Ex 1:20 - Kaqchiquel Bible

^20-21 Y roma ri k'exelo'n ri' kan k'o rukiy ri Dios chikiwech, ri Dios xuben chike ri e ka'i' ixoqi' ri' chi xek'oje' kal y xek'iyer chuqa'. Y ri israelita kan xek'iyer más y man xek'is ta qa y xk'oje' más kuchuq'a'.

Ex 1:20 ပူးပေါင်းရင်းမြစ်များ

Wuj Richin Bix Chire ri Dios 103:11

Ri rajowabal rija' kan janila nim pa qawi' roj ri niqaqasaj-qi' chuwech. Ri kaj y ri ruwach'ulew man yetikir ta nikitemej ri nimalej rajowabal rija'.

Wuj Richin Bix Chire ri Dios 111:5

Konojel k'a ri nikiya' ruq'ij rija', kan yerutzuq k'a. Ri jikibel-tzij ri rubanon, kan jantape' k'o chuk'u'x.

Wuj Richin Bix Chire ri Dios 145:19

Kan naya' k'a ri rurayibel ri kánima ri k'o akiy chikiwech. Nawak'axaj k'a ri kijiloj, y kan ye'akol.

Wuj Richin Bix Chire ri Dios 61:5

Roma rat nu-Dios, kan awak'axan ri nusujun chawe yin. Y xaya' chuwe ri ruk'amon richin nikichinaj ri kiqasan-ki' chawech.

Wuj Richin Bix Chire ri Dios 85:9

Kan qitzij na wi chi ri Jehová kan naqaj k'o-wi chike ri k'o rukiy rija' chikiwech; kan yeruto' richin chi ri ruk'ojlemal jantape' k'o chupan ri qaruwach'ulew.

Ex 1:12

Jak'a toq xeya'ox más pa tijoj-poqonal, jari' toq más xewinaqir y más xkinojisaj ruwech ri tinamit. Roma ri' ri aj-Egipto kan nikixibij chik ki' chikiwech ri israelita.

Ex 1:19

Ri k'exelo'n ri' xkibij chire ri rey: Ri ixoqi' israelita man e junan ta qik'in roj ri oj aj-Egipto, roma rije' kan k'o kuchuq'a' y kan xek'achoj yan toq roj yojapon kik'in, xecha'.

Ex 1:7

Y ri e rijatzul kan ri Israel kan xe'alk'ualan-wi, kan janila k'a xek'iyer. Kan janila k'a xewinaqir, kan janila xk'oje' kuchuq'a' y xkinojisaj chijun ri ruwach'ulew Egipto.

Wuj Richin Etamabel-Tzij 11:18

Ri wineq nibanon etzelal, ri ch'akonik ri nril xa man qitzij ta; jak'a ri kan nutik ri chojmilal, ri ch'akonik ri nril kan qitzij wi.

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

Wuj Richin ri Molojri'il 8:12

Ri aj-mak kan pa wok'al k'a ch'a'oj ri yerubanala' y kan k'a nik'ase' na chubanik más. Man rik'in ri' yin kan yitikir ninbij chi ri k'o rukiy ri Dios chikiwech, kan kikoten xkek'ase-el, y xa kan k'o yan ri nikik'ul-el re wawe' roma kan k'o rukiy ri Dios chikiwech.

Wuj Richin ri Isaías 3:10

Tibij k'a chike ri choj kik'aslen chi kan utz xkebe, roma kan xtikitej ruwech ri kitiko'n.

San Mateo 10:42

Xabachike k'a wineq ri xa stape' juba' ruya' nusipaj chire ri más ruqasan-ri' chike ri nutijoxela' yin, kan qitzij k'a ninbij chiwe chi kan k'o-wi rajel ruk'exel ri xtuk'ul, xcha' ri Jesús.

San Mateo 25:40

Y yin ri in rey xtinbij k'a: Kan qitzij wi k'a ri ninbij chiwe chi roma keri' xiben kik'in ri wach'alal ri maneq kiq'ij, xa kan chuwe k'a yin xiben-wi ri utzil xiben chike, xkicha'.

San Lucas 1:50

Kan jantape' nujoyowaj kiwech konojel ri winaqi', ri kan k'o ruq'ij-ruk'ojlen rija' chikiwech.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.