Ex 1:14 - Kaqchiquel Bible

¹⁴ Kan xk'ayewatej k'a ri kik'aslen roma ri ilinri'il xya'ox pa kiwi'. Xeya'ox k'a pa banoj ch'abeq richin xkiben xan chire richin nok ladrillo y ronojel ri kow taq samaj richin pa juyu', y kan xetz'ilox k'a chubanikil ri samaj ri'.

Ex 1:14 ပူးပေါင်းရင်းမြစ်များ

Wuj Richin ri Rutikeribel 15:13

K'ari' ri Jehová xubij chire: Kan tawetamaj chi ri awijatzul xkebe'ok q'axel chupan jun chik ruwach'ulew ri man kichin ta rije'. Chiri' xkebexime-wi pa samaj, janila xketz'ilox y xtibekitija' poqon 400 juna'.

1 Rey 12:14

Rija' xa ja ri xkibij ri alaboni' chire, xa jari' xutzeqelibej y xubij chike ri winaqi': Ri nata' xuya' al ejqa'n chiwij, jak'a yin kan xtinben chi janila ralal ri ejqa'n ri'. Rija' xixruch'ey rik'in tz'um, jak'a yin xkixinch'ey rik'in tz'um ri k'o k'ix ch'ich' chutza'n, xcha' chike.

Wuj Richin Bix Chire ri Dios 129:1

Kan k'a pa nuk'ajolil k'a ri janila in kitz'ilon-pe. Wakami tubij k'a ri tinamit Israel:

Wuj Richin Bix Chire ri Dios 68:13

Xkitaluj k'a kiwachibel paloma ri ya'on saqipueq chirij, ri kixik' ya'on q'anapueq chirij, ¿Rix achi'a' ri xixk'oje' kan kik'in ri iwawej, achike roma man xixbe ta pa labal?

Wuj Richin Bix Chire ri Dios 81:6

Yin xinelesan chiwij ri ejqa'n ri ik'uan, ri iq'a' kan xe'uxlan k'a chuk'uaxik ri al taq ejqa'n.

Ex 1:11

Kan ja ri q'ij ri', ri aj-Egipto xekikanoj achi'a' richin yek'oje' pa kiwi' ri israelita richin niya'ox k'ayew taq samaj chike y xban chike chi xkipaba-q'anej ri nima'q taq tinamit kibini'an Pitón y Ramsés, richin nuyek ri ru-trigo ri rey.

Ex 1:13

Y xkiben chike ri israelita chi xekiben janila k'ayew taq samaj.

Ex 1:15

Pa ruwi' ronojel ri' ri rey xch'on kik'in ri Sifrá y ri Puá, ri e k'exelo'n kichin ri ixoqi' israelita y xubij chike:

Ex 2:23

Toq q'axineq chik k'iy q'ij, ri rey richin Egipto xken. Man rik'in ri' ri winaqi' israelita kan k'a yejilon na roma ri ilinri'il ri k'o pa kiwi' y xech'on k'a rik'in ri Dios. Y rija' kan xrak'axaj k'a ri kich'abel, roma kan janila nikitej poqon chupan ri ilinri'il ri'.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Ex 6:9

Ronojel k'a ri xubij ri Jehová, xutzijoj k'a ri Moisés chike ri ruwinaq. Jak'a rije' xa man xkak'axaj ta roma xa kimalin chik kik'u'x roma ri ilinri'il.

Wuj Richin Etamabel-Tzij 28:15

Kan achi'el k'a jun koj ri nureq ruchi' o achi'el nuben jun oso ri niken roma wayjal; kan keri' rubanikil ri q'atoy-tzij ri banoy richin etzelal, y niq'aton-tzij pa kiwi' meba' taq winaqi'.

Wuj Richin ri Isaías 10:24

Roma ri' ri Jehová k'iytisanel richin ronojel kere' nubij: Nutinamit yin, ri ixk'o pa tinamit Sión, man tik'en kikiy ri aj-Asiria, roma xa xkixkich'ey rik'in ri kich'ame'y achi'el xkiben ri aj-Egipto kik'in ri iwati't-imama'.

Wuj Richin ri Isaías 14:6

Rat kan xe'ach'ey k'a ri janila chi winaqi' rik'in awoyowal. Kan man xatane' ta juba' richin xe'asok, y kan jantape' xe'atz'ila' ri winaqi'. Y kan man xajoyowaj ta kiwech richin xe'akamisaj.

Wuj Richin ri Isaías 51:23

Pa ruk'exel ri' rija' xtuya' chike ri e etzelanel iwichin. Rije' ojer kan xkibij chiwe chi tik'aqa-qa-iwi' pan ulew richin chi xkeq'ax-el chiwij. Roma rije' kan xebiyin pan iwi', achi'el yebiyin chupan ri bey.

Wuj Richin ri Isaías 52:5

Y re wakami rija' nubij: ¿Achike k'a nintz'et re wawe'? Ri nutinamit xa xe'uk'uex-el y man jun achike ta roma. Y pa ruwi' ri', ri xe'uk'uan-el kan yekitze'ej, y kan chaq q'ij-q'ij nikiben chire ri nubi' chi maneq rejqalen.

Wuj Richin ri Isaías 58:6

Man keri' ta ri rubanik. Ri meway ri niqa' chinuwech yin, chi ke'iwisq'opej ri e ximil y xa man jun kimak. Chuqa' ke'iwisq'opej-el ri e ijitz'on pa samaj, y tiya-el q'ij chi ketotej-el ri winaqi' ri ek'o pa latz'. Y man chaq ke'iya' pa poqon ri winaqi'.

Wuj Richin ri Chojmirisabelri'il 25:43

Man k'a ke'iya' pa tijoj-poqonal ri iwinaq ri kik'ayin-ki' iwik'in rix, xa kan titaqej k'a ri nubin yin.

Wuj Richin ri Chojmirisabelri'il 25:46

Y kan ye'iya' kan chike ri iwalk'ual richin nikichinaj kan toq rix yixken-el. Kan xke'ok k'a kan kichin ri iwijatzul richin yekisamajij rije'. Y rix israelita man k'a ke'iya' pa tijoj-poqonal ri iwinaq.

Wuj Richin ri Chojmirisabelri'il 25:53

Rix k'o chi nitz'et chi ri beyom man tuya' pa tijoj-poqonal ri iwinaq ronojel q'ij ri xtik'oje' rik'in rija'. Jak'a kan utz tubana' rik'in achi'el jun samajel richin chi q'ij.

Wuj Richin ri Miqueas 3:3

K'ari' niq'ej ri kibaqil, y niya' pa jun bojo'y. Y pa ruk'isibel, ye'itej.

Wuj Richin ri Nahum 3:14

Tinaba' k'a kan k'iy iya' richin nikoch' toq xtisutix-iwij; ke'ichojmirisaj ri jay richin tobel. Kixok k'a chupan ri ch'abeq y tixeq'a' jebel richin niben ri xan, keri' ye'ito' ri tz'aq richin tobel.

Wuj Richin ri Q'axanri'il 20:15

Rat awetaman chi ri qati't-qamama' xebe-qa k'a pan Egipto, y xojk'oje' chiri' janila k'iy juna'. Awetaman chuqa' chi ri winaqi' aj chiri' kan janila xojkiya' pa tijoj-poqonal roj, kan achi'el chuqa' xkiben-el kik'in ri qati't-qamama';

Hechos 7:19

Y re k'ak'a' rey re' kan nowineq k'a chubanik ri etzelal chike ri qawinaq judío. Xuben k'a chike chi xkik'owisaj tijoj-poqonal ri qati't-qamama', toq kan xuben chike chi ri kalk'ual xa k'a kalaxik xebetorix kan, roma kan xrajo' chi man ta xek'iyer.

Hechos 7:34

Wakami yatinteq k'a el pan Egipto, chukolik ri nutinamit, roma nintz'et k'a chi janila tijoj-poqonal nikik'owisaj, y wak'axan chuqa' ri oq'ej ri nikiben, y jare' k'a xiqaqa-pe chikikolik, xcha' ri ajaw chire ri Moisés.

Deut 26:6

Jak'a ri aj-Egipto janila xekiya' pa tijoj-poqonal. Kan janila xekiya' pa tijoj-poqonal y pan ilinri'il.

Deut 4:20

Jak'a ri Jehová xelesan-pe qichin pan Egipto akuchi xqatej-wi janila poqon, achi'el xa ta xojk'oje' pa jun horno, richin chi xojok rutinamit rija', achi'el re wakami.

Wuj Richin ri Rut 1:20

Jak'a rija' xubij chike: Man tibij chik Noemí chuwe; más utz nibij Mará chuwe,*f1* roma ja bi'aj re' ri más ruk'amon chuwe yin, roma ri Dios ri k'o ronojel uchuq'a' pa ruq'a', xuya' jun k'ayilej k'aslen chuwe.