Ex 12:17 - Kaqchiquel Bible

¹⁷ Kan xtinimaq'ijuj k'a ri q'ij richin ri nimaq'ij richin ri kaxlan-wey ri maneq ch'amilej-q'or rik'in, roma chupan ri q'ij ri' xixinwelesaj-pe pa ruk'ayewal ri chiri' pan Egipto. Y roma ri' kan xtichajij k'a re jun pixa' re'. Chi wiq chi tanaj kan kere' k'a xtiben beneq ruwech.

Ex 12:17 ပူးပေါင်းရင်းမြစ်များ

Ex 12:14

Y re q'ij re' kan k'o chi xtinimaq'ijuj rix, chuqa' keri' xtikiben ri iwijatzul ri xkepe chi wiq chi tanaj. Kan keri' k'a ri k'o chi niben richin jantape'.

Ex 12:24

Kan titaqej k'a re jun ruchojmilal re', rix y ri iwijatzul. Kan xtok k'a jun pixa' iwichin rix.

Ex 12:41

Y kan chupan k'a ri ruk'isibel q'ij richin ri 430 juna' ri', jari' toq ri tzobaj richin ri tinamit Israel, xe'el-el ri chiri'.

Ex 12:6

Rix kan ke'iwilij k'a apo ri taq chikopi' ri', richin ri q'ij kajlajuj, richin re ik' re'. Toq niqaqa yan qa ri q'ij, jari' toq chi'iwonojel rix xke'ikamisaj ri taq chikopi' ri e icha'on.

Ex 13:10

Jare' k'a ri nubij ri Jehová chi k'o chi niqaben, k'atzinel xtiqanimaq'ijuj re jun q'ij re', ronojel juna'.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 13:8

Y chupan k'a ri q'ij ri' jari' toq xtiqabij chike ri qalk'ual: Re nimaq'ij re' richin niqanataj ri xuben ri Jehová qik'in, toq xojrelesaj-pe pan Egipto, xqojcha'.

Ex 34:18

Kan xtichajij k'a ri nimaq'ij richin ri kaxlan-wey ri maneq ch'amilej-q'or rik'in; wuqu' k'a q'ij xtitej ri kaxlan-wey ri', kan achi'el ri nubin chik chiwe, kan xtinimaq'ijuj k'a chupan ri ik' Abib, roma ja ik' ri' toq xixel-pe pan Egipto.

Ex 6:26

Jare' k'a ri Moisés y ri Aarón ri xch'on ri Dios kik'in y xubij chike chi tikelesaj ri tinamit Israel pan Egipto, y pa taq tzobaj k'a kekinuk'u' richin yekelesaj-el.

Ex 7:5

Y ri aj-Egipto kan xtiketamaj k'a in achike yin Jehová, toq xtink'ut ri nimalej wuchuq'a' chikiwech y xkenwelesaj-el ri israelita chikikojol rije', xcha' ri Dios chike.

Wuj Richin ri Q'axanri'il 20:16

y roma ri' toq roj xojch'on k'a rik'in ri Jehová y rija' kan xrak'axaj ri qach'abel. Xuteq k'a jun ángel richin xojrelesaj-pe pan Egipto y wakami ojk'o wawe' pa Cadés, tinamit ri k'o chunaqaj ri k'ulba't richin ri aruwach'ulew.

Deut 16:3

Ri ti chikop ri' nitej rik'in kaxlan-wey ri maneq ch'amilej-q'or rik'in. Wuqu' k'a q'ij nitej ri kaxlan-wey keri'. Re' nuk'exewachuj ri tijoj-poqonal, roma kan chi'anin k'o chi xojel-pe pan Egipto. Keri', kan chijun k'a ik'aslen toqaqa chi'ik'u'x ri q'ij toq xojel-pe pan Egipto.