Ester 9:19 - Kaqchiquel Bible

¹⁹ Konojel ri ch'aqa' chik judío ri ek'o pa ronojel tinamit y ri kokoj taq tinamit ri man e sutin ta kij chi tz'aq, rije' yenimaq'ijun ri q'ij kajlajuj chire ri ik' Adar. Rik'in janila kikoten xenimaq'ijun; xkibanala' nima-wa'in y xesipalon chikiwech rije'.

Ester 9:19 ပူးပေါင်းရင်းမြစ်များ

Ester 8:17

Ri rutzijol ri' xapon pa ronojel nima'q taq ruwach'ulew, y ronojel ri tinamit, y roma ri' ri winaqi' judío kan janila xekikot, y xekibanala' nima'q taq wa'in y xenimaq'ijun. Y chirij re' e k'iy winaqi' ri man e judío ta xa xjunamatej-kiwech kik'in ri judío, roma rije' kan k'o-wi kikiy.

Ester 9:20

Ri Mardoqueo xutz'ibaj k'a el ronojel re' chuwech jun wuj, y xutaqala-el chike konojel ri ruwinaq ri ek'o pa nima'q taq ruwach'ulew ri ek'o pa ruq'a' ri rey Asuero.

Ester 9:22

Y ri q'ij ri', jari' toq ri judío xekik'is konojel ri e etzelanel kichin. Ri ik' ri' kan richin k'a bis, raqoj-chi'ij y q'axo'n; jak'a pa ruk'exel ri' xa xok ik' richin kikoten y richin nimaq'ij toq xekibanala' nima'q taq wa'in, xesipalon chikiwech-qa rije', y chuqa' xekiyala' sipanik chike ri man jun k'o kik'in.

Wuj Richin ri Zacarías 2:4

Y xubij k'a chire: Chi'anin ri' kabech'on rik'in la achin ri uk'uayon ri k'an y tabij chire chi ri Jerusalem man tikirel ta chi niya'ox tz'aq chirij, roma e janila chi winaqi' ek'o y janila chi awej.

San Lucas 11:41

Rix toq k'o niya' chike ri man jun k'o kik'in, k'o chi nalex-pe rik'in jun iwánima ch'ajch'oj, richin keri' chuwech ri Dios ronojel ch'ajch'oj.

Deut 15:7

Wi k'o ta jun chike ri iwinaq ri kan man jun k'o rik'in, ri k'o chupan ri tinamit ri xtuya' ri Jehová ri qa-Dios chiwe, rix kan man tikowirisaj ri iwánima richin nito'. Xa kan tiya' k'a ri k'atzinel chire;

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

Deut 16:14

Y kan kixkikot k'a chupan ri nimaq'ij, toq yixuxlan y niya' ruq'ij ri Dios; rix, ri iwalk'ual, ri isamajela', ri e levita, ri winaqi' ri man e iwinaq ta, ri meba'i' y ri malkani' ri ek'o chupan ri iruwach'ulew.

Deut 3:5

Ronojel k'a re tinamit re' e sutin-kij rik'in nimaq taq tz'aq, ri kichi' kan jebel e tz'apen y kan e q'ebalon ch'ich' chirij. Ek'o chuqa' ch'aqa' chik tinamit ri man xe'ajlex ta, y man e sutin ta kij chi tz'aq.

Apocalipsis 11:10

Y ri winaqi' ri' xkekikot janila roma ri e ka'i' ri xeken yan. Y roma ri kikikoten janila, kan xkekibanala' k'a sipanik chikiwech-qa rije', roma kan xek'ayewatej pa kiq'a' ri e ka'i' q'alajirisey ruch'abel ri Dios.

1 Sam 25:8

Tak'utuj na pe chike ri asamajela', y rije' xkebin chawe. Wakami k'a, ja q'ij re' richin nimaq'ij y roma ri' tabana' k'a pe utzil chike re alaboni' re'. Xtaya' ta pe chike rije' ri nink'utuj-el chawe. Ri achike ta k'o awik'in richin nitij, xtasipaj ta pe juba' chiqe, xcha-el ri David.