Ester 9:3 - Kaqchiquel Bible

³ Y konojel k'a tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri nima'q taq ruwach'ulew xa xjunamatej-kiwech kik'in ri winaqi' judío richin xekito', roma xkik'en rukiy ri Mardoqueo,

Ester 9:3 ပူးပေါင်းရင်းမြစ်များ

Wuj Richin ri Esdras 8:36

Y xkijech k'a ri pixa' ri ruya'on-pe ri rey chiqe, y xkijech chike ri aj-raqen y chike ri yeq'aton-tzij pa ruwi' ri ruwach'ulew ri k'o pa qajbel-q'ij chire ri raqen-ya' Éufrates. Y rije' kan xeto'on qik'in y rik'in ri rachoch ri Dios.

Dn 3:2

Toq xk'achoj ri paban wachibel ri', ri Nabucodonosor xuteq koyoxik ri e rusamajela', ri e aj-raqen pa kiwi' ri aj-labal, ri e q'atoy taq tzij ri ek'o pa ruwi' ri e nima'q taq tinamit, ri e yakol méro, ri pixabanela', ri to'onela' y konojel ri ek'o pa taq q'atbel-tzij chupan chijun ri ruwach'ulew Babilonia, richin nikinimaq'ijuj ri wachibel ri xuteq rubanik.

Ester 8:9

Xeri' xe'oyox konojel ri tz'ibanela' richin ri rey chupan ri q'ij juwineq oxi', richin ri rox ik', ri nibix Siwan chire. Y ronojel ri ruchojmilal ri xuya' ri Mardoqueo, xtz'ibatej-el chike ri judío, konojel ri tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri 127 nima'q taq ruwach'ulew; ri nitiker-el pa relebel-q'ij chire ri ruwach'ulew India, y napon k'a pa qajbel-q'ij chire ri ruwach'ulew Etiopía. Y xtz'ibex-el pa ronojel ch'abel, y xetaqalox-el chike konojel ri tinamit ri'.

Ester 8:5

y xubij: Wi yin wilon utzil awik'in, y wi rat niqa' chawech, y wi pa ruchojmilal nawak'axaj ri ninbij, y wi kan qitzij yinawajo'; tatz'ibaj k'a el jun wuj y tabij-el chupan chi tiyoj ri rubanon kan ri Amán ri ruk'ajol ri Hamedata, y rijatzul kan ri Agag. Roma rija' xutz'ibaj kan jun wuj y xubij kan chupan richin yojruk'is qonojel roj ri oj judío, ri ojk'o pa taq tinamit chire ri ruwach'ulew ri ek'o chuxe' ri aq'atbel-tzij rat rey.

Ester 3:12

Y chupan k'a ri q'ij oxlajuj chire ri nabey ik' richin ri juna', xe'oyox konojel ri tz'ibanela' richin ri rey, richin xkitz'ibaj ronojel ri xubij ri Amán. Y re jun pixa' re' xtz'ibatej pa ronojel ch'abel, richin nitaq pa ronojel tinamit chupan chijun ruwach'ulew ri k'o pa ruq'a' ri Asuero. Y xtz'ibex-el pa rubi' ri rey; xtz'apex-el-rij ri wuj rik'in ri retal ri ruq'atbal-tzij ri k'o chuwi-ruq'a' ri rey. Y ri wuj ri' xjach k'a el chike ri nima'q taq rusamajela' ri rey, chike ri e aj-raqen pa kiwi' ri aj-labal y chike ri e tata'al kichin ri tinamit richin ri ruwach'ulew ri'.

Wuj Richin ri Esdras 2:2

Y ja kibi' re' ri e aj-raqen: Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm y ri Baaná. Jare' k'a ri kajlabal ri aj pa kachoch richin ri tinamit Israel ri xetzolin:

Ester 8:17

Ri rutzijol ri' xapon pa ronojel nima'q taq ruwach'ulew, y ronojel ri tinamit, y roma ri' ri winaqi' judío kan janila xekikot, y xekibanala' nima'q taq wa'in y xenimaq'ijun. Y chirij re' e k'iy winaqi' ri man e judío ta xa xjunamatej-kiwech kik'in ri judío, roma rije' kan k'o-wi kikiy.