Ester 8:15 - Kaqchiquel Bible

¹⁵ Ri Mardoqueo xel k'a pe pa rachoch ri rey, rukusan-pe rutziaq ri nikikusaj ri rey y ri nitzu'un ri tzieq raxroj y seq, y ruq'un jun ko'ol raqen tzieq ri banon rik'in lino q'eQ'oj nitzu'un, y chuqa' rukusan jun jebelej corona ri banon rik'in q'anapueq. Y konojel k'a ri winaqi' ri ek'o chiri' pa Susa xkireq k'a kichi' roma kikoten.

Ester 8:15 ပူးပေါင်းရင်းမြစ်များ

Wuj Richin ri Rutikeribel 41:42

jari' toq xrelesaj ri retz'aba'l ruwi' ruq'a' ri retal q'atbel-tzij y xuya' chuwi-ruq'a' ri José. K'ari' xubij richin tikijala' ri rutziaq, y tikiya' ri tzieq ri banon rik'in lino ri más utz chire, chuqa' tikiya' jun ichinaj chuqul ri banon rik'in q'anapueq.

Ester 1:6

Xuwiq k'a ri ruwech ri ruwa-jay rik'in peraj tzieq, seq, rex y raxroj ri kan janila jebel yetzu'un. Y ri peraj tzieq ri' e tzeqel rik'in argolla ri e banon rik'in saqipueq chuwech kolo' ri e banon rik'in lino q'eqq'oj-keq nitzu'un. Y ri kolo' ri' e ximil chikiwech ri pilar ri ek'o chiri'. Y ri pilar e banon rik'in abej mármol. Chuqa' ri ch'aket ri ek'o chiri' ronojel e banon rik'in q'anapueq y saqipueq. Ri ruwa-jay banon rik'in tz'ajtz'eq abej, ri banon rik'in mármol seq, y rik'in ch'aqa' chik jalajoj ruwech jebejoj taq abej keq, seq y raxroj yetzu'un.

Ester 10:2

Ronojel ri xuben ri Asuero rik'in ri ruchuq'a' ri ruq'atbal-tzij y ri runimirinen, y keri' chuqa' ri ruruwaq'ijaj ri Mardoqueo ri xya'ox chire roma ri rey, ronojel re' xtz'ibatej kan chupan ri wuj ri akuchi e tz'ibatel-wi ri e banatajineq chupan ri ruwach'ulew Medo-Persia.

Ester 3:15

Y chi'anin k'a xetalux ri wuj ri' pa ronojel tinamit. Y chuqa' chiri' pa tinamit Susa, ri rey xutaluj rutzijol. Chirij ri' ri rey y ri Amán xetz'uye' richin xenimaq'ijun; jak'a ri winaqi' richin ri tinamit Susa xa xsach kik'u'x.

Ester 5:1

Toq xq'ax yan k'a ri oxi' q'ij, ri Ester kan xukusaj k'a el ri jebelej rutziaq, y xok k'a apo pa ruwa-jay chire ri rachoch ri rey. Y xpa'e-apo pa ruchojmilal ri ruchi' ri jay ri akuchi tz'uyul-wi richin ta chi ri Asuero nutz'et-pe.

Ester 5:11

Y xuchop k'a nunimirisaj-ri' chikiwech. Xuchol ronojel ri beyomel k'o rik'in, y ri janila chi ralk'ual ri ek'o. Chuqa' xutzijoj chike ri ruwaq'ijaj ri ruya'on ri rey chire, y chi xaxe rija' ri más nim ruq'ij chikikojol ri e tata'al y ri ch'aqa' chik rusamajela' ri rey.

Ester 6:11

Ri Amán xberuk'ama' k'a pe ri tzieq y xujel-el ri Mardoqueo. Chuqa' xberuk'ama-pe ri kiej y xuch'okoba-el chirij, y k'ari' xuyuqej-el ri kiej richin xebe chupan ri nima-ruwech bey richin molojri'il. Y nisik'in k'a beneq, y nubij: Kere' niban chire ri achin ri ninimirisex ruq'ij roma ri rey, nicha'.

Ester 6:8

ruk'amon chi nik'amer-pe ri tzieq ri nakusaj rat y ri kiej ri nach'okolibej. Y keri' chuqa' tik'amer-pe ri a-corona richin niya'ox-el pa rujolon ri achin ri'.

Ester 8:14

Ri e ya'ol rutzijol xekich'okolibej-el kiej ri janila yebiyin richin chi'anin xkik'uaj-el ri utzilej rutzijol ri xuya-el ri rey, y re' xtalutej chupan chijun ri tinamit Susa.

Wuj Richin Etamabel-Tzij 11:10

Ri kojol-jay richin ri tinamit k'o kikoten, toq ri choj kik'aslen yebe pa jotol, y chuqa' kan k'o kikoten toq ri e banoy etzelal yebe pa xulan.

Wuj Richin Etamabel-Tzij 28:12

Toq ri winaqi' e choj nik'oje-q'anej kik'ojlen, kan k'o nimaq'ij chikiwech ri winaqi'; jak'a toq xa ja ri winaqi' e itzel ri nik'oje' kik'ojlen, ri winaqi' xa nibekewaj-ki'.

Wuj Richin Etamabel-Tzij 29:2

Toq kan ja ri winaqi' e utz ri nik'oje-q'anej kik'ojlen richin yeq'aton-tzij, ri winaqi' yekikot, jak'a toq xa ja ri winaqi' e itzel ri yeq'aton-tzij pa kiwi', konojel ri winaqi' nikitej poqon.

San Mateo 11:8

Ri xibetz'eta' rix xa jun achin ri xa man jebelej ta taq tzieq ri e rukusan, roma ri achi'a' ri e kikusalon jebelej taq tzieq, kan pa taq kachoch ri e rey ek'o-wi.

San Mateo 6:29

Y rix iwetaman achike xuben ri Salomón ri ojer kan. Rija' kan xuwiq k'a ri' rik'in jebelej taq tzieq, jak'a kan man jun bey xk'oje' ta jun rutziaq jebel achi'el titzu'un ri kotz'i'j lirio.

San Lucas 16:19

Ri Jesús xubij k'a: Xk'oje' k'a jun achin ri janila beyom. Rija' ruyon k'a jebel taq tzieq ri jotol kajel ri yerukusala', y q'ij-q'ij nubanala' nima'q taq wa'in.