Ex 10:15 - Kaqchiquel Bible

¹⁵ Kan xkinojisaj ruwi' ri ulew chijun ri ruwach'ulew, kan xq'equmatej ruwi' ri ulew koma ri sak'. Xkik'is k'a el ronojel ri kolotajineq kan pa ruq'a' ri saqboch, ri tiko'n pa taq juyu', ri kiwech ri che'. Ni xa ta juba' chik rex ri xk'oje' kan chike ri che'.

Ex 10:15 ပူးပေါင်းရင်းမြစ်များ

Wuj Richin Bix Chire ri Dios 78:46

Xuben chi ri jut xkik'is ri kitiko'n kan ronojel k'a ri ruwech ri kitiko'n xuya' chike ri sak'.

Ex 10:12

K'ari' ri Jehová xubij chire ri Moisés: Tayaka' la aq'a' pa ruwi' ri ruwach'ulew Egipto richin ye'ojopojo' ri sak' y kan xtikik'is k'a ronojel ri man xk'is ta pa ruq'a' ri saqboch, xcha' ri Jehová.

Ex 10:5

Y ri chikopi' ri' kan xtikiq'equmarisaj ri ruwi' chijun ruwach'ulew, y kan man xtiq'alajin ta pe ri ulew. Y ri chikopi' ri' xtikik'is rutijik ronojel ri tiko'n, ri xkolotej kan pa ruq'a' ri saqboch y xtikik'is chuqa' ronojel ri ruxaq che' ri xebejotayin yan pe.

Wuj Richin Etamabel-Tzij 30:27

Ri rox, ja ri sak', roma stape' xa maneq jun rey ri uk'uayon ta kichin, man rik'in ri', kan pa taq tzobaj kik'ualon-ki' toq yebe.

Joel 1:4

Ri xkiya' kan ri jut, xkitej-el ri kokoj taq sak'; ri xkiya' kan ri kokoj taq sak', xkitej-el ri nima'q taq sak'; y ri xkiya' kan ri nima'q taq sak' xkitej-el ri janila chi sak'.

Joel 2:25

Ri Jehová nubij: Kan jari' k'a xtintzolij ruk'exel chiwe janipe' juna' xewa' ri sak'; ri sak' ri xebanon oyowal iwik'in rix ri xenteq-el yin.

Am 7:2

Y chupan ri achik' ri', xintz'et k'a chi ri sak' xkik'is ronojel tiko'n. Y jari' toq yin xisik'in y xinbij: Jehová, takuyu' ri qamak. ¿Achi'el kami toq xtiqakoch' roj ri oj israelita, roma roj xa kan yalan oj juba' ok?, xicha'.

Wuj Richin ri Q'axanri'il 22:5

K'o k'a jun achin rubini'an Balaam, ri ruk'ajol ri Beor, ri k'o pa tinamit Petor, chunaqaj ri raqen-ya' Éufrates. Y ri Balac xeruteq rik'in rija' ri achi'a' ri k'o kiq'ij chikikojol ri aj-Moab y ri aj-Madián y xubij-el: K'o jun tinamit ri eleneq-pe pan Egipto, ri nikinojisaj ruwech re ruwach'ulew y wakami xek'oje-qa ri chiqawech-apo.