Ex 10:2 - Kaqchiquel Bible

² Y richin chi rix nitzijoj chuqa' chike ri iwalk'ual y chike ri iwiy-imam, ronojel re xinben yin re wawe' pan Egipto. Ri nima'q taq nubanobal richin retal, richin chi rix kan tiwetamaj chuqa' chi ja yin Jehová, xcha'.

Ex 10:2 ပူးပေါင်းရင်းမြစ်များ

Joel 1:3

Chirij re' xtitzijoj k'a chike ri iwalk'ual, ri iwalk'ual chike ri kalk'ual rije', ri kalk'ual rije' chike ri jun chik sol winaqi'.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Ex 13:14

Y toq ri chua'q-kabij xtikik'utuj chiqe ri qalk'ual chi achike roma kere' niqaben, roj xtiqabij k'a chike: Roj janila k'a k'iy juna' ri xojyuqe' pa samaj ri pan Egipto y k'a ja na ri Jehová ri xkolon-pe qichin, rik'in ri nimalej ruchuq'a' rija'.

Wuj Richin Bix Chire ri Dios 44:1

Nimalej Dios, kan rik'in k'a qaxikin qak'axan ri utzilej rutzijol. Ri qate-qatata' xetzijon kan chiqe chi rat xaben ri meyel taq banobel ri ojer kan.

Ex 7:17

Roma ri', rix xtiwetamaj k'a ruwech achike ri Jehová, roma rik'in re ch'ame'y re k'o pa nuq'a' xtinneq-qa re ya' richin re raqen-ya' Nilo y xtok k'a kik'.

Efesios 6:4

Y rix te'ej-tata'aj, man tiyek koyowal ri iwalk'ual. Xa kan ke'ik'iytisaj k'a rik'in ri nubij ri ruch'abel ri Dios y kan pa rubeyal.

Ez 20:28

Yin xenkusaj chupan ri ruwach'ulew ri xinya' chike, jak'a rije' toq xkitz'et jun juyu' o jun che' jebel ruxaq, kan chiri' k'a xkisuj-wi ri kikamelabal, chiri' k'a xkiya-wi ri kisipanik, chiri' k'a xkisuj-wi ri jebelej pom y chuqa' xkitix ri sipanik richin vino chikiwech ri wachibel. Y ronojel re' xa kan xuben chuwe richin xuyek janila woyowal.

Ez 20:26

y chuqa' xinya' k'a q'ij chike richin xe'ok man e ch'ajch'oj ta rik'in ri kisipanik ri xkiya' chikiwech ri wachibel toq xekiporoj ri nabey taq kik'ajol. Xinben ronojel re' richin xtik'oje' ta xibinri'il kik'in y xketamaj ta chi ja yin Jehová.

Wuj Richin Bix Chire ri Dios 71:18

Stape' chupan re nurijixinen y kere' seq chik nujolon, tabana' utzil nu-Dios, man kinamalij kan. Roma kan k'a k'o chi nintzijoj ri awuchuq'a' rat, chike ri k'a e ak'uala' na y ri man jani ke'alex.

Wuj Richin Bix Chire ri Dios 58:11

K'ari' xtikibij ri choj kik'aslen: Qitzij na wi kan k'o nuch'ek ri jun ri kan choj ruk'aslen; kan qitzij na wi chi k'o jun Dios ri niq'aton-tzij pa ruwi' ri ruwach'ulew, xkecha'.

Ex 7:5

Y ri aj-Egipto kan xtiketamaj k'a in achike yin Jehová, toq xtink'ut ri nimalej wuchuq'a' chikiwech y xkenwelesaj-el ri israelita chikikojol rije', xcha' ri Dios chike.

2 Sam 7:22

Roma ri', kan man jun chik más nim chawech rat nimalej Jehová. Y man jun bey k'a qak'axan chi k'o ta chik jun Dios achi'el rat.

Ex 8:6

Y ri Aarón xutzeqej k'a ri ruch'ame'y pa kiwi' ri ya' richin Egipto y kan chijun k'a kiruwach'ulew xnoj chi xkalet.

Ex 14:4

Y yin kan xtinkowirisaj k'a ri ránima rija' richin chi kan xtiyakatej-pe chiwij, jak'a yin xtink'ut ri nuq'ij-nuk'ojlen chuwech y chikiwech konojel ri aj-labal. Xtiketamaj k'a konojel ri aj-Egipto chi ja yin ri' ri in Jehová, xcha' ri Jehová chire ri Moisés. Y rije' kan xetzolin juba' chikij.

Ex 14:18

Y rije' xtiketamaj chi ja yin Jehová, toq xtink'ut ri nimalej wuchuq'a' chuwech ri rey, chikiwech ri e beneq pa carruaje y chikiwech ri e beneq chirij kiej, xcha' rija'.

Wuj Richin Bix Chire ri Dios 44:2

Rik'in ri aq'a' xe'awelasaj ri winaqi' chuwech ri kiruwach'ulew y xe'ajikiba' ri qati't-qamama' chuwech ri ruwach'ulew ri'; xaya' k'a ruk'ayewal pa kiwi' ri winaqi' ri', jak'a ri qati't-qamama' xaben chi xek'iyer-q'anej ri kijatzul.

Wuj Richin Bix Chire ri Dios 78:3

Re' kan qak'axan k'a y kan q'axineq chiqawech, y kan ja ri qati't-qamama' ri e tzijoyon kan chiqe.

Wuj Richin ri Isaías 38:19

Xaxe k'a ri k'o kik'aslen yetikir nikiya' aq'ij, achi'el ninben yin re wakami. Y jun sol winaqi' nikitzijoj chike jun sol chik winaqi' ri awajowabal ri man nik'is ta.