Ex 11:1 - Kaqchiquel Bible

¹ Ri Jehová kan rubin chik chire ri Moisés: K'a k'o na jun chik nima-ruk'ayewal ri ninya' pa ruwi' ri rey y pa kiwi' konojel ri ruwinaq. Chirij k'a re', k'ari' xtuya' q'ij chiwe richin yixel-el, y kan xkixroqotaj-el re wawe'.

Ex 11:1 ပူးပေါင်းရင်းမြစ်များ

Wuj Richin ri Chojmirisabelri'il 26:21

Y wi rix chaq nipaba-iwi' chinuwech y wi chaq man ninimaj ta nutzij, xtinya' chik wuqu' mul rutojbalil pan iwi'.

Wuj Richin ri Rutikeribel 15:14

Jak'a yin kan xtinya' k'a ri rutojbalil-mak pa kiwi' ri winaqi' ri aj-ruwach'ulew ri'. Chirij re' ri awijatzul xke'el-pe y xke'ok rajaw ri nima'q taq beyomel ri xtikik'uaj-el chiri'.

Ex 9:14

Roma wi man keri' ta xtaben, wakami yin xtinteq-pe ronojel ruwech nima'q taq ruk'ayewal pan awi' rat, pa kiwi' ri aj-raqen y pa kiwi' konojel ri awinaq, richin chi tawetamaj chi kan man jun chik Dios k'o chuwech re chuwach'ulew, ri achi'el yin.

Ex 3:20

Roma ri', yin kan xtinben chi xtiqaqa ruk'ayewal pa ruwi' ri Egipto, kan xtinben chi xkebanatej banobel ri man jun bey e tz'eton ta. K'a chirij ri' xtuya-el q'ij chiwe richin xkixbe.

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,

Apocalipsis 16:9

Y kan keri' k'a xk'uluwachitej, ri q'ij kan itzel-wi chi k'atik xuben ri chike ri winaqi' y man rik'in ri' ri winaqi' kan man xubij ta juba' kánima chi xtzolej ta kik'u'x rik'in ri Dios o xkiya' ta chuqa' ruq'ij-ruk'ojlen. Pa ruk'exel ri' xa xkiyoq' rubi' ri Dios ri taqayon-pe ri ruk'ayewal.

Wuj Richin ri Achin Job 10:17

Kan q'ij, q'ij najalala' ri tejtobenik ri napaba' chinuwech. Q'ij, q'ij más nim ri awoyowal chuwij yin. Rat naben chuwe achi'el nikiben ri banoy taq oyowal, toq chi tzobaj chi tzobaj yeyakatej chirij jun tinamit.

1 Sam 6:4

Y ri aj-Filistea xkik'utuj achike k'a ri nik'atzin richin nikuyutej kimak. Y ri e sacerdote y ri ketaman ri peteneq chikiwech xkibij: Tibana' wo'o' ruwachibel ri sipojik rik'in q'anapueq, achi'el ri kajlabal ri e tata'al y tibana' wo'o' ruwachibel ch'oy achi'el ri kajlabal ri e wo'o' qatinamit ri xya'ox nima-ruk'ayewal pa qawi', roma chi wo'o' tinamit oj poqonatajineq.

Ex 6:1

Jari' toq ri Jehová Dios xubij chire ri Moisés: Wakami xtabetz'eta' ri xtinbenbana' rik'in ri rey, rik'in ri wuchuq'a' yin. Rija' xtuya-el q'ij chiwe y xkixroqotaj-el chupan ri rutinamit, xcha' ri Jehová.

Ex 12:29

Y pa nik'aj-aq'a' ri Jehová xerukamisaj k'a konojel ri e nabey taq al alaboni' ri aj-Egipto. Xken k'a ri nabey ruk'ajol ri rey, ri niq'aton-tzij. Chuqa' xeken konojel ri nabey taq al alaboni' kichin konojel y chuqa' kichin ri ek'o pa cárcel y ri nabey taq kal ri kawej.