Ex 10:24 - Kaqchiquel Bible

²⁴ Y k'ari' ri rey xuteq royoxik ri Moisés y xubij chire: Kixbiyin y tibesamajij ri Jehová. Ke'ik'uaj ri iwixjayilal y chuqa' ri iwalk'ual, xaxe ri iwawej ke'iya' kan, xcha' ri rey chire.

Ex 10:24 ပူးပေါင်းရင်းမြစ်များ

Ex 8:28

Y ri rey xubij: Yin kan xtinya' k'a q'ij chiwe richin xkixbe richin xtibesuju' kamelabel chire ri Jehová ri i-Dios pa tz'iran ruwach'ulew, jak'a man yixbe ta más nej y tibana' utzil xkixch'on rik'in ri i-Dios pa nuwi' yin, xcha'.

Ex 9:28

Kixch'on k'a rik'in ri Jehová pa qawi' roj, roma xa man niqajo' ta chik koqolajay ni saqboch. Yin xa man ninwajo' ta chik yixk'oje-qa wawe', xcha' ri rey chike.

Wuj Richin ri Rutikeribel 34:23

Ronojel ri kibeyomel y ri tzobaj taq awej ri k'o kik'in eqal-eqal xtok qichin roj; xaxe tiqabana' ri nikibij rije' richin xkek'oje-qa qik'in, xecha'.

Ex 8:8

Y jari' toq ri rey xuteq koyoxik ri Moisés y ri Aarón y xubij chike: Tik'utuj chire ri Jehová chi kerelesaj-el re xkalet wawe' wik'in yin y kik'in konojel ri nuwinaq y yin xtinya' k'a q'ij chiwe richin xtibesuju' kamelabel chire ri Jehová, xcha' ri rey.

Ex 8:25

K'ari' ri rey xuteq chik koyoxik ri Moisés y ri Aarón y xubij chike: Kixbiyin tibesuju' kamelabel chire ri i-Dios, jak'a man yixel ta el chupan ri ruk'ulba't ri Egipto, xcha'.

Ex 10:25

Jak'a ri Moisés xubij chire ri rey: Wi keri', ja rat ri k'o chi yaya'on chiqe ri chikopi' richin kamelabel, richin chi jari' ri niqaporoj chuwech ri Jehová ri qa-Dios.