Ester 9:20 - Kaqchiquel Bible

²⁰ Ri Mardoqueo xutz'ibaj k'a el ronojel re' chuwech jun wuj, y xutaqala-el chike konojel ri ruwinaq ri ek'o pa nima'q taq ruwach'ulew ri ek'o pa ruq'a' ri rey Asuero.

Ester 9:20 ပူးပေါင်းရင်းမြစ်များ

1 Crón 16:12

Kan toqaqa k'a chiqak'u'x ronojel ri meyel taq rubanobal ri rubanon qik'in, Man tiqamestaj ri rubanobal ri xaxe qik'in roj xuben-wi. Kan toqaqa k'a chiqak'u'x ri ruchojmilal ri rubin chiqe.

Ester 1:1

Xk'oje' k'a jun achin rubini'an Asuero, ri xok rey pa ruwi' k'iy ruwach'ulew ri xubini'aj Medo-Persia, ri k'o 127 nima'q taq ruwach'ulew chupan. Y nitiker-pe pa relebel-q'ij rik'in ri ruwach'ulew India y ri pa qajbel-q'ij napon k'a pa ruwach'ulew Etiopía.

Ester 1:22

Ri rey xubij k'a el chupan ri wuj ri xutz'ibaj chi konojel achi'a' kan kow kepa'e' pa kiwi' ri e aj pa kachoch. Re wuj re' xtz'ibex k'a pa kich'abel ronojel tinamit richin ri ruwach'ulew Medo-Persia, richin keri' konojel niq'ax chikiwech; y re wuj re' xetaqalox k'a pa ronojel taq tinamit.

Ester 3:12

Y chupan k'a ri q'ij oxlajuj chire ri nabey ik' richin ri juna', xe'oyox konojel ri tz'ibanela' richin ri rey, richin xkitz'ibaj ronojel ri xubij ri Amán. Y re jun pixa' re' xtz'ibatej pa ronojel ch'abel, richin nitaq pa ronojel tinamit chupan chijun ruwach'ulew ri k'o pa ruq'a' ri Asuero. Y xtz'ibex-el pa rubi' ri rey; xtz'apex-el-rij ri wuj rik'in ri retal ri ruq'atbal-tzij ri k'o chuwi-ruq'a' ri rey. Y ri wuj ri' xjach k'a el chike ri nima'q taq rusamajela' ri rey, chike ri e aj-raqen pa kiwi' ri aj-labal y chike ri e tata'al kichin ri tinamit richin ri ruwach'ulew ri'.

Ester 8:9

Xeri' xe'oyox konojel ri tz'ibanela' richin ri rey chupan ri q'ij juwineq oxi', richin ri rox ik', ri nibix Siwan chire. Y ronojel ri ruchojmilal ri xuya' ri Mardoqueo, xtz'ibatej-el chike ri judío, konojel ri tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri 127 nima'q taq ruwach'ulew; ri nitiker-el pa relebel-q'ij chire ri ruwach'ulew India, y napon k'a pa qajbel-q'ij chire ri ruwach'ulew Etiopía. Y xtz'ibex-el pa ronojel ch'abel, y xetaqalox-el chike konojel ri tinamit ri'.

Ester 9:19

Konojel ri ch'aqa' chik judío ri ek'o pa ronojel tinamit y ri kokoj taq tinamit ri man e sutin ta kij chi tz'aq, rije' yenimaq'ijun ri q'ij kajlajuj chire ri ik' Adar. Rik'in janila kikoten xenimaq'ijun; xkibanala' nima-wa'in y xesipalon chikiwech rije'.

Ester 9:21

Y xubij-el, chi konojel ri judío k'o chi nikinimaq'ijuj ri q'ij kajlajuj y wolajuj chire ri ik' Adar ronojel juna'.

Ester 9:26

Ri q'ij toq xenimaq'ijun rubini'an Purim. Re bi'aj re' peteneq rik'in ri ch'abel Pur, ri nel chi tzij sakinik. Roma ronojel ri xubij ri wuj ri xutz'ibaj ri Mardoqueo y ri xkitz'et ri ch'aqa' chik winaqi' judío, y ri xkiq'axaj rije',

Ester 9:27

ri winaqi' judío xkijikiba' ri nimaq'ij ri'. Y xkiya' kitzij chi keri' xtikiben chi wiq chi tanaj, y kan keri' chuqa' ri winaqi' ri ek'o chikikojol ri xe'ok kiwinaq rije'. Y ri nimaq'ij ri' kan ja ri q'ij kajlajuj y wolajuj chire ri ik' Adar ri nikinimaq'ijuj.

Ester 9:29

Chirij ri' ri reina Ester, rumi'al kan ri Abihail, xutz'ibaj jun ruka'n wuj richin nujikiba' ri ruchojmilal ri nubij chupan ri nabey wuj pa ruwi' ri nimaq'ij Purim. Y ri Mardoqueo kan xuto' k'a chubanik re wuj re'.

Ex 17:14

Y ri Jehová xubij chire ri Moisés: Tatz'ibaj ronojel re' chupan jun wuj richin natabel y tabij chire ri Josué chi yin kan xkenk'is jumul ri rijatzul kan ri Amalec richin man jun bey chik xkenatex, xcha' ri Jehová.

Wuj Richin ri Jeremías 29:1

Chirij re' yin xintz'ibaj-el jun wuj re wawe' pa Jerusalem richin xinteq-el chike ri aj-Judá ri e uk'uan-el roma ri Nabucodonosor rey richin ri ruwach'ulew Babilonia. Y ri xek'ulu ja ri achi'a' ri k'o kiq'ij, ri sacerdote, ri e q'alajirisey ruch'abel ri Dios y ri ch'aqa' chik winaqi'.