Ester 7:6 - Kaqchiquel Bible

⁶ Y ri Ester xubij: Ri etzelanel qichin ja re itzelej Amán, xcha'. Jari' toq ri Amán kan xpe jun nimalej xibinri'il chire chikiwech ri rey y ri reina.

Ester 7:6 ပူးပေါင်းရင်းမြစ်များ

Wuj Richin ri Nehemías 6:16

Y toq xkak'axaj konojel ri e etzelanel qichin y ri ch'aqa' chik winaqi' richin ri ruwach'ulew ri ek'o chiqanaqaj roj, xkixibij-ki' y xek'ixbitej, roma xketamaj chi ja ri qa-Dios xbanon re samaj re'.

Ester 3:10

K'ari' ri rey xrelesaj ri retal ri q'atbel-tzij chuwi-ruq'a', y xuya' chire ri etzelanel kichin ri judío; nel chi tzij ri Amán, ri ruk'ajol ri Hamedata, ri rijatzul kan ri Agag.

Ester 7:5

K'ari' ri rey Asuero xubij chire ri reina: ¿Achike k'a ri' y akuchi k'o-wi ri xch'obon-q'anej re jun itzel na'oj re'?, xcha'.

Ester 8:1

Chupan ri q'ij ri', ri rey Asuero xusipaj chire ri reina Ester ri rachoch ri ánima Amán, ri etzelanel kichin ri winaqi' judío. Y ri reina Ester xuq'alajirisaj k'a chuwech ri rey chi ri Mardoqueo y rija' kan kach'alal-ki', y roma ri' ri Mardoqueo xberuk'utu-ri' chuwech ri rey.

Wuj Richin Bix Chire ri Dios 27:2

Toq xkimol-ki' chuwij ri e etzelanel wichin richin nikajo' yinkich'ek y yinkikamisaj, jari' toq xkipajk'ij kaqen y xetzaq.

Wuj Richin Etamabel-Tzij 16:14

Toq kan royowal ri rey, jari' ri nibin chi kan k'o-wi ri xtuteq pa kamik ri q'ij ri'; jak'a ri wineq ri kan k'o runa'oj, nitikir nuben chi niqaqa ruwi' ri royowal ri rey.

Wuj Richin ri Molojri'il 5:8

Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'.

Wuj Richin ri Isaías 21:4

Kan sachineq nuk'u'x, y ri xibinri'il kan xuya' tew chuwij. Y ri chi'aq'a' ri kan janila woyoben richin yinuxlan, xa kan janila nink'en rukiy.

1 Corintios 5:13

Ri winaqi' ri man kikuquban ta kik'u'x rik'in ri Cristo, ja ri Dios ri niq'aton-tzij pa kiwi'. Jak'a ri qach'alal ri k'o chi'ikojol y najin chubanik ri etzelal, nik'atzin chi tiwelesaj-el chi'ikojol.

2 Tesalonicenses 2:8

jari' toq xtibek'ulun-pe ri itzel achin ri', jak'a ri ajaw Jesús xa xtuxupuj-el richin xtukamisaj, toq xtipe chik jun bey rik'in ri rusaqil ri ruk'ojlemal.

1 Sam 24:13

Achi'el nubij ri tzij; ri itzel taq banobel nel-pe kik'in ri maneq Dios chikiwech, y xa roma ri' yin man xtinjeluj ta ri nuq'a' chawij.