Ester 9:18 - Kaqchiquel Bible

¹⁸ Jak'a ri judío ri ek'o chiri' pa Susa, rije' xkimol-ki' ri q'ij oxlajuj y kajlajuj, richin xekikamisaj ri e etzelanel kichin, y k'a ja ri q'ij wolajuj ri xe'uxlan y xenimaq'ijun y kan janila xekikot.

Ester 9:18 ပူးပေါင်းရင်းမြစ်များ

Ester 8:11

Chupan ri wuj ri', nubij chi ri rey xuya' q'ij chike ri judío chi xabakuchi ek'o-wi, tikimolo-ki' richin nikito-ki' y keyakatej chikij ri winaqi' ri nikajo' yekamisan kichin. Xuya' k'a q'ij chi kekikamisaj ri winaqi' ri'; chi achi'a', chi ixoqi' y chi ak'uala'; y tikiwulaj ri kitinamit. Y ja ri judío ri kek'oje' kan pa ruwi' ri kibeyomel ri winaqi' ri'.

Ester 9:1

Keri', xapon ri q'ij oxlajuj chire ri ik' Adar, y jari' toq k'o chi nibanatej ri pixa' ri ruya'on kan ri Amán pa rubi' ri rey pa kiwi' ri winaqi' judío, toq ri e etzelanel kichin ri judío koyoben chi ja rije' yek'oje' pa kiwi'; jak'a xa man keri' ta xbanatej, roma xa ja ri judío ri xek'oje' kan pa kiwi' rije'.

Ester 9:11

Y chupan k'a ri q'ij ri', xq'alajirisex chuwech ri rey ri kajlabal ri kaminaqi' chiri' pa Susa.

Ester 9:13

Y ri reina Ester xubij: Wi kan wilon utzil awik'in, taya' k'a q'ij chike ri nuwinaq richin chua'q xkekitzeqeba' ri kich'akul ri e lajuj ruk'ajol kan ri Amán, xcha'.

Ester 9:15

Chuqa' chupan ri q'ij kajlajuj chire ri ik' Adar, ri judío ri ek'o chiri' pa Susa xkimol chik k'a ki', y xekikamisaj chik e 300 achi'a', jak'a ri beyomel kan man xkik'uaj ta.

Ester 9:2

Konojel ri winaqi' judío xkimol k'a ki' pa taq kitinamit chupan ronojel ri nima'q taq ruwach'ulew ri ek'o pa ruq'a' ri rey Asuero, richin nikiben oyowal kik'in ri e etzelanel kichin. Y kan man jun k'a ri nitikir ta nupaba-ri' chikiwech rije', roma ri xibinri'il xapon yan kik'in ri winaqi' ri man e judío ta.

Ester 9:21

Y xubij-el, chi konojel ri judío k'o chi nikinimaq'ijuj ri q'ij kajlajuj y wolajuj chire ri ik' Adar ronojel juna'.