Ex 10:26 - Kaqchiquel Bible

²⁶ Wi rat naya' q'ij chiqe richin yojbe, k'o chi yeqak'uaj ri qawej; ni ta ri kixk'eq ri qawej xkeqaya' ta kan. Roma chikikojol ri qawej xkeqak'en-wi ri xtiqasuj richin niqaya' ruq'ij ri Jehová ri qa-Dios. Y kan k'a xqojapon na, k'ari' xtiqetamaj ri achike xkek'atzin chiqe richin niqaya' ruq'ij ri Jehová, xcha'.

Ex 10:26 ပူးပေါင်းရင်းမြစ်များ

Hebreos 11:8

Ri Abraham xk'oje' kuqubabel-k'u'x rik'in, roma ri' toq xoyox roma ri Dios richin chi nibe k'a pa jun chik ruwach'ulew ri xtuk'ul richin nrichinaj kan, rija' xunimaj tzij y xbe, stape' man retaman ta achike ruwach'ulew xtapon-wi.

2 Corintios 8:5

Ri qach'alal aj-Macedonia, nabey xkijech-ki' pa ruq'a' ri ajaw richin nikiben ri nrajo' rija'. K'ari' xkijech ki' chubanik ri samaj ri qachapon rubanik roj. Roj man jun bey k'a xqoyobej chi keri' nikiben, jak'a rije' kan xkiben achi'el rurayibel ri Dios.

Wuj Richin ri Zacarías 14:20

Chupan k'a ri ruq'ijul ri', kan k'o k'a ri xtibetz'ibex chikiwech ri taq klun ri nitzeqe' chikiqul ri kiej, y kere' nubij: Kan Ch'aron Chire ri Jehová. Y chuqa' xtitz'ibex chuwech ri bojo'y ri nikusex chupan ri rachoch ri Dios, y chuqa' chikiwech ri nima'q taq leq ri ye'ukusex chuwech ri porobel.

Os 5:6

Chirij k'a ri' xkekik'uaj k'a ri kiwákix y ri kikarne'l, richin chi xkinkikanoj yin Jehová. Jak'a xa kan man xkinkil ta roma yin xa man xkik'oje' ta chik kik'in.

Wuj Richin ri Isaías 23:18

Jak'a ronojel ri xtikich'ek chirij ri kik'ayij, xtikijech-apo chire ri Jehová. Man xtikiyek ta qa chupan ri kiyakonabal. Xa kan xtitalux k'a chike konojel ri yesamajin richin ri Jehová, richin xtikiloq' pa ruk'iyal ri kiway y jebelej taq tzieq.

Wuj Richin Etamabel-Tzij 3:9

Rat kan taya' k'a ruq'ij ri Jehová rik'in ri abeyomel, kan taya' k'a ruq'ij rija' rik'in ri nabey taq ruwech ri atiko'n

Ex 12:32

Ke'ik'uaj chuqa' ri iwawej achi'el ri ibin chuwe y kixbiyin y tibana' utzil kiniwurtisaj chuqa' yin, xcha'.

Ex 10:9

Y ri Moisés xubij: K'o chi yojbe qonojel chi ak'uala', chi rijita'q, ri qami'al-qak'ajol y chuqa' ri qawej. Yojbe richin nibeqanimaq'ijuj y nibeqabixaj rubi' ri qa-Dios, xcha' ri Moisés.

Ex 10:25

Jak'a ri Moisés xubij chire ri rey: Wi keri', ja rat ri k'o chi yaya'on chiqe ri chikopi' richin kamelabel, richin chi jari' ri niqaporoj chuwech ri Jehová ri qa-Dios.

Ex 8:27

Roma ri' xa kan k'atzinel xqojbiyin na oxi' q'ij pa tz'iran ruwach'ulew. Y chiri' xtiqasuj kamelabel chire ri Jehová ri qa-Dios, kan achi'el ri rubin chiqe, xcha' ri Moisés.