Ex 12:31 - Kaqchiquel Bible

³¹ Y ri rey xuteq koyoxik ri Moisés y ri Aarón chupan ri aq'a' ri' y xubij chike: Kixbiyin. Tich'ara-el-iwi' chiqe roj. Rix y konojel ri iwinaq kixbiyin y tibesamajij ri Jehová achi'el ri iwajowan-pe.

Ex 12:31 ပူးပေါင်းရင်းမြစ်များ

Wuj Richin Bix Chire ri Dios 105:38

Ri aj-Egipto xekikot k'a toq xe'el-pe chikikojol. Y ri kikiy ri qati't-qamama' xa kan qajineq chik k'a pa kiwi' rije'.

Ex 10:29

Kan jari' toq ri Moisés xubij: Utz ri xabij. Roma yin kan man jun bey chik xkinoqaqa wawe' chawech, xcha'.

Ex 10:9

Y ri Moisés xubij: K'o chi yojbe qonojel chi ak'uala', chi rijita'q, ri qami'al-qak'ajol y chuqa' ri qawej. Yojbe richin nibeqanimaq'ijuj y nibeqabixaj rubi' ri qa-Dios, xcha' ri Moisés.

Ex 11:1

Ri Jehová kan rubin chik chire ri Moisés: K'a k'o na jun chik nima-ruk'ayewal ri ninya' pa ruwi' ri rey y pa kiwi' konojel ri ruwinaq. Chirij k'a re', k'ari' xtuya' q'ij chiwe richin yixel-el, y kan xkixroqotaj-el re wawe'.

Ex 11:8

Chuqa' ri Moisés xubij: K'ari' xkepe k'a chinuwech re aj-raqen re', y xkexuke' k'a chinuwech y xtikibij chuwe: Tabana' utzil kabiyin rat y konojel ri awinaq, xkecha' chuwe. Y toq xtikiben keri', k'ari' xqojbe, xcha'. Y ri Moisés kan q'aq'arineq k'a toq xel-pe rik'in ri rey.

Ex 12:39

Y rik'in k'a ri k'ej ri kimuban-pe y man jani kiya'on ta pe ch'amilej-q'or rik'in, toq xe'el-pe ri pan Egipto, rik'in ri' xkiben kikaxlan-way, roma xa chi'anin xe'elesex-pe y man xetikir ta chik xkiben-pe ri k'atzinel richin nikitej.

Ex 6:1

Jari' toq ri Jehová Dios xubij chire ri Moisés: Wakami xtabetz'eta' ri xtinbenbana' rik'in ri rey, rik'in ri wuchuq'a' yin. Rija' xtuya-el q'ij chiwe y xkixroqotaj-el chupan ri rutinamit, xcha' ri Jehová.

Ex 8:25

K'ari' ri rey xuteq chik koyoxik ri Moisés y ri Aarón y xubij chike: Kixbiyin tibesuju' kamelabel chire ri i-Dios, jak'a man yixel ta el chupan ri ruk'ulba't ri Egipto, xcha'.

Ex 8:8

Y jari' toq ri rey xuteq koyoxik ri Moisés y ri Aarón y xubij chike: Tik'utuj chire ri Jehová chi kerelesaj-el re xkalet wawe' wik'in yin y kik'in konojel ri nuwinaq y yin xtinya' k'a q'ij chiwe richin xtibesuju' kamelabel chire ri Jehová, xcha' ri rey.

1 Sam 6:6

¿Achike k'a roma ikowirisan ri iwánima, achi'el xkiben ri aj-Egipto y chuqa' ri ki-rey toq xukowirisaj-ri'? Roma k'a ja toq ri ki-Dios ri israelita xuya' na jalajoj ruwech ruk'ayewal pa kiwi', k'ari' toq xuya-el q'ij chike richin xe'el-el chiri'.