Ester 8:3 - Kaqchiquel Bible

³ Chirij ri', ri Ester xapon chik jun bey rik'in ri rey, y xuqasaj-qa-ri' k'a chiraqen, y kan janila k'a xoq' chuwech y xuk'utuj utzil chire richin tuyojo' ri rubanon kan ri Amán, ri etzelanel kichin ri ruwinaq judío.

Ester 8:3 ပူးပေါင်းရင်းမြစ်များ

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

Os 12:4

Xuchuq-ri' rik'in ri ángel y xch'akon chirij, xoq' y xuk'utuj utzil chi tijoyowex ruwech. Chiri' k'a pa Betel xilitej-wi roma ri Dios, y kan xtzijon k'a rik'in ri chiri'.

Wuj Richin ri Isaías 38:2

Toq ri Ezequías kotz'ol chik, kan xtzu'un-apo ri chuwa-xan, y xch'on rik'in ri Jehová,

Ester 7:4

roma yin y ri nuwinaq xa kan oj k'ayin chik richin yojbeken y xqojk'is jumul. Wi ta xojk'ayix richin yojyuqe' pa samaj chi achi'a' chi ixoqi', man ta yich'on; jak'a re wakami, xa xqojbek'is, y re' kan man ruk'amon ta k'a chi keri' nibanatej, roma xa xtuben chi xtiwuluwu' ri awajawaren rat, xcha'.

2 Rey 4:27

Toq xe'apon chiri' pa juyu' Carmelo, ri ixoq xxuke-qa y xuq'etej ri raqen ri Eliseo. Y ri Guehazí xjel-apo richin nrelesaj-pe chiri' ri ixoq, jak'a ri Eliseo xubij chire: Taya' kan, roma rija' kan niq'axon ránima, y ri Jehová man ruq'alajirisan ta chinuwech achike roma kela' rubanon, xcha'.

1 Sam 25:24

K'ari' xjel-apo chiraqen y xubij chire: Wajaw, kan pa nuwi' ta k'a yin xtiqaqa-wi ronojel re mak re'; taya' q'ij richin yich'on awik'in y kan xtawak'axaj ta k'a ronojel ri xtinbij chawe yin ri in asamajel.

Ester 3:1

K'o k'a jun achin rubini'an Amán, ruk'ajol ri Hamedata, y rijatzul kan ri Agag. Y ri rey Asuero kan xuya' janila rejqalen ri Amán, y xuben chire chi ja rija' xok más nim pa kiwi' konojel ri e aj-raqen richin chijun ri ruwach'ulew ri k'o pa ruq'a' ri rey.

Ester 8:2

K'ari' ri rey xuya' chire ri Mardoqueo ri retz'aba'l ruwi-ruq'a' ri richin kan ri Amán. Chuqa' ri Ester xujech pa ruq'a' ri rachoch kan ri Amán richin chi ja rija' ri nik'oje' pa ruwi'.

Ester 8:4

Ri rey xuya' k'a apo ri rutza'n ri ru-cetro chire ri Ester, y roma ri' rija' xyakatej-q'anej richin xpa'e' chuwech ri rey,