Ester 8:16 - Kaqchiquel Bible

¹⁶ Y ri winaqi' judío kan janila k'a kikoten y nim ruwaq'ijaj y ch'uch'ujil ri xuk'en-pe chike.

Ester 8:16 ပူးပေါင်းရင်းမြစ်များ

Wuj Richin Bix Chire ri Dios 97:11

Ri saqil kan yerusaqirisaj k'a ri choj kik'aslen. Y nuya' kikoten chike ri kan choj kánima.

Wuj Richin Etamabel-Tzij 11:10

Ri kojol-jay richin ri tinamit k'o kikoten, toq ri choj kik'aslen yebe pa jotol, y chuqa' kan k'o kikoten toq ri e banoy etzelal yebe pa xulan.

Wuj Richin Bix Chire ri Dios 18:28

Ja rat Jehová ri yasaqirisan ri nubey. Rat k'a yasaqirisan chupan ri q'equ'm.

Wuj Richin ri Isaías 35:10

Ri xketzolin-pe, ja ri winaqi' ri xkerukol-pe ri Jehová. Y rije' rik'in bix xke'ok-apo chupan ri tinamit Sión. Jantape' xkek'oje' rik'in kikoten, y kan xtikil utz k'aslen. Y chuqa' kan xtik'is ri bis y ri oq'ej.

Wuj Richin Bix Chire ri Dios 112:4

Nisaqirisan k'a pe jun q'aq' pa q'equ'm chikiwech ri winaqi' choj kik'aslen, chikiwech ri kan e joyowanel, e koch'onel y kan choj ri kik'aslen.

Ester 4:16

tibe kik'in konojel ri kiwinaq ri ek'o chiri' pa Susa, y tubij chike chi kemewayin oxi' q'ij y oxi' aq'a'. Y kan keri' chuqa' xtuben rija' y ri xtani' ri ek'o rik'in. Chirij k'a re', k'ari' xtibe richin niberutz'eta' ri rey, stape' xtuq'ej ruwi' ri pixa'. Y chuqa' ri Ester xubij: Wi xkiken, kan xkiken k'ari', xcha'.

Wuj Richin Bix Chire ri Dios 118:27

Ri Jehová kan jari' ri Dios, kan ruya'on k'a ri saqil pa qawi'. Roma ri' rix tik'ama-pe ruq'a' taq che' richin nitikeriba-q'anej ri nimaq'ij, y kixanpe k'a rik'in ri porobel.

Wuj Richin Bix Chire ri Dios 30:12

Roma ri' Jehová nu-Dios, kan xtinbixaj k'a ri abi'. Man yitikir ta k'a yik'oje-qa chaq keri' chi man jun xtinbij. Xa kan xtinya' k'a aq'ij y xkimatioxin chawe richin jantape'.

Wuj Richin Etamabel-Tzij 28:12

Toq ri winaqi' e choj nik'oje-q'anej kik'ojlen, kan k'o nimaq'ij chikiwech ri winaqi'; jak'a toq xa ja ri winaqi' e itzel ri nik'oje' kik'ojlen, ri winaqi' xa nibekewaj-ki'.