Ex 12:27 - Kaqchiquel Bible

²⁷ Wi keri', rix kan tibij chike: Re ti chikop re' jare' ri niqakamisaj richin niqaya' ruq'ij ri Jehová, roma rija' xuya' ri solbelri'il chiqe chupan ri aq'a' toq xerukamisaj ri nabey taq ak'uala' kichin ri aj-Egipto; y roj kan xojtotej kan, xcha' ri Moisés. Y jari' toq ri winaqi' xexuke' y xkiqasaj-ki' pan ulew richin xkiya' ruq'ij ri Jehová.

Ex 12:27 ပူးပေါင်းရင်းမြစ်များ

Ex 4:31

Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.

Ex 12:11

Kere' k'a ibanik toq xkixwa': Kan jebel tibatz'a' ri ipan, tixima' ri ixajab chi'iwaqen, y ri ich'ame'y tichapa' pan iq'a'. Y kan xtitej k'a anineq ri k'o chi nitej. Jari' ri nimaq'ij richin ninataj ri Solbelri'il.

1 Corintios 5:7

Keri', tiwelesaj k'a el chi'ikojol ri mak, achi'el nelesex-el ri ch'amilej-q'or ri nich'amirisan ri kaxlan-wey; richin chi yixok achi'el ri kaxlan-wey ri banon rik'in k'ak'a' k'ej. Rix, kan qitzij, maneq imak chuwech ri Dios, achi'el toq maneq ch'amilej-q'or rik'in ri kaxlan-wey ri nitij chupan ri q'ij richin Solbelri'il. Roma ri Cristo jari' ri achi'el karne'l ri xkamisex pa qak'exel roj, chupan ri nimaq'ij ri'.

Ex 12:23

Toq ri Jehová xtiq'ax richin yerukamisaj ri aj-Egipto, kan xtutz'et k'a ri kik' chuchi' ri iwachoch y ri kamisanel kan choj k'a xtiq'ax-el y man jun xtuben ta kan chiwe.

Wuj Richin ri Nehemías 8:6

Y rija' kan xunimirisaj k'a rubi' ri Jehová ri nimalej Dios y konojel k'a ri winaqi' xkiyakala' ri kiq'a' chikaj, y xkibij: ¡Ja' keri'! ¡Kan keri' wi!, xecha'. Y k'a ri' rije' xkixuk-xkimej-ki' richin xkiya' ruq'ij ri Jehová.

2 Crón 29:30

Chirij re' ri rey y ri e tata'al xkibij chike ri e levita richin tikiya' ruq'ij ri Jehová rik'in bix ri rubanon kan ri David y ri Asaf ri nitz'eton ri peteneq. Y rije' kan xkiben rik'in janila kikoten y chuqa' xexuke' richin xkiya' ruq'ij ri Dios.

2 Crón 20:18

K'ari' ri Josafat xxuke-qa y xulukuba-qa-ri' k'a pan ulew; chuqa' keri' xkiben konojel ri winaqi' ri ek'o-apo chiri' richin xkiya' ruq'ij ri Jehová.

1 Crón 29:20

Y xeri', ri rey David xch'on kik'in ri winaqi' y xubij: Wakami ja rix xkixya'on ruq'ij-ruk'ojlen ri Jehová ri qa-Dios, y ri ki-Dios ri qati't-qamama', xcha'. K'ari' ri winaqi' kexukuk xeqaqa-qa pan ulew richin xkiya' ruq'ij ri Dios y ri rey.

Deut 16:5

Y man tikamisaj ri chikop ri' chupan xabachike tinamit,

Deut 16:2

Chupan k'a ri nimaq'ij ri', xtikamisaj k'a wákix y karne'l richin nitej chiri' akuchi rucha'on-wi ri Jehová richin niya' ruq'ij.

Ex 34:25

Toq nisuj k'a ri kik' richin jun kamelabel, man titun-pe junan rik'in xabachike ri ruk'uan ch'amilej-q'or. Chuqa' toq niben ri natabel richin ri solbelri'il chiri' pan Egipto, ri ti'ij richin ri kamelabel, wi xa man nik'is ta, man tiyek kan richin ri ruka'n q'ij.

Ex 34:8

Ri Moisés kan xaxe k'a xrak'axaj keri', kan jari' xxuke-qa, xuqasaj-ri' k'a pan ulew, richin xuya' ruq'ij ri Jehová.

Ex 10:2

Y richin chi rix nitzijoj chuqa' chike ri iwalk'ual y chike ri iwiy-imam, ronojel re xinben yin re wawe' pan Egipto. Ri nima'q taq nubanobal richin retal, richin chi rix kan tiwetamaj chuqa' chi ja yin Jehová, xcha'.

Ex 12:28

Y ri achi'a' ri k'o kiq'ij richin ri Israel, xetzolin y xbekibij chike ri winaqi', ri rubin ri Jehová chike ri Moisés y ri Aarón.

Ex 13:14

Y toq ri chua'q-kabij xtikik'utuj chiqe ri qalk'ual chi achike roma kere' niqaben, roj xtiqabij k'a chike: Roj janila k'a k'iy juna' ri xojyuqe' pa samaj ri pan Egipto y k'a ja na ri Jehová ri xkolon-pe qichin, rik'in ri nimalej ruchuq'a' rija'.

Wuj Richin Bix Chire ri Dios 44:1

Nimalej Dios, kan rik'in k'a qaxikin qak'axan ri utzilej rutzijol. Ri qate-qatata' xetzijon kan chiqe chi rat xaben ri meyel taq banobel ri ojer kan.

Ex 13:8

Y chupan k'a ri q'ij ri' jari' toq xtiqabij chike ri qalk'ual: Re nimaq'ij re' richin niqanataj ri xuben ri Jehová qik'in, toq xojrelesaj-pe pan Egipto, xqojcha'.

Wuj Richin Bix Chire ri Dios 78:5

Rija' xuya' pixa' chiqe roj ri oj rijatzul kan ri Jacob. Ri rupixa' kan xuya' k'a chiqe roj qonojel. Y xubij k'a chike ri qate-qatata' chi tikik'utu' chikiwech ri kalk'ual,