Ex 12:28 - Kaqchiquel Bible

²⁸ Y ri achi'a' ri k'o kiq'ij richin ri Israel, xetzolin y xbekibij chike ri winaqi', ri rubin ri Jehová chike ri Moisés y ri Aarón.

Ex 12:28 ပူးပေါင်းရင်းမြစ်များ

2 Sam 5:25

Ri David kan xuben k'a achi'el xubij ri Jehová chire; kan k'a pa Gabaón xtiker-pe chikikamisaxik ri aj-Filistea y xapon k'a pa Guezer.

1 Rey 17:5

Y ri Elías kan xbe k'a, y xuben achi'el xubij ri Jehová chire. Xbe k'a richin xbek'oje' chiri' chuchi' ri ch'uti'n raqen-ya' chiri' pa Querit ri k'o-apo la juk'an chire ri raqen-ya' Jordán, y xk'oje' k'a chiri'.

Ex 12:27

Wi keri', rix kan tibij chike: Re ti chikop re' jare' ri niqakamisaj richin niqaya' ruq'ij ri Jehová, roma rija' xuya' ri solbelri'il chiqe chupan ri aq'a' toq xerukamisaj ri nabey taq ak'uala' kichin ri aj-Egipto; y roj kan xojtotej kan, xcha' ri Moisés. Y jari' toq ri winaqi' xexuke' y xkiqasaj-ki' pan ulew richin xkiya' ruq'ij ri Jehová.

Ex 12:29

Y pa nik'aj-aq'a' ri Jehová xerukamisaj k'a konojel ri e nabey taq al alaboni' ri aj-Egipto. Xken k'a ri nabey ruk'ajol ri rey, ri niq'aton-tzij. Chuqa' xeken konojel ri nabey taq al alaboni' kichin konojel y chuqa' kichin ri ek'o pa cárcel y ri nabey taq kal ri kawej.

Ex 12:35

Y chuqa' xkiben achi'el ri ruchojmilal ri ruya'on ri Moisés chike, y xkik'utuj-el chike ri aj-Egipto ronojel ri e banon rik'in saqipueq y q'anapueq, y chuqa' jebejoj taq tzieq richin nikikusaj.

Ex 14:4

Y yin kan xtinkowirisaj k'a ri ránima rija' richin chi kan xtiyakatej-pe chiwij, jak'a yin xtink'ut ri nuq'ij-nuk'ojlen chuwech y chikiwech konojel ri aj-labal. Xtiketamaj k'a konojel ri aj-Egipto chi ja yin ri' ri in Jehová, xcha' ri Jehová chire ri Moisés. Y rije' kan xetzolin juba' chikij.

Ex 36:1

Roma ri' ri Besalel y ri Oholiab y ri ch'aqa' chik achi'a' ri ya'on ketamabal roma ri Jehová, richin chi yetikir nikiben ronojel ri samajibel richin ri rachoch ri Dios ri richin molojri'il. Rije' kan xtikiben k'a ri samaj ri kan achi'el ri rubin chik ri Jehová, xcha' ri Moisés.

Ex 39:32

Keri' xk'achoj ronojel ri samaj richin ri rachoch ri Dios, ri richin molojri'il. Ri winaqi' kan xkiben k'a achi'el ri xubij ri Jehová chire ri Moisés.

Ex 39:42

Ronojel ri samaj ri xkiben ri winaqi', kan xel k'a achi'el ri xubij ri Jehová chire ri Moisés.

Ex 39:43

Y ri Moisés xutz'et k'a chi ronojel ri samaj kan utz xuben, kan xel k'a achi'el ri xbix chire roma ri Jehová. Xeri' ri Moisés xuya' urtisanik pa kiwi' ri winaqi' ri xebanon ri samaj.

Ex 7:10

Y xebe k'a ri Moisés y ri Aarón rik'in ri rey y kan xkiben k'a ronojel ri rubin ri Jehová Dios chike. Ri Aarón xuk'eq-qa ri ruch'ame'y chuwech ri rey y chikiwech ri aj-raqen ri yesamej rik'in, y ri ch'ame'y ri' xok kumetz.

Ex 7:6

Ri Moisés y ri Aarón kan xkiben k'a ronojel ri xubij ri Jehová chike.

Wuj Richin ri Chojmirisabelri'il 24:23

Y ri Moisés xubij k'a ronojel re' chike ri ruwinaq. Keri' xkelesaj k'a el ri xyoq'on rubi' ri Jehová, y xkikamisaj chi abej chirij-el ri akuchi ek'o-wi-qa, achi'el xubij ri Dios chire ri Moisés.

Wuj Richin ri Q'axanri'il 1:54

Y ri winaqi' richin ri tinamit Israel, kan xkitaqej k'a ri ch'abel richin ri Moisés ri bin chire roma ri Jehová.

Wuj Richin ri Q'axanri'il 31:31

Kan keri' xkiben ri Moisés y ri sacerdote Eleazar achi'el ri xubij ri Jehová chike.

Wuj Richin ri Q'axanri'il 31:41

K'ari' ri Moisés xujech re sipanik re' chire ri Jehová, y kan xjach pa ruq'a' ri Eleazar, achi'el rubin kan ri Jehová chire.

Wuj Richin ri Q'axanri'il 5:4

Y ri israelita kan xekelesaj k'a el ri akuchi ek'o-wi-qa konojel ri winaqi' ri keri' kibanon, achi'el rubin ri Jehová chire ri Moisés.

Deut 34:9

Y chirij re' ri Josué kan xuk'ul ri espíritu richin na'oj, roma ri Moisés kan ruya'on kan ri ruq'a' pa ruwi'. Keri' ri israelita kan xkinimaj rutzij y xkitaqej ronojel ri rubin kan ri Jehová chire ri Moisés.

Hebreos 11:28

Ri Moisés roma kan kuqul ruk'u'x, xuben ri nimaq'ij richin ri solbelri'il y xubij chike ri ruwinaq chi tikichikaj ri kikik'el ri taq ka'rnel chirij ri ruchi' taq kachoch, richin chi man yekamisex ri nimalaxela' taq alaboni' roma ri kamisanel.

Wuj Richin ri Josúe 14:5

Keri' xkiben ri israelita richin xkijech ri ruwach'ulew Canaán chikiwech rije', achi'el ri rubin ri Jehová chire ri Moisés.

Wuj Richin ri Josúe 2:21

K'ari' ri Rahab xubij: Keri' k'a xtibanatej achi'el ri xibij, xcha'. K'ari' chi'anin k'a xerujech-el y jari' xeqaqa-el y xebe. Y ri kolo' keq xxime' kan chiri' pa ventana richin retal.

Wuj Richin ri Josúe 4:8

Y ri kablajuj achi'a' ri' kan xkiben k'a achi'el ri xbix chike: Xbekik'ama' k'a pe ri abej ri' achi'el k'a xubij ri Jehová chire ri Josué, achi'el k'a ri kajlabal ri kablajuj tzobaj. Y xkik'uaj akuchi xkiq'axaj-wi ri aq'a' ri' y chiri' xkinuk' wi kan ri abej ri'.