Ex 12:21 - Kaqchiquel Bible

²¹ Y k'ari' ri Moisés xeroyoj konojel achi'a' ri k'o kiq'ij richin ri Israel y xubij k'a chike ri rubin-pe ri Dios chire rija'; chi kebe y tikibij chike ri kiwinaq chi chikijujunal ri jay winaqi' tikicha' chikikojol ri kawej jun alaj achij chikop y tikikamisaj richin nikinimaq'ijuj ri Solbelri'il.

Ex 12:21 ပူးပေါင်းရင်းမြစ်များ

2 Rey 23:21

K'ari' ri rey Josías xuteq k'a rubixik chike konojel ri winaqi', y xubij chi tikinimaq'ijuj ri q'ij toq ri Jehová xuya' ri Solbelri'il, achi'el tz'ibatel kan chupan ri wuj richin ri jikibel-tzij.

Wuj Richin ri Esdras 6:20

Ri e sacerdote y ri e levita kan xkich'ajch'ojirisaj k'a ki' achi'el nubij ri pixa'. K'ari' ri e levita xkisuj k'a ri kamelabel richin ri nimaq'ij ri', koma rije', ri e sacerdote y konojel ri ch'aqa' chik winaqi' ri xetzolin pa Jerusalem.

Ex 12:11

Kere' k'a ibanik toq xkixwa': Kan jebel tibatz'a' ri ipan, tixima' ri ixajab chi'iwaqen, y ri ich'ame'y tichapa' pan iq'a'. Y kan xtitej k'a anineq ri k'o chi nitej. Jari' ri nimaq'ij richin ninataj ri Solbelri'il.

Ex 12:20

Y xabakuchi ta ixk'o-wi, man titej ri k'o ch'amilej-q'or rik'in. Xaxe k'a titija' ri kaxlan-wey ri maneq ch'amilej-q'or rik'in, xcha' ri Dios.

Ex 12:3

Chuqa' tabij re jun ruchojmilal re' chike konojel ri iwinaq israelita: Chupan ri q'ij lajuj chire re ik' re', chikijujunal chike ri achi'a' tikicha' chikikojol ri kawej jun ti alaj achij karne'l richin junan nikitej kik'in ri aj pa kachoch.

Ex 17:5

Y ri Jehová xubij chire ri Moisés: Katik'o-el chikiwech ri awinaq y ke'ak'uaj-el awik'in rat ri achi'a' ri k'o kiq'ij ri ek'o pa kiwi' rije'. Chuqa' tak'uaj-el ri ach'ame'y ri achoq ik'in xaneq-wi ri raqen-ya' Nilo y kabiyin.

Ex 19:7

Y ri Moisés xqaqa k'a pe y xuteq koyoxik ri rijita'q taq achi'a' ri k'o kiq'ij y xuq'alajirisaj k'a chikiwech ronojel ri xubij-pe ri Jehová chi k'o chi nubij chike.

Ex 3:16

Kabiyin k'a y toq xkatapon, ke'amolo' ri nima'q taq achi'a' chikikojol ri awinaq y tabij chike: Ri Jehová ri ki-Dios ri qati't-qamama', ri Abraham, ri Isaac y ri Jacob, xuk'ut-ri' chinuwech y xubij chuwe chi rija' kan nutz'et k'a ronojel ri ruk'ayewal ri niban chiwe wawe' pan Egipto y roma ri' xpe chi'ito'ik.

Wuj Richin ri Q'axanri'il 11:16

Y ri Jehová xuk'uluba' k'a pe ri ruch'abel ri Moisés y xubij k'a chire: Ke'amolo-pe e oxk'al lajuj achi'a' chike ri aj-raqen richin ri tinamit ri kan k'o kiq'ij y kan e samajela' richin ri tinamit. Ke'ak'ama-pe chuchi' ri wachoch richin molojri'il.

1 Corintios 10:4

chuqa' xkiqum ri ya' ri xuya-pe ri Dios chike. Ri ya' ri' xel-pe pa jun nimalej abej ri kan kachibilan. Y ri abej ri', nuk'exewachuj ri Cristo.

Hebreos 11:28

Ri Moisés roma kan kuqul ruk'u'x, xuben ri nimaq'ij richin ri solbelri'il y xubij chike ri ruwinaq chi tikichikaj ri kikik'el ri taq ka'rnel chirij ri ruchi' taq kachoch, richin chi man yekamisex ri nimalaxela' taq alaboni' roma ri kamisanel.

Wuj Richin ri Josúe 5:10

Y rije' xkinimaq'ijuj ri q'ij toq ri Jehová xuya' ri Solbelri'il. Y re nimaq'ij re' xkiben chupan ri q'ij kajlajuj richin ri ik' ri', toq xqaq'ij-qa, ri chiri' pa Guilgal ri k'o pa taq'aj chuwech-apo ri tinamit Jericó.