronojel.

Gálatas 3:28

Junan k'a rubanik richin xa jun xqaben rik'in ri Cristo, stape' judío, o man judío ta, stape' ximil pa samaj, o totajineq, stape' achin o ixoq.

Ez 47:22

Jari' ri ulew ri xtiwichinaj kan rix y chuqa' ri nikichinaj kan ri winaqi' ri man e rijatzul ta kan ri Israel, rije' xkek'oje' chi'ikojol y chuqa' ri kalk'ual. Xtiben chike chi kan achi'el e iwinaq israelita y toq xtich'ar ri ruwach'ulew, rije' k'o chi xke'ichinan iwik'in.

Ex 12:43

Y ri Jehová xubij k'a chike ri Moisés y ri Aarón: Jare' ri chojmilal richin ri nimaq'ij ri'. Man jun wineq ri xa man iwinaq ta ri utz nutej ri ti'ij richin ri chikop ri nisuj chuwe.

Ex 12:19

Wuqu' q'ij k'a man nik'oje' ta ch'amilej-q'or pan iwachoch, roma wi jun iwinaq o jun chike ri man iwinaq ta, ri nutej ta kaxlan-wey ri k'o ch'amilej-q'or rik'in, kan xtelesex k'a el chi'ikojol.

Ez 44:9

Roma ri' yin Jehová ninbij chi man jun wineq ri xtok-apo pa wachoch ri man iwinaq ta, ri xa man ruk'uan ta retal pa ránima y chuqa' man ruk'uan ta retal chirij ri ruch'akul richin ri nujikibel-tzij ri nubanon iwik'in.

Wuj Richin ri Rutikeribel 17:12

Ri chawech-apo konojel ri ak'uala' taq alaboni' ri xke'alex pan awachoch, chi wiq chi tanaj nik'atzin chi niban re jun etal re' chike toq xtz'aqet yan waqxaqi' q'ij ke'alex, chuqa' chike ri ak'uala' ri ye'alex kik'in ri samajela' ri e aloq'on rik'in méro y chike ri winaqi' ri ek'o chi'ikojol y man e awijatzul ta rat.

Wuj Richin ri Rutikeribel 17:11

Nik'atzin chi nichap ri rutz'umal ri rutza'n ri kikowil y k'ari' niqupix-el. Ja k'a retal re' ri jikibel-tzij ri xtik'oje' kan chiqakojol roj; rix y yin.

Ez 14:7

Wi k'o ta jun awinaq o jun chik wineq ri man awinaq ta ri k'o chiri' pan Israel, y xa kan rujech'en kan ri' wik'in, richin nujech-ri' richin nuya' ruq'ij ri wachibel y k'ari' rija' nipe awik'in richin yiruk'ulubej yin; re' kan ja yin k'a ri xkich'on-el rik'in.

Wuj Richin ri Chojmirisabelri'il 19:34

Kan tibana' k'a chi kan e achi'el e iwinaq: Kan ke'iwajo' k'a achi'el niwajo-qa-iwi' rix, roma chuqa' rix xixk'oje' chupan ri ruwach'ulew Egipto y xa man ix aj chiri' ta. Yin Jehová ri i-Dios ri yibin.