Ex 10:21 - Kaqchiquel Bible

²¹ Xeri' ri Jehová xubij chik chire ri Moisés: Tayaka' ri aq'a' chikaj richin chi tiqaqa jun nimalej q'equ'm pa ruwi' chijun ri Egipto; q'equ'm ri xa kan tikirel richin chi nichap, xcha'.

Ex 10:21 ပူးပေါင်းရင်းမြစ်များ

Judas 1:6

Keri' chuqa' xuben ri Dios kik'in ri ángel ri man xqa' ta chikiwech ri akuchi e ruya'on-wi y xa xkiya' kan ri samaj ri ruya'on pa kiq'a', y xe'el-pe pa kachoch chila' chikaj. Jak'a re wakami ri Dios rubanon chike chi e ximil ri akuchi ruyon q'equ'm k'o. Chiri' e yakel-wi, koyoben ri q'ij toq xtiq'at-tzij pa kiwi'.

2 Pedro 2:17

Y ri man e qitzij ta tijonela' xa maneq kejqalen; xa e achi'el alaxbel-ya' ri xa chaqi'j chik, e achi'el sutz' ri uk'uan roma jun nimalej kaq'iq'. Ri Dios kan ruchojmirisan chik jun nimalej q'equ'm richin tijoj-poqonal chike rije'.

2 Pedro 2:4

Roma ri Dios, ni ri ángel man xerukoch' ta toq xemakun. Xa xeruk'eq k'a akuchi k'o-wi ri tijoj-poqonal y ri q'equ'm. Y wakami chiri' e yakel-wi, koyoben ri q'ij toq xtiq'at-tzij pa kiwi'.

San Lucas 23:44

Xk'uluwachitej k'a chi pa nik'aj-q'ij la'eq ri', ri ruwach'ulew xq'equmer. Y ri q'equ'm ri' xk'is-el k'a toq xnik'ajer-el ri tiqaq'ij.

Marcos 15:33

Toq xnik'ajer q'ij, jari' k'a toq xq'equmer ri ruwach'ulew. Y ri q'equ'm ri' xk'is k'a el k'a toq xnik'ajer-el ri tiqaq'ij.

San Mateo 27:45

Toq xnik'ajer pe ri jun q'ij ri', jari' xq'equmer chijun ruwach'ulew. Y ri q'equ'm ri' xk'is k'a el k'a toq xnik'ajer-el ri tiqaq'ij.

Wuj Richin Etamabel-Tzij 4:19

Jak'a ri kibey k'a ri winaqi' aj-maki', kan q'equ'm-q'equ'm k'a y roma ri' kan man xtiketamaj ta ri akuchi xketzaq-wi roma nikipajk'ij-kaqen.

Wuj Richin Bix Chire ri Dios 105:28

Xuteq k'a pe jun nimalej q'equ'm pa ruwi' chijun ri ruwach'ulew, jak'a ri aj chiri' xa kan man xkinimaj ta rutzij ri Jehová.

Deut 28:29

Keri' xkixmaqmo'x k'a pa nik'aj-q'ij achi'el nimaqmo'x jun moy pa q'equ'm y ronojel k'a ri xtiben man jun utz xtel chiwech; y kan jantape' xtiban chiwe richin xtitej poqon, y kan xteleq'ex-el ronojel ri k'o iwik'in y kan man jun xtipe richin xkixruto' ta juba'.

Ex 9:22

Y jari' toq ri Jehová xubij chire ri Moisés: Tatzeqej la ach'ame'y chikaj richin keri' kan xtibeqaqa-pe ri saqboch chikaj pa kiwi' ri winaqi' aj-Egipto, pa kiwi' ri kawej y pa ruwi' ronojel ri kitiko'n, xcha'.

Judas 1:13

Chuqa' ri winaqi' ri' xa e achi'el jun palou ri janila nisilon. Kan nibolqo't, y ri itzel taq kibanobal xa achi'el ri woqoq. E achi'el chuqa' ch'umila' ri e eleneq chik el chupan ri kibey ri akuchi k'o chi yesaqirisan-wi. Y roma ri' xa kan e oyoben chik roma ri q'equ'm, ri akuchi xkebek'oje-wi pa ruk'ayewal richin q'asen.

Wuj Richin ri Molojri'il 6:4

Roma re ak'ual re' xa choj xok'oje-el juba' y man jun xutz'et kan y xtzolin chik pa q'equ'm, y ri rubi' xa nimestex.

Wuj Richin ri Molojri'il 2:14

Ri wineq aj-na'oj kan ronojel k'a nutz'et rik'in ri runaq'-ruwech, y ri nakanik xa pa q'equ'm nibiyin-wi. Man rik'in ri' chi e ka'i' xa pa kamik ye'apon-wi.

Wuj Richin Bix Chire ri Dios 78:49

Xuya' pa kiwi' rije' ri rukiy ri royowal, kan janila k'a ruk'ayewal ri xuya' pa kiwi'; jalajoj k'a ruwech ruk'ayewal ri xuteq-pe.

Wuj Richin Bix Chire ri Dios 35:6

Tabana' chi ri kibey kan q'equ'm y kan yejilijo' ta, y chi ri ángel awichin rat kan xkerutzeqelibej ta k'a.

Apocalipsis 8:12

Y ri rukaj ángel xuxupuj ri trompeta, y xuq'equmarisaj ri jun chire ri oxi' chire ri q'ij, ri ik' y ri ch'umila'. Keri' ri jun chire ri oxi' ri paq'ij man xseqer ta y ri chaq'a' man xesaqirisan ta ri ik' y ri ch'umila' ri jun chire ri oxi'.

Ex 7:19

Y jari' toq ri Jehová xubij chuqa' chire ri Moisés: Kere' tabij chire ri Aarón: Tachapa' ri ach'ame'y y tatzeqej pa kiwi' ri ya' ri ek'o pan Egipto. Y xke'ok k'a kik' ri raqen taq ya', ri taq ch'uti'n raqen taq ya', ri ya' ri e rimil pa taq ulew, ri ek'o pa yakbel taq ya'. Kan ronojel k'a ri ya' ri ek'o pan Egipto xtok kik' y chuqa' ri ya' ri ek'o pa taq yakbel-ya' ri e banon rik'in che' y ri e banon rik'in abej, xcha'.

Ez 32:7

Xkixink'is k'a achi'el toq nichup jun q'aq'. Y chuqa' xtibeq'equmatej ruwech ri kaj richin man yesaqirisan ta ri ch'umila'. Xtintz'apej ruwech ri q'ij rik'in sutz' y chuqa' ri ik' man xtisaqirisan ta chik.

Deut 1:30

Roma ri Jehová ri qa-Dios, kan beneq chiqawech, y kan ja rija' ri xtibanon ri oyowal pa qak'exel, achi'el ri xuben qik'in toq xojel-pe pan Egipto.

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,

Wuj Richin ri Achin Job 5:14

Y stape' jebel rubanon ri rusaqil ri q'ij, chikiwech rije' xa q'equ'm; rije' yemaqeq yebiyin ri pa nik'aj-q'ij, achi'el xa ta chi'aq'a'.