Ex 12:26 - Kaqchiquel Bible

²⁶ Rik'in juba' ri iwalk'ual xtikik'utuj chiwe: ¿Achike roma ninimaq'ijuj re q'ij re'?

Ex 12:26 ပူးပေါင်းရင်းမြစ်များ

Wuj Richin Bix Chire ri Dios 145:4

Ri chi sol chi sol winaqi' ri yeq'ax, kan xtikinimaq'ijuj ri nima'q taq abanobal rat Jehová. Kan xtikitaluj k'a rutzijol ri meyel taq abanobal.

Wuj Richin Bix Chire ri Dios 44:1

Nimalej Dios, kan rik'in k'a qaxikin qak'axan ri utzilej rutzijol. Ri qate-qatata' xetzijon kan chiqe chi rat xaben ri meyel taq banobel ri ojer kan.

Ex 10:2

Y richin chi rix nitzijoj chuqa' chike ri iwalk'ual y chike ri iwiy-imam, ronojel re xinben yin re wawe' pan Egipto. Ri nima'q taq nubanobal richin retal, richin chi rix kan tiwetamaj chuqa' chi ja yin Jehová, xcha'.

Ex 12:25

Y toq xkixok chupan ri ruwach'ulew ri xtuya' ri Jehová chiqe kan xtiben chuqa' re jun nimaq'ij re'.

Ex 13:22

Y ri achi'el sutz' rubanik ri paq'ij y ri achi'el rubanik ruxaq-q'aq' ri chi'aq'a', kan jantape' k'a nabey-el chikiwech.

Wuj Richin ri Isaías 38:19

Xaxe k'a ri k'o kik'aslen yetikir nikiya' aq'ij, achi'el ninben yin re wakami. Y jun sol winaqi' nikitzijoj chike jun sol chik winaqi' ri awajowabal ri man nik'is ta.

Efesios 6:4

Y rix te'ej-tata'aj, man tiyek koyowal ri iwalk'ual. Xa kan ke'ik'iytisaj k'a rik'in ri nubij ri ruch'abel ri Dios y kan pa rubeyal.

Deut 11:19

Ke'itijoj k'a ri iwalk'ual chire re ch'abel re' toq ixk'o pa taq iwachoch, toq ix beneq pa taq bey, toq yixkotz'e-qa y toq yixyakatej-el.

Deut 32:7

Toqaqa k'a chi'ik'u'x ri ojer kan toq xtz'ukutej-pe ri qatinamit, y kan tich'obo' k'a kij jebel ri juna' ri e q'axineq chik kan. Tik'utuj chike ri ite-itata' richin chi tikitzijoj chiwe, y chuqa' tik'utuj chike ri e rijita'q taq achi'a' ri kan k'o kiq'ij richin chi tikitzijoj chiwe.

Deut 6:20

Y toq k'o jun q'ij ri iwalk'ual xtikik'utuj chiwe chi achike nel chi tzij ronojel re pixa' re', ri xubij ri Jehová ri qa-Dios.

Deut 6:7

y kan tikamuluj chike ri iwalk'ual y kan ke'itijoj k'a jantape', pa taq iwachoch, pa taq bey, toq yixkotz'e-qa y toq yixyakatej-el.