Ester 8:13 - Kaqchiquel Bible

¹³ Re jun wuj re' kan xq'alajirisex k'a chi kan jun pixa' ri xuya' ri rey, y xtitalux pa ronojel tinamit y ronojel nima'q taq ruwach'ulew, richin keri' ri winaqi' judío xtikinaba-ki' ri q'ij ri' richin yeyakatej chikij ri etzelanel kichin.

Ester 8:13 ပူးပေါင်းရင်းမြစ်များ

Apocalipsis 6:10

Y rije' kan rik'in uchuq'a' nikibij: Loq'olej y qitzij qajaw, ¿k'a jampe' k'a xtaq'et-tzij pa kiwi' ri winaqi' ri ek'o chuwech ri ruwach'ulew? ¿K'a jampe' k'a xtaya' ruk'exel chike roma ri qakamik?, yecha'.

Ester 3:14

Y kan k'iy k'a wuj ri keri' nubij ri xban richin xtalux rutzijol chupan chijun ri ruwach'ulew ri', richin chi konojel tikinaba-ki' toq xtapon ri q'ij ri'.

San Lucas 18:7

K'a ta la' chik k'a ri Dios chi man ta xtuben ruchojmilal pa kiwi' ri winaqi' ri e rucha'on chik rija' ri chi paq'ij chi chaq'a' yech'on rik'in. ¿Man chi'anin ta kami xkeruto-pe?

Wuj Richin Bix Chire ri Dios 68:23

richin chi xtikipalibej ri kikik'el ri e etzelanel kichin, y re kik' re' kan xtikireq' chuqa' ri tz'i'.

Wuj Kichin ri To'onela' 16:28

Y ri Sansón xch'on k'a rik'in ri Dios, y xubij: Ajaw Jehová, xaxe ta chik k'a re jun bey re' xkinoqaqa ta chi'ak'u'x. Nink'utuj k'a utzil chawe richin taya' chik jun bey ri wuchuq'a', nu-Dios yin, richin chi jumul ninya' rutojbalil chike ri aj-Filistea roma xkelesaj ri runaq' taq nuwech, xcha'.

Ester 8:14

Ri e ya'ol rutzijol xekich'okolibej-el kiej ri janila yebiyin richin chi'anin xkik'uaj-el ri utzilej rutzijol ri xuya-el ri rey, y re' xtalutej chupan chijun ri tinamit Susa.