Ester 9:22 - Kaqchiquel Bible

²² Y ri q'ij ri', jari' toq ri judío xekik'is konojel ri e etzelanel kichin. Ri ik' ri' kan richin k'a bis, raqoj-chi'ij y q'axo'n; jak'a pa ruk'exel ri' xa xok ik' richin kikoten y richin nimaq'ij toq xekibanala' nima'q taq wa'in, xesipalon chikiwech-qa rije', y chuqa' xekiyala' sipanik chike ri man jun k'o kik'in.

Ester 9:22 ပူးပေါင်းရင်းမြစ်များ

Ester 9:19

Konojel ri ch'aqa' chik judío ri ek'o pa ronojel tinamit y ri kokoj taq tinamit ri man e sutin ta kij chi tz'aq, rije' yenimaq'ijun ri q'ij kajlajuj chire ri ik' Adar. Rik'in janila kikoten xenimaq'ijun; xkibanala' nima-wa'in y xesipalon chikiwech rije'.

Ester 9:21

Y xubij-el, chi konojel ri judío k'o chi nikinimaq'ijuj ri q'ij kajlajuj y wolajuj chire ri ik' Adar ronojel juna'.

Ester 9:23

Y ri winaqi' judío kan xkiben k'a achi'el ri xutz'ibaj ri Mardoqueo.

Wuj Richin Bix Chire ri Dios 103:2

Yin kan jantape' xtinnimirisaj ruq'ij ri Jehová. Kan man xtinmestaj ta k'a ri rutzil ri ruya'on pa nuwi'.

Wuj Richin Bix Chire ri Dios 149:7

richin niben ruk'exel chike ri winaqi' ri man nikitzeqelibej ta ri Dios, richin niya' rutojbalil-mak chike ri winaqi' ri';

Wuj Richin Bix Chire ri Dios 30:11

Ri nuq'axo'n kan xajel k'a rik'in kikoten; xawelesaj k'a ri janila bis chuwij y xinanojisaj rik'in kikoten.

Wuj Richin Bix Chire ri Dios 30:12

Roma ri' Jehová nu-Dios, kan xtinbixaj k'a ri abi'. Man yitikir ta k'a yik'oje-qa chaq keri' chi man jun xtinbij. Xa kan xtinya' k'a aq'ij y xkimatioxin chawe richin jantape'.

Wuj Richin Bix Chire ri Dios 37:15

Jak'a ri ki-espada xa chikij chik rije' xtuch'ik-wi-ri', y chijun k'a ri rute-ch'ab kan xkeq'aj.

Wuj Richin ri Isaías 14:3

Nuwinaq israelita, toq ri Jehová xtuben chiwe chi yixuxlan chire ri tijoj-poqonal, ri ruk'ayewal y ri ximonri'il ri ixk'o-wi,

Wuj Richin ri Zacarías 8:19

Toq rix yixmewayin pa rukaj ik', pa ro', pa ruwuq y pa lajuj ik', kan xtok k'a jun nimaq'ij richin janila kikoten chi'ikojolil rix. Roma ri' k'o chi niwajo-iwi' chiwech-qa rix, y tik'oje' uxlanenri'il chi'ikojol.

San Mateo 5:4

Jebel ruwa-kiq'ij ri ye'oq' wakami, roma rije' kan xtibekuqubex kik'u'x.

San Lucas 11:41

Rix toq k'o niya' chike ri man jun k'o kik'in, k'o chi nalex-pe rik'in jun iwánima ch'ajch'oj, richin keri' chuwech ri Dios ronojel ch'ajch'oj.

Gálatas 2:10

Xaxe k'a xkichilabej-pe chiqe chi kan ke'oqaqa chiqak'u'x ri man jun k'o kik'in ri ek'o pa Jerusalem. Y jari' ri nintej nuq'ij ninben.

Deut 15:7

Wi k'o ta jun chike ri iwinaq ri kan man jun k'o rik'in, ri k'o chupan ri tinamit ri xtuya' ri Jehová ri qa-Dios chiwe, rix kan man tikowirisaj ri iwánima richin nito'. Xa kan tiya' k'a ri k'atzinel chire;

Deut 16:14

Y kan kixkikot k'a chupan ri nimaq'ij, toq yixuxlan y niya' ruq'ij ri Dios; rix, ri iwalk'ual, ri isamajela', ri e levita, ri winaqi' ri man e iwinaq ta, ri meba'i' y ri malkani' ri ek'o chupan ri iruwach'ulew.

Deut 16:15

Wuqu' k'a q'ij xkixnimaq'ijun richin niya' ruq'ij-ruk'ojlen ri Jehová ri qa-Dios chiri' akuchi rucha'on-wi rija', roma kan xtuya' urtisanik pan iwi' rik'in ronojel ri itiko'n y pa ruwi' ronojel ri samaj ri xtiben. Kan xkixnimaq'ijun rik'in janila kikoten.

Apocalipsis 11:10

Y ri winaqi' ri' xkekikot janila roma ri e ka'i' ri xeken yan. Y roma ri kikikoten janila, kan xkekibanala' k'a sipanik chikiwech-qa rije', roma kan xek'ayewatej pa kiq'a' ri e ka'i' q'alajirisey ruch'abel ri Dios.

1 Sam 25:8

Tak'utuj na pe chike ri asamajela', y rije' xkebin chawe. Wakami k'a, ja q'ij re' richin nimaq'ij y roma ri' tabana' k'a pe utzil chike re alaboni' re'. Xtaya' ta pe chike rije' ri nink'utuj-el chawe. Ri achike ta k'o awik'in richin nitij, xtasipaj ta pe juba' chiqe, xcha-el ri David.