Ester 6:9 - Kaqchiquel Bible

⁹ Y ri tzieq y ri kiej tijach pa ruq'a' jun chike ri e tata'al ri k'o más ruq'ij. Y rija' tuwiqa-el ri achin ri nanimirisaj ruq'ij rat, y k'ari' tich'okobex-el chirij ri kiej. Chirij ri' tuyuqej-el ri kiej y tuk'uaj-el chupan ri nima-ruwech bey richin molojri'il, y xtisik'in y xtubij: Kere' niban chire ri achin ri ninimirisex ruq'ij roma ri rey, xticha', xcha' ri Amán.

Ester 6:9 ပူးပေါင်းရင်းမြစ်များ

Wuj Richin ri Rutikeribel 41:43

Y xeri' xuya-el chupan ri carruaje ri richin ri nimalej samajel, y xrelesaj rutzijol chijun ruwach'ulew, y nikibila' k'a ri e beneq chuwech: Kixxuke' chuwech re achin re' y kan keri' ri xbanatej. Keri' k'a rubanik toq ri José xok kan q'atoy-tzij ri chiri' pan Egipto.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

Ester 6:6

Xok k'a apo ri Amán. Y ri rey xubij chire: ¿Achike ta ruk'amon richin niban chire ri achin ri ninwajo' yin chi ninimirisex ruq'ij?, xcha'. Y ri Amán xubij-qa pa ránima, ¿achike ta k'a ri más qajineq chuwech ri rey richin nuya' ruq'ij? ¡Xa kan xaxe wi yin!, xcha-qa.

Ester 6:10

K'ari' ri rey xubij chire: Kabiyin k'a chi'anin y tabek'ama-pe ri tzieq y ri kiej, achi'el ri xabij-qa. Tabana' rik'in ri Mardoqueo ri judío ronojel ri xabij. Tatz'eta' chi man jun namestaj chire ri xabij, xcha'.