Ester 7:10 - Kaqchiquel Bible

¹⁰ Keri', ri Amán xtzeqebex k'a chutza'n ri che' ri', pa ruk'exel ri Mardoqueo. Y rik'in k'a ri' xik'o-qa ri royowal ri rey Asuero.

Ester 7:10 ပူးပေါင်းရင်းမြစ်များ

Wuj Richin ri Rutikeribel 40:22

Jak'a rik'in ri aj-raqen kichin ri yebanon kaxlan-wey, kan xbanatej achi'el ri xuq'alajirisaj ri José chire; kan xtzeqebex richin xjitz' chuqul.

Ester 2:1

Toq xq'ax yan k'a ronojel re', y ri royowal ri rey xk'is yan qa, jari' toq xoqaqa chuk'u'x ri reina Vasti y ri rubanobal, y chuqa' ri wuj ri xtz'ibex pa ruwi' rija'.

Ester 5:14

Xeri' ri Zeres y konojel ri rachibil xkibij chire: Tataqa' rubixik chi tipabex-q'anej jun che' richin nitzeqebex chikaj ri Mardoqueo, y ri che' ri' xtiban chire chi oxlajuj jaj rik'in jun q'a'aj ri rujotolen. Y chua'q nimaq'a', tak'utuj utzil chire ri rey chi titzeqebex ri Mardoqueo; richin keri' xkakikot chupan ri nima-wa'in rik'in ri rey, xecha'. Re jun na'oj re' kan xqa' chuwech ri Amán, y keri' k'a xuteq rubixik chi tiban.

Ester 7:7

K'ari' ri rey xyakatej-el chire ri nima-wa'in roma kan xyakatej janila royowal, y xbe akuchi e tikil-wi kotz'i'j chiri' chuwa-jay. Jak'a ri Amán xkanej kan richin nuk'utuj utzil chire ri reina, chi man nikamisex ta, roma retaman chik chi, ja ri kamik ri royoben.

Ester 7:8

Y toq ri rey xok chik apo chiri' akuchi najin-wi ri nima-wa'in, xutz'et chi ri Amán lukul-apo pa ruwi' ri tz'uyubel nim raqen y buyul ri akuchi nuxulan-wi ri reina Ester. Jari' toq xubij ri rey: ¿Nawajo' chuqa' yak'oje-qa rik'in ri reina re wawe' pa wachoch?, xcha'. Y toq ri rey xtane-qa chubixik re ch'abel re', kan jari' toq ri samajela' richin ri rey ri ek'o chiri' xkitz'apej rupalej ri Amán, retal chi nibeken.

Ester 8:7

Ri rey Asuero xubij k'a chire ri reina Ester y chuqa' chire ri Mardoqueo: Yin xinya' chawe rat Ester, ri rachoch kan ri Amán. Chuqa' yin xinbij chi xtzeqebex ri Amán roma xrajo' xujeluj ruq'a' pan iwi' rix judío.

Ester 9:14

Ri rey xubij k'a chi keri' tibanatej. Xuteq k'a rubixik chi ketzeqebex ri kich'akul ri e lajuj ruk'ajol kan ri Amán chiri' pa Susa. Y kan keri' k'a xbanatej.

Ester 9:25

Jari' k'a toq ri reina Ester xapon chuwech ri rey, toq xubij chi titz'ibex chuwech jun wuj, ronojel ri etzelal ri xuch'ob ri Amán chikij ri judío, xa kan chirij k'a rija' tiqaqa-wi, y chi titzeqebex rija' y ri e lajuj ruk'ajol.

Wuj Richin ri Achin Job 18:8

Kan roma k'a ri rubanik ri rubinibal chupan ri ruk'aslen, xtiqaqa pa jun ya'l pikbel Ri rubinibal kan choj k'a xtuk'uaj k'a pa ruwi' jun jul-pikbel.

Wuj Richin ri Achin Job 20:8

Ri wineq ri' kan xtibe k'a, achi'el nibe jun achik'. Kan xtuk'uluwachij achi'el toq nik'utumej jun achi'el achik' chuwech jun wineq.

Wuj Richin Bix Chire ri Dios 37:15

Jak'a ri ki-espada xa chikij chik rije' xtuch'ik-wi-ri', y chijun k'a ri rute-ch'ab kan xkeq'aj.

Wuj Richin Bix Chire ri Dios 7:16

Ri rumak xa pa ruwi' k'a rija' xtiqaqa-wi; kan pa ruwi' k'a rija' xtapon-wi ri itzel taq rubanobal.

Wuj Richin Bix Chire ri Dios 94:23

Rat Jehová kan xtaben k'a chi ri kimak ri e banoy taq etzelal kan xtikejqalej rije'. Kan xke'ak'is k'a chupan ri kimak. Kan jak'a rat Jehová ri at qa-Dios ri xkabanon keri' chike ri winaqi' ri'.

Wuj Richin Etamabel-Tzij 11:27

Ri wineq ri kan ja ri utz ri nukanoj, kan nril ri utzil; jak'a ri jun ri xa ja ri etzelal nukanoj, kan jari' ri itzel ri xtiberuk'ulu-pe.

Wuj Richin Etamabel-Tzij 11:8

Ri wineq ri choj ruk'aslen nitotej-el chuwech ri ruk'ayewal ri k'aslen, y ri nik'oje' kan chuxe' ri ruk'ayewal ri k'aslen, ja ri banoy richin ri etzelal.

Wuj Richin Etamabel-Tzij 26:27

Kan qitzij k'a ri nubij ri tzij: Wi nak'ot jun jul richin pikbel, xa ja rat ri xkatzaq-qa chupan nabey; y ri wineq ri nuk'ot ruxe' jun abej, xa xtibepiskolitej-pe chirij.

Wuj Richin ri Jeremías 34:17

Roma ri' yin ninbij chi roma rix kan man xiniwak'axaj ta k'a richin chi xiya' ta el q'ij chike ri isamajela' richin xetotej, roma ri' re wakami yin kan xtinya' q'ij chi xtipe ri labal, ri wayjal y ri nima-yabil chiwij; kan xtinben chike konojel tzobaj winaqi' richin re ruwach'ulew, chi xtikixibij-ki' chiwech.

Ez 5:13

Toq xinwelesaj yan k'a ri woyowal chiwij, k'ari' xtich'uch'u' ri wánima y xtiwetamaj k'a chi ja yin Jehová ri yibanon roma kan janila yakatajineq woyowal chiwij.

Dn 6:24

Chirij ri' ri rey kan xubij k'a chi kebek'amer-pe ri achi'a' ri nich'upun kik'u'x chirij ri Daniel, y kek'aq chupan ri jul ri akuchi ek'o-wi ri koj. Kan keri' k'a xban chike ri achi'a' ri', e kachibilan ri kixjayilal y ri kalk'ual. Y kan k'a man jani k'a ke'apon-qa kik'in ri koj, kan ja yan ri' xkik'eq-pe-ki' ri koj chikij, y kan xekiwech'.

Dn 6:25

Xeri' ri rey Darío xutz'ibaj k'a el wuj chike konojel winaqi' ri ek'o pa rajawaren, y kere' k'a ri nubij ri wuj: Ja ta ri uxlanibel-k'u'x ri xtik'oje' iwik'in chi'iwonojel.

Wuj Richin ri Zacarías 6:8

Chirij ri', ri ángel xsik'in-pe wik'in y xubij k'a chuwe chi tintz'eta' ri kiej ri xebe pa xaman, roma xbekiqasaj kan ruwi' ri royowal ri Jehová pa ruwi' ri ruwach'ulew ri'.

Wuj Kichin ri To'onela' 15:7

Jari' toq ri Sansón xubij chike: Roma kere' xiben, wakami k'a man xkixinya' ta kan k'a toq xtitoj ri achike xiben, xcha'.