Ester 9:21 - Kaqchiquel Bible

²¹ Y xubij-el, chi konojel ri judío k'o chi nikinimaq'ijuj ri q'ij kajlajuj y wolajuj chire ri ik' Adar ronojel juna'.

Ester 9:21 ပူးပေါင်းရင်းမြစ်များ

Wuj Richin ri Esdras 6:15

Re jay re' xk'achoj pa rox q'ij richin ri ik' Adar chupan ri juna' waqi' richin ri ruq'atoj-tzij ri rey Darío.

Ester 3:7

K'o k'a jun q'ij chupan ri juna' kablajuj chire ri q'atbel-tzij richin ri rey Asuero, chupan ri nabey ik', ri nibix Nisán chire, chi ri Amán xuben jun sakinik*f3* richin nutz'et ri q'ij y ri ik' ri xtiberubana' ri ruch'obon pa kiwi' ri judío. Y xq'alajin k'a chi ja ri q'ij oxlajuj chire ri ik' kablajuj ri nibix Adar chire.

Ester 9:18

Jak'a ri judío ri ek'o chiri' pa Susa, rije' xkimol-ki' ri q'ij oxlajuj y kajlajuj, richin xekikamisaj ri e etzelanel kichin, y k'a ja ri q'ij wolajuj ri xe'uxlan y xenimaq'ijun y kan janila xekikot.

Ester 9:20

Ri Mardoqueo xutz'ibaj k'a el ronojel re' chuwech jun wuj, y xutaqala-el chike konojel ri ruwinaq ri ek'o pa nima'q taq ruwach'ulew ri ek'o pa ruq'a' ri rey Asuero.

Ester 9:22

Y ri q'ij ri', jari' toq ri judío xekik'is konojel ri e etzelanel kichin. Ri ik' ri' kan richin k'a bis, raqoj-chi'ij y q'axo'n; jak'a pa ruk'exel ri' xa xok ik' richin kikoten y richin nimaq'ij toq xekibanala' nima'q taq wa'in, xesipalon chikiwech-qa rije', y chuqa' xekiyala' sipanik chike ri man jun k'o kik'in.

Ester 9:27

ri winaqi' judío xkijikiba' ri nimaq'ij ri'. Y xkiya' kitzij chi keri' xtikiben chi wiq chi tanaj, y kan keri' chuqa' ri winaqi' ri ek'o chikikojol ri xe'ok kiwinaq rije'. Y ri nimaq'ij ri' kan ja ri q'ij kajlajuj y wolajuj chire ri ik' Adar ri nikinimaq'ijuj.

Ester 9:29

Chirij ri' ri reina Ester, rumi'al kan ri Abihail, xutz'ibaj jun ruka'n wuj richin nujikiba' ri ruchojmilal ri nubij chupan ri nabey wuj pa ruwi' ri nimaq'ij Purim. Y ri Mardoqueo kan xuto' k'a chubanik re wuj re'.