Ex 10:19 - Kaqchiquel Bible

¹⁹ Y ri Jehová kan chi'anin k'a xujel rubey ri kaq'iq' y xuben chi ja chik ri pa qajbel-q'ij xbek'ulun-wi-pe y xeruk'uaj-el konojel ri sak' y xeberuya' kan k'a chupan ri Kaqa-Palou y kan man jun chik k'a sak' xk'oje' kan pan Egipto.

Ex 10:19 ပူးပေါင်းရင်းမြစ်များ

Joel 2:20

Y xkenwelesaj k'a el ri aj-labal ri yepe pa xaman y xkenteq-el pa tz'iran ruwach'ulew ri akuchi tolan-tolan-wi. Xtinben chi xkejiq' ri e ik'owineq chikiwech chupan ri Tzayi-Choy, y ri e ruk'isibel kan xkejiq' chupan ri palou. Y kan xkeq'ey y kan xtutaluj-ri' ri kichuwirinen, xticha' ri Jehová. Kan qitzij na wi chi ri Jehová chupan ri q'ij ri' xtuben ri nima'q taq banobel ri'.

Hebreos 11:29

Y ri winaqi' judío roma kan kikuquban kik'u'x rik'in ri Dios, xkiq'axaj ri Kaqa-Palou y kan pa chaqi'j ulew xebiyin-wi. Jak'a toq ri winaqi' aj-Egipto xkajo' chuqa' xkiben keri', xa xejiq' kan.

Ex 15:4

Rat xaben chi ri carruaje y ri aj-labal xebe chuxe' ya', rat xaben chi ri aj-raqen xejiq' chupan ri Kaqa-Palou.

Ex 13:18

Roma ri' rija' xuben chike richin xkichop-el ri bey ri nusutij rij ri tz'iran ruwach'ulew, ri napon ri pa Kaqa-Palou. Y rije' kan xebe k'a y konojel kik'ualon k'a kikamisabal.

Ex 10:18

Ri Moisés xel k'a pe rik'in ri rey, y kan jari' xch'on rik'in ri Jehová.

Ex 10:20

Jak'a ri Jehová kan xuben chi ri rey xukowirisaj chik k'a ri ránima. y man xuya' ta q'ij richin xe'el-el ri winaqi' israelita.

Wuj Richin Bix Chire ri Dios 109:23

Ri nuk'aslen xa achi'el ri mach'ach'il toq nik'is-el. Roma maneq chik wuchuq'a', ri kaq'iq' yiruxupupej achi'el nuben chire ri sak'.