Ex 11:2 - Kaqchiquel Bible

² Wakami tabij k'a chike konojel ri awinaq chi chikijujunal tikik'utula-el chike ri winaqi', ri e kachk'uljay, ronojel ri e banon rik'in q'anapueq y saqipueq, xcha'.

Ex 11:2 ပူးပေါင်းရင်းမြစ်များ

Ex 3:22

Roma ri' toq chikijujunal ri ixoqi' israelita xtikik'utuj-el chike ri ixoqi' e kachk'uljay aj-Egipto, o chike xabachike ixoqi' ri akuchi ek'o-wi, rije' kan xkekiyala' k'a el chiwe ronojel ri k'o kejqalen ri e banon rik'in saqipueq y q'anapueq. Chuqa' kan xkekiyala-el jebelej taq tzieq, richin chi jari' xkekikusala' ri imi'al-ik'ajol. Y keri' xtimej-el ri kibeyomel ri aj-Egipto, xcha' ri Dios chire ri Moisés.

San Mateo 20:15

Roma ronojel ri k'o wik'in yin, kan pa nuq'a' k'a yin k'o-wi richin ninben achike ri ninwajo' ninben rik'in. Rat xa itzel nana' chike rije' toq yin xa ja ri utz ninben, xcha'.

Wuj Richin Etamabel-Tzij 13:22

Ri wineq ri kan utz, kan k'o k'a ri nuya' kan richin nikichinaj kan ri e riy-rumam; jak'a ri beyomel ri nuya' kan ri wineq aj-mak, kan niyake' kan, richin chi ja ri choj kik'aslen ri ye'ichinan.

Wuj Richin Bix Chire ri Dios 105:37

Chirij ri' ri Jehová xerelesaj k'a el chiri', y xyalox-el saqipueq y q'anapueq chike. Kan man jun k'a chikikojol rije', ri maneq ta ruchuq'a' richin xebe.

Wuj Richin Bix Chire ri Dios 24:1

Chijun ri ruwach'ulew y ronojel ri k'o chuwech kan e richin ri Jehová. Chijun ri ruwach'ulew y konojel ri e k'es chuwech kan e richin-wi rija'.

Ex 35:22

Kan chi achi'a' chi ixoqi' k'a xepe y konojel kik'amon-pe sipanik rik'in ronojel kánima. Kik'amon-pe ri wiqobel ri banon rik'in q'anapueq, ri wiqobel ri yetz'arabex chuwech ri tzieq, ri lipq'a', ri retz'aba'l ri kitza'n y ri ichinaj.

Ex 32:24

Roma ri' yin xinbij chike: Wi k'o q'anapueq iwik'in, tik'ama-pe; xicha' chike. Y rije' kan xkik'en k'a pe. Y yin xinya' pa q'aq' ri q'anapueq ri' y jari' toq xbek'ulun-pe re jun nima-alaj achij wákix re', xcha' ri Aarón.

Wuj Richin ri Rutikeribel 31:9

Keri' k'a ri Dios xerelesaj ri rawej ri itata' y xeruya' chuwe yin.

Wuj Richin ri Rutikeribel 24:53

Y ri samajel xuya-apo jalajoj ruwech sipanik ri banon rik'in saqipueq y q'anapueq, y tzieq, richin xusipaj chire ri Rebeca y chuqa' xeruyala' sipanik chire ri ruxibal y ri rute'.

Ex 3:21

Y yin kan xtinben k'a chike ri winaqi' aj-Egipto chi kan utz xkixkitz'et y roma ri' kan k'o k'a ri xtikiya-el chiwe richin man choj keri' yixbe.